Kanakadhara Stotram
Simple English spelling · original wording
vamde vamdaru mamdaramimdiranamdakamdalam
amamdanamdasamdoha bamdhuram simdhurananam
amgam hareha pulakabhooshanamashrayamtee
bhrimgamganeva mukulabharanam tamalam
amgeekritakhilavibhootirapamgaleela
mamgalyadastu mama mamgaladevatayaha
mugdha muhurvidadhatee vadane murareha
prematrapapranihitani gatagatani
maladrishormadhukareeva mahotpale ya
sa me shriyam dishatu sagarasambhavayaha
vishvamaremdrapadavibhramadanadaksha-
-manamdaheturadhikam muravidvisho’pi
eeshannisheedatu mayi kshanameekshanartha-
-mimdeevarodarasahodaramimdirayaha
ameelitakshamadhigamya muda mukumda-
-manamdakamdamanimeshamanamgatamtram
akekarasthitakaneenikapakshmanetram
bhootyai bhavenmama bhujamgashayamganayaha
bahvamtare madhujitaha shritakaustubhe ya
haravaleeva harineelamayee vibhati
kamaprada bhagavato’pi katakshamala
kalyanamavahatu me kamalalayayaha
kalambudalilalitorasi kaitabhare-
-rdharadhare sphurati ya tatidamganeva
matussamastajagatam mahaneeyamoortiha
bhadrani me dishatu bhargavanamdanayaha
praptam padam prathamataha khalu yatprabhava-
-nmamgalyabhaji madhumathini manmathena
mayyapatettadiha mamtharameekshanardham
mamdalasam ca makaralayakanyakayaha
dadyaddayanupavano dravinambudhara-
-masminna kimcana vihamgashishau vishanne
dushkarmagharmamapaneeya ciraya dooram
narayanapranayineenayanambuvahaha
ishtavishishtamatayo’pi yaya dayardra-
-drishtya trivishtapapadam sulabham labhamte
drishtiha prahrishtakamalodaradeeptirishtam
pushtim krisheeshta mama pushkaravishtarayaha
geerdevateti garudadhvajasumdareeti
shakambhareeti shashishekharavallabheti
srishtisthitipralayakelishu samsthitayai
tasyai namastribhuvanaikagurostarunyai
shrutyai namo’stu shubhakarmaphalaprasootyai
ratyai namo’stu ramaneeyagunarnavayai
shaktyai namo’stu shatapatraniketanayai
pushtyai namo’stu purushottamavallabhayai
namo’stu naleekanibhananayai
namo’stu dugdhodadhijanmabhoomyai
namo’stu somamritasodarayai
namo’stu narayanavallabhayai
[* adhika shlokaha –
namo’stu hemambujapeethikayai
namo’stu bhoomamdalanayikayai
namo’stu devadidayaparayai
namo’stu sharngayudhavallabhayai
namo’stu devyai bhrigunamdanayai
namo’stu vishnorurasisthitayai
namo’stu lakshmyai kamalalayayai
namo’stu damodaravallabhayai
namo’stu kamtyai kamalekshanayai
namo’stu bhootyai bhuvanaprasootyai
namo’stu devadibhirarcitayai
namo’stu namdatmajavallabhayai
*]
sampatkarani sakalemdriyanamdanani
samrajyadanavibhavani saroruhakshi
tvadvamdanani duritaharanodyatani
mameva mataranisham kalayamtu manye
yatkatakshasamupasanavidhiha
sevakasya sakalarthasampadaha
samtanoti vacanamgamanasai-
-stvam murarihridayeshvareem bhaje
sarasijanilaye sarojahaste
dhavalatamamshukagamdhamalyashobhe
bhagavati harivallabhe manojne
tribhuvanabhootikari praseeda mahyam
digghastibhiha kanakakumbhamukhavasrishta-
-svarvahineevimalacarujalaplutamgeem
pratarnamami jagatam jananeemashesha-
-lokadhinathagrihineemamritabdhiputreem
kamale kamalakshavallabhe tvam
karunapoorataramgitairapamgaiha
avalokaya mamakimcananam
prathamam patramakritrimam dayayaha
[* adhika shlokaha –
bilvataveemadhyalasatsaroje
sahasrapatre sukhasannivishtam
ashtapadambhoruhapanipadmam
suvarnavarnam pranamami lakshmeem
kamalasanapanina lalate
likhitamaksharapamktimasya jamtoha
parimarjaya mataramghrina te
dhanikadvaranivasa duhakhadogdhreem
ambhoruham janmagriham bhavatyaha
vakshahasthalam bhartrigriham murareha
karunyataha kalpaya padmavase
leelagriham me hridayaravimdam
*]
stuvamti ye stutibhiramoobhiranvaham
trayeemayeem tribhuvanamataram ramam
gunadhika gurutarabhagyabhajino
bhavamti te bhuvi budhabhavitashayaha
[* adhika shlokam –
suvarnadharastotram yacchamkaracarya nirmitam
trisamdhyam yaha pathennityam sa kuberasamo bhavet
*]
iti shreematparamahamsaparivrajakacaryasya shreegovimdabhagavatpoojyapadashishyasya shreemacchamkarabhagavataha kritau kanakadharastotram sampoornam
Meaning · English summary
A hymn describing Lakshmi's compassionate glance and asking for her gracious blessing.
Precise transliteration
vaṃdē vaṃdāru maṃdāramiṃdirānaṃdakaṃdalam |
amaṃdānaṃdasaṃdōha baṃdhuraṃ siṃdhurānanam ||
aṃgaṃ harēḥ pulakabhūṣaṇamāśrayaṃtī
bhṛṃgāṃganēva mukuḷābharaṇaṃ tamālam |
aṃgīkṛtākhilavibhūtirapāṃgalīlā
māṃgaḷyadāstu mama maṃgaḷadēvatāyāḥ || 1 ||
mugdhā muhurvidadhatī vadanē murārēḥ
prēmatrapāpraṇihitāni gatāgatāni |
mālādṛśōrmadhukarīva mahōtpalē yā
sā mē śriyaṃ diśatu sāgarasaṃbhavāyāḥ || 2 ||
viśvāmarēṃdrapadavibhramadānadakṣa-
-mānaṃdahēturadhikaṃ muravidviṣō’pi |
īṣanniṣīdatu mayi kṣaṇamīkṣaṇārtha-
-miṃdīvarōdarasahōdaramiṃdirāyāḥ || 3 ||
āmīlitākṣamadhigamya mudā mukuṃda-
-mānaṃdakaṃdamanimēṣamanaṃgataṃtram |
ākēkarasthitakanīnikapakṣmanētraṃ
bhūtyai bhavēnmama bhujaṃgaśayāṃganāyāḥ || 4 ||
bāhvaṃtarē madhujitaḥ śritakaustubhē yā
hārāvaḷīva harinīlamayī vibhāti |
kāmapradā bhagavatō’pi kaṭākṣamālā
kaḷyāṇamāvahatu mē kamalālayāyāḥ || 5 ||
kālāṃbudāḷilalitōrasi kaiṭabhārē-
-rdhārādharē sphurati yā taṭidaṃganēva |
mātussamastajagatāṃ mahanīyamūrtiḥ
bhadrāṇi mē diśatu bhārgavanaṃdanāyāḥ || 6 ||
prāptaṃ padaṃ prathamataḥ khalu yatprabhāvā-
-nmāṃgaḷyabhāji madhumāthini manmathēna |
mayyāpatēttadiha maṃtharamīkṣaṇārdhaṃ
maṃdālasaṃ ca makarālayakanyakāyāḥ || 7 ||
dadyāddayānupavanō draviṇāṃbudhārā-
-masminna kiṃcana vihaṃgaśiśau viṣaṇṇē |
duṣkarmagharmamapanīya cirāya dūraṃ
nārāyaṇapraṇayinīnayanāṃbuvāhaḥ || 8 ||
iṣṭāviśiṣṭamatayō’pi yayā dayārdra-
-dṛṣṭyā triviṣṭapapadaṃ sulabhaṃ labhaṃtē |
dṛṣṭiḥ prahṛṣṭakamalōdaradīptiriṣṭāṃ
puṣṭiṃ kṛṣīṣṭa mama puṣkaraviṣṭarāyāḥ || 9 ||
gīrdēvatēti garuḍadhvajasuṃdarīti
śākaṃbharīti śaśiśēkharavallabhēti |
sṛṣṭisthitipraḷayakēḷiṣu saṃsthitāyai
tasyai namastribhuvanaikagurōstaruṇyai || 10 ||
śrutyai namō’stu śubhakarmaphalaprasūtyai
ratyai namō’stu ramaṇīyaguṇārṇavāyai |
śaktyai namō’stu śatapatranikētanāyai
puṣṭyai namō’stu puruṣōttamavallabhāyai || 11 ||
namō’stu nāḷīkanibhānanāyai
namō’stu dugdhōdadhijanmabhūmyai |
namō’stu sōmāmṛtasōdarāyai
namō’stu nārāyaṇavallabhāyai || 12 ||
[* adhika ślōkāḥ –
namō’stu hēmāṃbujapīṭhikāyai
namō’stu bhūmaṃḍalanāyikāyai |
namō’stu dēvādidayāparāyai
namō’stu śārṅgāyudhavallabhāyai ||
namō’stu dēvyai bhṛgunaṃdanāyai
namō’stu viṣṇōrurasisthitāyai |
namō’stu lakṣmyai kamalālayāyai
namō’stu dāmōdaravallabhāyai ||
namō’stu kāṃtyai kamalēkṣaṇāyai
namō’stu bhūtyai bhuvanaprasūtyai |
namō’stu dēvādibhirarcitāyai
namō’stu naṃdātmajavallabhāyai ||
*]
saṃpatkarāṇi sakalēṃdriyanaṃdanāni
sāmrājyadānavibhavāni sarōruhākṣi |
tvadvaṃdanāni duritāharaṇōdyatāni
māmēva mātaraniśaṃ kalayaṃtu mānyē || 13 ||
yatkaṭākṣasamupāsanāvidhiḥ
sēvakasya sakalārthasaṃpadaḥ |
saṃtanōti vacanāṃgamānasai-
-stvāṃ murārihṛdayēśvarīṃ bhajē || 14 ||
sarasijanilayē sarōjahastē
dhavaḷatamāṃśukagaṃdhamālyaśōbhē |
bhagavati harivallabhē manōjñē
tribhuvanabhūtikari prasīda mahyam || 15 ||
digghastibhiḥ kanakakuṃbhamukhāvasṛṣṭa-
-svarvāhinīvimalacārujalaplutāṃgīm |
prātarnamāmi jagatāṃ jananīmaśēṣa-
-lōkādhināthagṛhiṇīmamṛtābdhiputrīm || 16 ||
kamalē kamalākṣavallabhē tvaṃ
karuṇāpūrataraṃgitairapāṃgaiḥ |
avalōkaya māmakiṃcanānāṃ
prathamaṃ pātramakṛtrimaṃ dayāyāḥ || 17 ||
[* adhika ślōkāḥ –
bilvāṭavīmadhyalasatsarōjē
sahasrapatrē sukhasanniviṣṭām |
aṣṭāpadāṃbhōruhapāṇipadmāṃ
suvarṇavarṇāṃ praṇamāmi lakṣmīm ||
kamalāsanapāṇinā lalāṭē
likhitāmakṣarapaṃktimasya jaṃtōḥ |
parimārjaya mātaraṃghriṇā tē
dhanikadvāranivāsa duḥkhadōgdhrīm ||
aṃbhōruhaṃ janmagṛhaṃ bhavatyāḥ
vakṣaḥsthalaṃ bhartṛgṛhaṃ murārēḥ |
kāruṇyataḥ kalpaya padmavāsē
līlāgṛhaṃ mē hṛdayāraviṃdam ||
*]
stuvaṃti yē stutibhiramūbhiranvahaṃ
trayīmayīṃ tribhuvanamātaraṃ ramām |
guṇādhikā gurutarabhāgyabhājinō
bhavaṃti tē bhuvi budhabhāvitāśayāḥ || 18 ||
[* adhika ślōkaṃ –
suvarṇadhārāstōtraṃ yacchaṃkarācārya nirmitam |
trisaṃdhyaṃ yaḥ paṭhēnnityaṃ sa kubērasamō bhavēt ||
*]
iti śrīmatparamahaṃsaparivrājakācāryasya śrīgōviṃdabhagavatpūjyapādaśiṣyasya śrīmacchaṃkarabhagavataḥ kṛtau kanakadhārāstōtraṃ saṃpūrṇam |
Telugu script
వందే వందారు మందారమిందిరానందకందలమ్ |
అమందానందసందోహ బంధురం సింధురాననమ్ ||
అంగం హరేః పులకభూషణమాశ్రయంతీ
భృంగాంగనేవ ముకుళాభరణం తమాలమ్ |
అంగీకృతాఖిలవిభూతిరపాంగలీలా
మాంగళ్యదాస్తు మమ మంగళదేవతాయాః || ౧ ||
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని |
మాలాదృశోర్మధుకరీవ మహోత్పలే యా
సా మే శ్రియం దిశతు సాగరసంభవాయాః || ౨ ||
విశ్వామరేంద్రపదవిభ్రమదానదక్ష-
-మానందహేతురధికం మురవిద్విషోఽపి |
ఈషన్నిషీదతు మయి క్షణమీక్షణార్థ-
-మిందీవరోదరసహోదరమిందిరాయాః || ౩ ||
ఆమీలితాక్షమధిగమ్య ముదా ముకుంద-
-మానందకందమనిమేషమనంగతంత్రమ్ |
ఆకేకరస్థితకనీనికపక్ష్మనేత్రం
భూత్యై భవేన్మమ భుజంగశయాంగనాయాః || ౪ ||
బాహ్వంతరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతోఽపి కటాక్షమాలా
కళ్యాణమావహతు మే కమలాలయాయాః || ౫ ||
కాలాంబుదాళిలలితోరసి కైటభారే-
-ర్ధారాధరే స్ఫురతి యా తటిదంగనేవ |
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనందనాయాః || ౬ ||
ప్రాప్తం పదం ప్రథమతః ఖలు యత్ప్రభావా-
-న్మాంగళ్యభాజి మధుమాథిని మన్మథేన |
మయ్యాపతేత్తదిహ మంథరమీక్షణార్ధం
మందాలసం చ మకరాలయకన్యకాయాః || ౭ ||
దద్యాద్దయానుపవనో ద్రవిణాంబుధారా-
-మస్మిన్న కించన విహంగశిశౌ విషణ్ణే |
దుష్కర్మఘర్మమపనీయ చిరాయ దూరం
నారాయణప్రణయినీనయనాంబువాహః || ౮ ||
ఇష్టావిశిష్టమతయోఽపి యయా దయార్ద్ర-
-దృష్ట్యా త్రివిష్టపపదం సులభం లభంతే |
దృష్టిః ప్రహృష్టకమలోదరదీప్తిరిష్టాం
పుష్టిం కృషీష్ట మమ పుష్కరవిష్టరాయాః || ౯ ||
గీర్దేవతేతి గరుడధ్వజసుందరీతి
శాకంభరీతి శశిశేఖరవల్లభేతి |
సృష్టిస్థితిప్రళయకేళిషు సంస్థితాయై
తస్యై నమస్త్రిభువనైకగురోస్తరుణ్యై || ౧౦ ||
శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై |
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై || ౧౧ ||
నమోఽస్తు నాళీకనిభాననాయై
నమోఽస్తు దుగ్ధోదధిజన్మభూమ్యై |
నమోఽస్తు సోమామృతసోదరాయై
నమోఽస్తు నారాయణవల్లభాయై || ౧౨ ||
[* అధిక శ్లోకాః –
నమోఽస్తు హేమాంబుజపీఠికాయై
నమోఽస్తు భూమండలనాయికాయై |
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై ||
నమోఽస్తు దేవ్యై భృగునందనాయై
నమోఽస్తు విష్ణోరురసిస్థితాయై |
నమోఽస్తు లక్ష్మ్యై కమలాలయాయై
నమోఽస్తు దామోదరవల్లభాయై ||
నమోఽస్తు కాంత్యై కమలేక్షణాయై
నమోఽస్తు భూత్యై భువనప్రసూత్యై |
నమోఽస్తు దేవాదిభిరర్చితాయై
నమోఽస్తు నందాత్మజవల్లభాయై ||
*]
సంపత్కరాణి సకలేంద్రియనందనాని
సామ్రాజ్యదానవిభవాని సరోరుహాక్షి |
త్వద్వందనాని దురితాహరణోద్యతాని
మామేవ మాతరనిశం కలయంతు మాన్యే || ౧౩ ||
యత్కటాక్షసముపాసనావిధిః
సేవకస్య సకలార్థసంపదః |
సంతనోతి వచనాంగమానసై-
-స్త్వాం మురారిహృదయేశ్వరీం భజే || ౧౪ ||
సరసిజనిలయే సరోజహస్తే
ధవళతమాంశుకగంధమాల్యశోభే |
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యమ్ || ౧౫ ||
దిగ్ఘస్తిభిః కనకకుంభముఖావసృష్ట-
-స్వర్వాహినీవిమలచారుజలప్లుతాంగీమ్ |
ప్రాతర్నమామి జగతాం జననీమశేష-
-లోకాధినాథగృహిణీమమృతాబ్ధిపుత్రీమ్ || ౧౬ ||
కమలే కమలాక్షవల్లభే త్వం
కరుణాపూరతరంగితైరపాంగైః |
అవలోకయ మామకించనానాం
ప్రథమం పాత్రమకృత్రిమం దయాయాః || ౧౭ ||
[* అధిక శ్లోకాః –
బిల్వాటవీమధ్యలసత్సరోజే
సహస్రపత్రే సుఖసన్నివిష్టామ్ |
అష్టాపదాంభోరుహపాణిపద్మాం
సువర్ణవర్ణాం ప్రణమామి లక్ష్మీమ్ ||
కమలాసనపాణినా లలాటే
లిఖితామక్షరపంక్తిమస్య జంతోః |
పరిమార్జయ మాతరంఘ్రిణా తే
ధనికద్వారనివాస దుఃఖదోగ్ధ్రీమ్ ||
అంభోరుహం జన్మగృహం భవత్యాః
వక్షఃస్థలం భర్తృగృహం మురారేః |
కారుణ్యతః కల్పయ పద్మవాసే
లీలాగృహం మే హృదయారవిందమ్ ||
*]
స్తువంతి యే స్తుతిభిరమూభిరన్వహం
త్రయీమయీం త్రిభువనమాతరం రమామ్ |
గుణాధికా గురుతరభాగ్యభాజినో
భవంతి తే భువి బుధభావితాశయాః || ౧౮ ||
[* అధిక శ్లోకం –
సువర్ణధారాస్తోత్రం యచ్ఛంకరాచార్య నిర్మితమ్ |
త్రిసంధ్యం యః పఠేన్నిత్యం స కుబేరసమో భవేత్ ||
*]
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ కనకధారాస్తోత్రం సంపూర్ణమ్ |