Dakshinamurthy Ashtakam
Simple English spelling · original wording
vishvam darpanadrishyamananagareetulyam nijamtargatam
pashyannatmani mayaya bahirivodbhootam yatha nidraya
yaha sakshat kurute prabodhasamaye svatmanamevadvayam
tasmai shreegurumoortaye nama idam shreedakshinamoortaye
beejasyamtarivamkuro jagadidam prannirvikalpam puna-
-rmayakalpitadeshakalakalanavaicitryacitreekritam
mayaveeva vijrimbhayatyapi mahayogeeva yaha svecchaya
tasmai shreegurumoortaye nama idam shreedakshinamoortaye
yasyaiva sphuranam sadatmakamasat kalparthagam bhasate
sakshat tattvamaseeti vedavacasa yo bodhayatyashritan
yat sakshatkaranadbhavenna punaravrittirbhavambhonidhau
tasmai shreegurumoortaye nama idam shreedakshinamoortaye
nanacchidraghatodarasthitamahadeepaprabhabhasvaram
jnanam yasya tu cakshuradikaranadvara bahiha spamdate
janameeti tameva bhamtamanubhatyetat samastam jagat
tasmai shreegurumoortaye nama idam shreedakshinamoortaye
deham pranamapeemdriyanyapi calam buddhim ca shoonyam viduha
streebalamdhajadopamastvahamiti bhramta bhrisham vadinaha
mayashaktivilasakalpitamahavyamohasamharine
tasmai shreegurumoortaye nama idam shreedakshinamoortaye
rahugrastadivakaremdusadrisho mayasamacchadanat
sanmatraha karanopasamharanato yo’bhoot sushuptaha puman
pragasvapsamiti prabodhasamaye yaha pratyabhijnayate
tasmai shreegurumoortaye nama idam shreedakshinamoortaye
balyadishvapi jagradadishu tatha sarvasvavasthasvapi
vyavrittasvanuvartamanamahamityamtaha sphuramtam sada
svatmanam prakateekaroti bhajatam yo mudraya bhadraya
tasmai shreegurumoortaye nama idam shreedakshinamoortaye
vishvam pashyati karyakaranataya svasvamisambamdhataha
shishyacaryataya tathaiva pitriputradyatmana bhedataha
svapne jagrati va ya esha purusho mayaparibhramita-
-stasmai shreegurumoortaye nama idam shreedakshinamoortaye
bhoorambhamsyanalo’nilo’mbaramaharnatho himamshuha puman
ityabhati caracaratmakamidam yasyaiva moortyashtakam
nanyat kimcana vidyate vimrishatam yasmat parasmadvibho-
-stasmai shreegurumoortaye nama idam shreedakshinamoortaye
sarvatmatvamiti sphuteekritamidam yasmadamushmimstave
tenasya shravanat tadarthamananaddhyanacca samkeertanat
sarvatmatvamahavibhootisahitam syadeeshvaratvam svataha
siddhyet tat punarashtadha parinatam caishvaryamavyahatam
iti shreematparamahamsaparivrajakacaryasya shreegovimdabhagavatpoojyapadashishyasya shreemacchamkarabhagavataha kritau shree dakshinamoorti stotram
Meaning · English summary
A hymn honoring Dakshinamurti as the teacher and exploring the Self, the world and knowledge from an Advaita perspective.
Precise transliteration
viśvaṃ darpaṇadṛśyamānanagarītulyaṃ nijāṃtargataṃ
paśyannātmani māyayā bahirivōdbhūtaṃ yathā nidrayā |
yaḥ sākṣāt kurutē prabōdhasamayē svātmānamēvādvayaṃ
tasmai śrīgurumūrtayē nama idaṃ śrīdakṣiṇāmūrtayē || 1 ||
bījasyāṃtarivāṃkurō jagadidaṃ prāṅnirvikalpaṃ puna-
-rmāyākalpitadēśakālakalanāvaicitryacitrīkṛtam |
māyāvīva vijṛṃbhayatyapi mahāyōgīva yaḥ svēcchayā
tasmai śrīgurumūrtayē nama idaṃ śrīdakṣiṇāmūrtayē || 2 ||
yasyaiva sphuraṇaṃ sadātmakamasat kalpārthagaṃ bhāsatē
sākṣāt tattvamasīti vēdavacasā yō bōdhayatyāśritān |
yat sākṣātkaraṇādbhavēnna punarāvṛttirbhavāṃbhōnidhau
tasmai śrīgurumūrtayē nama idaṃ śrīdakṣiṇāmūrtayē || 3 ||
nānācchidraghaṭōdarasthitamahādīpaprabhābhāsvaraṃ
jñānaṃ yasya tu cakṣurādikaraṇadvārā bahiḥ spaṃdatē |
jānāmīti tamēva bhāṃtamanubhātyētat samastaṃ jagat
tasmai śrīgurumūrtayē nama idaṃ śrīdakṣiṇāmūrtayē || 4 ||
dēhaṃ prāṇamapīṃdriyāṇyapi calāṃ buddhiṃ ca śūnyaṃ viduḥ
strībālāṃdhajaḍōpamāstvahamiti bhrāṃtā bhṛśaṃ vādinaḥ |
māyāśaktivilāsakalpitamahāvyāmōhasaṃhāriṇē
tasmai śrīgurumūrtayē nama idaṃ śrīdakṣiṇāmūrtayē || 5 ||
rāhugrastadivākarēṃdusadṛśō māyāsamācchādanāt
sanmātraḥ karaṇōpasaṃharaṇatō yō’bhūt suṣuptaḥ pumān |
prāgasvāpsamiti prabōdhasamayē yaḥ pratyabhijñāyatē
tasmai śrīgurumūrtayē nama idaṃ śrīdakṣiṇāmūrtayē || 6 ||
bālyādiṣvapi jāgradādiṣu tathā sarvāsvavasthāsvapi
vyāvṛttāsvanuvartamānamahamityaṃtaḥ sphuraṃtaṃ sadā |
svātmānaṃ prakaṭīkarōti bhajatāṃ yō mudrayā bhadrayā
tasmai śrīgurumūrtayē nama idaṃ śrīdakṣiṇāmūrtayē || 7 ||
viśvaṃ paśyati kāryakāraṇatayā svasvāmisaṃbaṃdhataḥ
śiṣyācāryatayā tathaiva pitṛputrādyātmanā bhēdataḥ |
svapnē jāgrati vā ya ēṣa puruṣō māyāparibhrāmita-
-stasmai śrīgurumūrtayē nama idaṃ śrīdakṣiṇāmūrtayē || 8 ||
bhūraṃbhāṃsyanalō’nilō’ṃbaramaharnāthō himāṃśuḥ pumān
ityābhāti carācarātmakamidaṃ yasyaiva mūrtyaṣṭakam |
nānyat kiṃcana vidyatē vimṛśatāṃ yasmāt parasmādvibhō-
-stasmai śrīgurumūrtayē nama idaṃ śrīdakṣiṇāmūrtayē || 9 ||
sarvātmatvamiti sphuṭīkṛtamidaṃ yasmādamuṣmiṃstavē
tēnāsya śravaṇāt tadarthamananāddhyānācca saṃkīrtanāt |
sarvātmatvamahāvibhūtisahitaṃ syādīśvaratvaṃ svataḥ
siddhyēt tat punaraṣṭadhā pariṇataṃ caiśvaryamavyāhatam || 10 ||
iti śrīmatparamahaṃsaparivrājakācāryasya śrīgōviṃdabhagavatpūjyapādaśiṣyasya śrīmacchaṃkarabhagavataḥ kṛtau śrī dakṣiṇāmūrti stōtram ||
Telugu script
విశ్వం దర్పణదృశ్యమాననగరీతుల్యం నిజాంతర్గతం
పశ్యన్నాత్మని మాయయా బహిరివోద్భూతం యథా నిద్రయా |
యః సాక్షాత్ కురుతే ప్రబోధసమయే స్వాత్మానమేవాద్వయం
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౧ ||
బీజస్యాంతరివాంకురో జగదిదం ప్రాఙ్నిర్వికల్పం పున-
-ర్మాయాకల్పితదేశకాలకలనావైచిత్ర్యచిత్రీకృతమ్ |
మాయావీవ విజృంభయత్యపి మహాయోగీవ యః స్వేచ్ఛయా
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౨ ||
యస్యైవ స్ఫురణం సదాత్మకమసత్ కల్పార్థగం భాసతే
సాక్షాత్ తత్త్వమసీతి వేదవచసా యో బోధయత్యాశ్రితాన్ |
యత్ సాక్షాత్కరణాద్భవేన్న పునరావృత్తిర్భవాంభోనిధౌ
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౩ ||
నానాచ్ఛిద్రఘటోదరస్థితమహాదీపప్రభాభాస్వరం
జ్ఞానం యస్య తు చక్షురాదికరణద్వారా బహిః స్పందతే |
జానామీతి తమేవ భాంతమనుభాత్యేతత్ సమస్తం జగత్
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౪ ||
దేహం ప్రాణమపీంద్రియాణ్యపి చలాం బుద్ధిం చ శూన్యం విదుః
స్త్రీబాలాంధజడోపమాస్త్వహమితి భ్రాంతా భృశం వాదినః |
మాయాశక్తివిలాసకల్పితమహావ్యామోహసంహారిణే
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౫ ||
రాహుగ్రస్తదివాకరేందుసదృశో మాయాసమాచ్ఛాదనాత్
సన్మాత్రః కరణోపసంహరణతో యోఽభూత్ సుషుప్తః పుమాన్ |
ప్రాగస్వాప్సమితి ప్రబోధసమయే యః ప్రత్యభిజ్ఞాయతే
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౬ ||
బాల్యాదిష్వపి జాగ్రదాదిషు తథా సర్వాస్వవస్థాస్వపి
వ్యావృత్తాస్వనువర్తమానమహమిత్యంతః స్ఫురంతం సదా |
స్వాత్మానం ప్రకటీకరోతి భజతాం యో ముద్రయా భద్రయా
తస్మై శ్రీగురుమూర్తయే నమ ఇదం శ్రీదక్షిణామూర్తయే || ౭ ||
విశ్వం పశ్యతి కార్యకారణతయా స్వస్వామిసంబంధతః
శిష్యాచార్యతయా తథైవ పితృపుత్రాద్యాత్మనా భేదతః |
స్వప్నే జాగ్రతి వా య ఏష పురుషో మాయాపరిభ్రామిత-
-స్తస్మై శ్రీగురుమూర్తయే నమ ఇదం శ్రీదక్షిణామూర్తయే || ౮ ||
భూరంభాంస్యనలోఽనిలోఽంబరమహర్నాథో హిమాంశుః పుమాన్
ఇత్యాభాతి చరాచరాత్మకమిదం యస్యైవ మూర్త్యష్టకమ్ |
నాన్యత్ కించన విద్యతే విమృశతాం యస్మాత్ పరస్మాద్విభో-
-స్తస్మై శ్రీగురుమూర్తయే నమ ఇదం శ్రీదక్షిణామూర్తయే || ౯ ||
సర్వాత్మత్వమితి స్ఫుటీకృతమిదం యస్మాదముష్మింస్తవే
తేనాస్య శ్రవణాత్ తదర్థమననాద్ధ్యానాచ్చ సంకీర్తనాత్ |
సర్వాత్మత్వమహావిభూతిసహితం స్యాదీశ్వరత్వం స్వతః
సిద్ధ్యేత్ తత్ పునరష్టధా పరిణతం చైశ్వర్యమవ్యాహతమ్ || ౧౦ ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ దక్షిణామూర్తి స్తోత్రమ్ ||