Ganesha Pancharatnam

mudā karāttamōdakaṃ sadā vimuktisādhakaṃ kaḷādharāvataṃsakaṃ vilāsilōkarakṣakam | anāyakaikanāyakaṃ vināśitēbhadaityakaṃ natāśubhāśunāśakaṃ namāmi taṃ vināyakam || 1 || natētarātibhīkaraṃ navōditārkabhāsvaraṃ namatsurārinirjaraṃ natādhikāpaduddharam | surēśvaraṃ nidhīśvaraṃ gajēśvaraṃ gaṇēśvaraṃ mahēśvaraṃ tamāśrayē parātparaṃ niraṃtaram || 2 || samastalōkaśaṃkaraṃ nirastadaityakuṃjaraṃ darētarōdaraṃ varaṃ varēbhavaktramakṣaram | kṛpākaraṃ kṣamākaraṃ mudākaraṃ yaśaskaraṃ manaskaraṃ namaskṛtāṃ namaskarōmi bhāsvaram || 3 || akiṃcanārtimārjanaṃ ciraṃtanōktibhājanaṃ purāripūrvanaṃdanaṃ surārigarvacarvaṇam | prapaṃcanāśabhīṣaṇaṃ dhanaṃjayādibhūṣaṇaṃ kapōladānavāraṇaṃ bhajē purāṇavāraṇam || 4 || nitāṃtakāṃtadaṃtakāṃtimaṃtakāṃtakātmajaṃ aciṃtyarūpamaṃtahīnamaṃtarāyakṛṃtanam | hṛdaṃtarē niraṃtaraṃ vasaṃtamēva yōgināṃ tamēkadaṃtamēva taṃ viciṃtayāmi saṃtatam || 5 || mahāgaṇēśapaṃcaratnamādarēṇa yō’nvahaṃ prajalpati prabhātakē hṛdi smarangaṇēśvaram | arōgatāmadōṣatāṃ susāhitīṃ suputratāṃ samāhitāyuraṣṭabhūtimabhyupaiti sō’cirāt || 6 || iti śrīmacchaṃkarācārya kṛta śrīgaṇēśa paṃcaratnam |

ముదా కరాత్తమోదకం సదా విముక్తిసాధకం కళాధరావతంసకం విలాసిలోకరక్షకమ్ | అనాయకైకనాయకం వినాశితేభదైత్యకం నతాశుభాశునాశకం నమామి తం వినాయకమ్ || ౧ || నతేతరాతిభీకరం నవోదితార్కభాస్వరం నమత్సురారినిర్జరం నతాధికాపదుద్ధరమ్ | సురేశ్వరం నిధీశ్వరం గజేశ్వరం గణేశ్వరం మహేశ్వరం తమాశ్రయే పరాత్పరం నిరంతరమ్ || ౨ || సమస్తలోకశంకరం నిరస్తదైత్యకుంజరం దరేతరోదరం వరం వరేభవక్త్రమక్షరమ్ | కృపాకరం క్షమాకరం ముదాకరం యశస్కరం మనస్కరం నమస్కృతాం నమస్కరోమి భాస్వరమ్ || ౩ || అకించనార్తిమార్జనం చిరంతనోక్తిభాజనం పురారిపూర్వనందనం సురారిగర్వచర్వణమ్ | ప్రపంచనాశభీషణం ధనంజయాదిభూషణం కపోలదానవారణం భజే పురాణవారణమ్ || ౪ || నితాంతకాంతదంతకాంతిమంతకాంతకాత్మజం అచింత్యరూపమంతహీనమంతరాయకృంతనమ్ | హృదంతరే నిరంతరం వసంతమేవ యోగినాం తమేకదంతమేవ తం విచింతయామి సంతతమ్ || ౫ || మహాగణేశపంచరత్నమాదరేణ యోఽన్వహం ప్రజల్పతి ప్రభాతకే హృది స్మరన్గణేశ్వరమ్ | అరోగతామదోషతాం సుసాహితీం సుపుత్రతాం సమాహితాయురష్టభూతిమభ్యుపైతి సోఽచిరాత్ || ౬ || ఇతి శ్రీమచ్ఛంకరాచార్య కృత శ్రీగణేశ పంచరత్నమ్ |