Sri Suktam

hiraṇyavarṇāṃ hariṇīṃ suvarṇarajatasrajām | candrāṃ hiraṇmayīṃ lakṣmīṃ jātavēdō ma āvaha || 1 || tāṃ ma āvaha jātavēdō lakṣmīmanapagāminīm | yasyāṃ hiraṇyaṃ vindēyaṃ gāmaśvaṃ puruṣānaham || 2 || aśvapūrvāṃ rathamadhyāṃ hastinādaprabōdhinīm | śriyaṃ dēvīmupahvayē śrīrmādēvīrjuṣatām || 3 || kāṃ sōsmitāṃ hiraṇyaprākārāmārdrāṃ jvalantīṃ tṛptāṃ tarpayantīm | padmē sthitāṃ padmavarṇāṃ tāmihōpahvayē śriyam || 4 || candrāṃ prabhāsāṃ yaśasā jvalantīṃ śriyaṃ lōkē dēvajuṣṭāmudārām | tāṃ padminīmīṃ śaraṇamahaṃ prapadyē’lakṣmīrmē naśyatāṃ tvāṃ vṛṇē || 5 || ādityavarṇē tapasō’dhijātō vanaspatistava vṛkṣō’tha bilvaḥ | tasya phalāni tapasā nudantu māyāntarāyāśca bāhyā alakṣmīḥ || 6 || upaitu māṃ dēvasakhaḥ kīrtiśca maṇinā saha | prādurbhūtō’smi rāṣṭrē’smin kīrtimṛddhiṃ dadātu mē || 7 || kṣutpipāsāmalāṃ jyēṣṭhāmalakṣmīṃ nāśayāmyaham | abhūtimasamṛddhiṃ ca sarvāṃ nirṇuda mē gṛhāt || 8 || gaṃdhadvārāṃ durādharṣāṃ nityapuṣṭāṃ karīṣiṇīm | īśvarīgṃ sarvabhūtānāṃ tāmihōpahvayē śriyam || 9 || manasa: kāmamākūtiṃ vācaḥ satyamaśīmahi | paśūnāṃ rūpamannasya mayi śrīḥ śrayatāṃ yaśa: || 10 || kardamēna prajābhūtā mayi saṃbhava kardama | śriyaṃ vāsaya mē kulē mātaraṃ padmamālinīm || 11 || āpa: sṛjantu snigdhāni ciklīta vasa mē gṛhē | ni ca dēvīṃ mātaraṃ śriyaṃ vāsaya mē kulē || 12 || ārdrāṃ puṣkariṇīṃ puṣṭiṃ piṅgalāṃ padmamālinīm| candrāṃ hiraṇmayīṃ lakṣmīṃ jātavēdō ma āvaha || 13 || ārdrāṃ ya: kariṇīṃ yaṣṭiṃ suvarṇāṃ hēmamālinīm | sūryāṃ hiraṇmayīṃ lakṣmīṃ jātavēdō ma āvaha || 14 || tāṃ ma āvaha jātavēdō lakṣmīmanapagāminīm | yasyāṃ hiraṇyaṃ prabhūtaṃ gāvō dāsyō’śvānvindēyaṃ puruṣānaham || 15 || —- yaḥ śuci: prayatō bhūtvā juhuyādājya manvaham | śriya: pañcadaśarcaṃ ca śrīkāma: satataṃ japēt || ānanda: kardamaścaiva ciklīta iti viśrutāḥ | ṛṣaya: tē trayaḥ putrāḥ svayaṃ śrīdēvi dēvatā || padmāsanē padma ūrū padmākṣī padmasaṃbhavē | tvaṃ māṃ bhajasva padmākṣī yēna saukhyaṃ labhāmyaham || aśvadāyī gōdāyī dhanadāyī mahādhanē | dhanaṃ mē juṣatāṃ dēvi sarvakāmārtha siddhayē || putrapautra dhanaṃ dhānyaṃ hastyaśvādigavē ratham | prajānāṃ bhavasi mātā āyuṣmantaṃ karōtu mām || caṃdrābhāṃ lakṣmīmīśānāṃ suryābhāṃ śriyamīśvarīm | caṃdra sūryāgni sarvābhāṃ śrīmahālakṣmīmupāsmahē || dhanamagnirdhanaṃ vāyurdhanaṃ sūryō dhanaṃ vasu: | dhanamindrō bṛhaspatirvaruṇaṃ dhanamaśnu tē || vainatēya sōmaṃ piba sōmaṃ pibatu vṛtrahā | sōmaṃ dhanasya sōminō mahyaṃ dadātu sōmina: || na krōdhō na ca mātsaryaṃ na lōbhō nāśubhā matiḥ | bhavanti kṛtapuṇyānāṃ bhaktānāṃ śrīsūktaṃ japētsadā || varṣantu tē vibhāvari divō abhrasya vidyutaḥ | rōhantu sarvabījānyava brahma dviṣō jahi || padmapriyē padmini padmahastē padmālayē padmadaḷāyatākṣi | viśvapriyē viṣṇu manō’nukūlē tvatpādapadmaṃ mayi sannidhatsva || yā sā padmāsanasthā vipulakaṭitaṭī padmapatrāyatākṣī | gaṃbhīrā vartanābhiḥ stanabhara namitā śubhra vastrōttarīyā | lakṣmīrdivyairgajēndrairmaṇigaṇa khacitaissnāpitā hēmakuṃbhaiḥ | nityaṃ sā padmahastā mama vasatu gṛhē sarvamāṅgaḷyayuktā || lakṣmīṃ kṣīrasamudrarājatanayāṃ śrīraṃgadhāmēśvarīm | dāsībhūtasamasta dēva vanitāṃ lōkaika dīpāṃkurām | śrīmanmandakaṭākṣalabdha vibhava brahmēndragaṅgādharāṃ | tvāṃ trailōkya kuṭuṃbinīṃ sarasijāṃ vandē mukundapriyām || siddhalakṣmīrmōkṣalakṣmīrjayalakṣmīssarasvatī | śrīlakṣmīrvaralakṣmīśca prasannā mama sarvadā || varāṃkuśau pāśamabhītimudrāṃ karairvahantīṃ kamalāsanasthām | bālārka kōṭi pratibhāṃ triṇētrāṃ bhajēhamādyāṃ jagadīśvarīṃ tām || sarvamaṅgaḷamāṅgaḷyē śivē sarvārtha sādhikē | śaraṇyē tryaṃbakē dēvi nārāyaṇi namō’stu tē || ōṃ mahādēvyai ca vidmahē viṣṇupatnī ca dhīmahi | tannō lakṣmīḥ pracōdayāt || ōṃ śānti: śānti: śānti: ||

హిరణ్యవర్ణాం హరిణీం సువర్ణరజతస్రజామ్ | చన్ద్రాం హిరణ్మయీం లక్ష్మీం జాతవేదో మ ఆవహ || ౧ || తాం మ ఆవహ జాతవేదో లక్ష్మీమనపగామినీమ్ | యస్యాం హిరణ్యం విన్దేయం గామశ్వం పురుషానహమ్ || ౨ || అశ్వపూర్వాం రథమధ్యాం హస్తినాదప్రబోధినీమ్ | శ్రియం దేవీముపహ్వయే శ్రీర్మాదేవీర్జుషతామ్ || ౩ || కాం సోస్మితాం హిరణ్యప్రాకారామార్ద్రాం జ్వలన్తీం తృప్తాం తర్పయన్తీమ్ | పద్మే స్థితాం పద్మవర్ణాం తామిహోపహ్వయే శ్రియమ్ || ౪ || చన్ద్రాం ప్రభాసాం యశసా జ్వలన్తీం శ్రియం లోకే దేవజుష్టాముదారామ్ | తాం పద్మినీమీం శరణమహం ప్రపద్యేఽలక్ష్మీర్మే నశ్యతాం త్వాం వృణే || ౫ || ఆదిత్యవర్ణే తపసోఽధిజాతో వనస్పతిస్తవ వృక్షోఽథ బిల్వః | తస్య ఫలాని తపసా నుదన్తు మాయాన్తరాయాశ్చ బాహ్యా అలక్ష్మీః || ౬ || ఉపైతు మాం దేవసఖః కీర్తిశ్చ మణినా సహ | ప్రాదుర్భూతోఽస్మి రాష్ట్రేఽస్మిన్ కీర్తిమృద్ధిం దదాతు మే || ౭ || క్షుత్పిపాసామలాం జ్యేష్ఠామలక్ష్మీం నాశయామ్యహమ్ | అభూతిమసమృద్ధిం చ సర్వాం నిర్ణుద మే గృహాత్ || ౮ || గంధద్వారాం దురాధర్షాం నిత్యపుష్టాం కరీషిణీమ్ | ఈశ్వరీగ్ం సర్వభూతానాం తామిహోపహ్వయే శ్రియమ్ || ౯ || మనస: కామమాకూతిం వాచః సత్యమశీమహి | పశూనాం రూపమన్నస్య మయి శ్రీః శ్రయతాం యశ: || ౧౦ || కర్దమేన ప్రజాభూతా మయి సంభవ కర్దమ | శ్రియం వాసయ మే కులే మాతరం పద్మమాలినీమ్ || ౧౧ || ఆప: సృజన్తు స్నిగ్ధాని చిక్లీత వస మే గృహే | ని చ దేవీం మాతరం శ్రియం వాసయ మే కులే || ౧౨ || ఆర్ద్రాం పుష్కరిణీం పుష్టిం పిఙ్గలాం పద్మమాలినీమ్| చన్ద్రాం హిరణ్మయీం లక్ష్మీం జాతవేదో మ ఆవహ || ౧౩ || ఆర్ద్రాం య: కరిణీం యష్టిం సువర్ణాం హేమమాలినీమ్ | సూర్యాం హిరణ్మయీం లక్ష్మీం జాతవేదో మ ఆవహ || ౧౪ || తాం మ ఆవహ జాతవేదో లక్ష్మీమనపగామినీమ్ | యస్యాం హిరణ్యం ప్రభూతం గావో దాస్యోఽశ్వాన్విన్దేయం పురుషానహమ్ || ౧౫ || —- యః శుచి: ప్రయతో భూత్వా జుహుయాదాజ్య మన్వహమ్ | శ్రియ: పఞ్చదశర్చం చ శ్రీకామ: సతతం జపేత్ || ఆనన్ద: కర్దమశ్చైవ చిక్లీత ఇతి విశ్రుతాః | ఋషయ: తే త్రయః పుత్రాః స్వయం శ్రీదేవి దేవతా || పద్మాసనే పద్మ ఊరూ పద్మాక్షీ పద్మసంభవే | త్వం మాం భజస్వ పద్మాక్షీ యేన సౌఖ్యం లభామ్యహమ్ || అశ్వదాయీ గోదాయీ ధనదాయీ మహాధనే | ధనం మే జుషతాం దేవి సర్వకామార్థ సిద్ధయే || పుత్రపౌత్ర ధనం ధాన్యం హస్త్యశ్వాదిగవే రథమ్ | ప్రజానాం భవసి మాతా ఆయుష్మన్తం కరోతు మామ్ || చంద్రాభాం లక్ష్మీమీశానాం సుర్యాభాం శ్రియమీశ్వరీమ్ | చంద్ర సూర్యాగ్ని సర్వాభాం శ్రీమహాలక్ష్మీముపాస్మహే || ధనమగ్నిర్ధనం వాయుర్ధనం సూర్యో ధనం వసు: | ధనమిన్ద్రో బృహస్పతిర్వరుణం ధనమశ్ను తే || వైనతేయ సోమం పిబ సోమం పిబతు వృత్రహా | సోమం ధనస్య సోమినో మహ్యం దదాతు సోమిన: || న క్రోధో న చ మాత్సర్యం న లోభో నాశుభా మతిః | భవన్తి కృతపుణ్యానాం భక్తానాం శ్రీసూక్తం జపేత్సదా || వర్షన్తు తే విభావరి దివో అభ్రస్య విద్యుతః | రోహన్తు సర్వబీజాన్యవ బ్రహ్మ ద్విషో జహి || పద్మప్రియే పద్మిని పద్మహస్తే పద్మాలయే పద్మదళాయతాక్షి | విశ్వప్రియే విష్ణు మనోఽనుకూలే త్వత్పాదపద్మం మయి సన్నిధత్స్వ || యా సా పద్మాసనస్థా విపులకటితటీ పద్మపత్రాయతాక్షీ | గంభీరా వర్తనాభిః స్తనభర నమితా శుభ్ర వస్త్రోత్తరీయా | లక్ష్మీర్దివ్యైర్గజేన్ద్రైర్మణిగణ ఖచితైస్స్నాపితా హేమకుంభైః | నిత్యం సా పద్మహస్తా మమ వసతు గృహే సర్వమాఙ్గళ్యయుక్తా || లక్ష్మీం క్షీరసముద్రరాజతనయాం శ్రీరంగధామేశ్వరీమ్ | దాసీభూతసమస్త దేవ వనితాం లోకైక దీపాంకురామ్ | శ్రీమన్మన్దకటాక్షలబ్ధ విభవ బ్రహ్మేన్ద్రగఙ్గాధరాం | త్వాం త్రైలోక్య కుటుంబినీం సరసిజాం వన్దే ముకున్దప్రియామ్ || సిద్ధలక్ష్మీర్మోక్షలక్ష్మీర్జయలక్ష్మీస్సరస్వతీ | శ్రీలక్ష్మీర్వరలక్ష్మీశ్చ ప్రసన్నా మమ సర్వదా || వరాంకుశౌ పాశమభీతిముద్రాం కరైర్వహన్తీం కమలాసనస్థామ్ | బాలార్క కోటి ప్రతిభాం త్రిణేత్రాం భజేహమాద్యాం జగదీశ్వరీం తామ్ || సర్వమఙ్గళమాఙ్గళ్యే శివే సర్వార్థ సాధికే | శరణ్యే త్ర్యంబకే దేవి నారాయణి నమోఽస్తు తే || ఓం మహాదేవ్యై చ విద్మహే విష్ణుపత్నీ చ ధీమహి | తన్నో లక్ష్మీః ప్రచోదయాత్ || ఓం శాన్తి: శాన్తి: శాన్తి: ||