Aditya Hrudayam
Simple English spelling · original wording
tato yuddhaparishramtam samare cimtaya sthitam
ravanam cagrato drishtva yuddhaya samupasthitam
daivataishca samagamya drashtumabhyagato ranam
upagamyabraveedramamagastyo bhagavanrishiha
rama rama mahabaho shrinu guhyam sanatanam
yena sarvanareen vatsa samare vijayishyasi
adityahridayam punyam sarvashatruvinashanam
jayavaham japennityamakshayyam paramam shivam
sarvamamgalamamgalyam sarvapapapranashanam
cimtashokaprashamanamayurvardhanamuttamam
rashmimamtam samudyamtam devasuranamaskritam
poojayasva vivasvamtam bhaskaram bhuvaneshvaram
sarvadevatmako hyesha tejasvee rashmibhavanaha
esha devasuraganamllokan pati gabhastibhiha
esha brahma ca vishnushca shivaha skamdaha prajapatiha
mahemdro dhanadaha kalo yamaha somo hyapam patiha
pitaro vasavaha sadhya hyashvinau maruto manuha
vayurvahniha prajaprana ritukarta prabhakaraha
adityaha savita sooryaha khagaha poosha gabhastiman
suvarnasadrisho bhanurhiranyareta divakaraha
haridashvaha sahasrarciha saptasaptirmareeciman
timironmathanaha shambhustvashta martamda amshuman
hiranyagarbhaha shishirastapano bhaskaro raviha
agnigarbho’diteha putraha shamkhaha shishiranashanaha
vyomanathastamobhedee rigyajuhasamaparagaha
ghanavrishtirapam mitro vimdhyaveetheeplavamgamaha
atapee mamdalee mrityuha pimgalaha sarvatapanaha
kavirvishvo mahateja raktaha sarvabhavodbhavaha
nakshatragrahataranamadhipo vishvabhavanaha
tejasamapi tejasvee dvadashatmannamo’stu te
namaha poorvaya giraye pashcimayadraye namaha
[pashcime giraye]
jyotirgananam pataye dinadhipataye namaha
jayaya jayabhadraya haryashvaya namo namaha
namo namaha sahasramsho adityaya namo namaha
nama ugraya veeraya saramgaya namo namaha
namaha padmaprabodhaya martamdaya namo namaha
brahmeshanacyuteshaya sooryayadityavarcase
bhasvate sarvabhakshaya raudraya vapushe namaha
tamoghnaya himaghnaya shatrughnayamitatmane
kritaghnaghnaya devaya jyotisham pataye namaha
taptacameekarabhaya vahnaye vishvakarmane
namastamo’bhinighnaya rucaye lokasakshine
nashayatyesha vai bhootam tadeva srijati prabhuha
payatyesha tapatyesha varshatyesha gabhastibhiha
esha supteshu jagarti bhooteshu parinishthitaha
esha evagnihotram ca phalam caivagnihotrinam
vedashca kratavashcaiva kratoonam phalameva ca
yani krityani lokeshu sarva esha raviha prabhuha
enamapatsu kricchreshu kamtareshu bhayeshu ca
keertayan purushaha kashcinnavaseedati raghava
poojayasvainamekagro devadevam jagatpatim
etattrigunitam japtva yuddheshu vijayishyasi
asmin kshane mahabaho ravanam tvam vadhishyasi
evamuktva tada’gastyo jagama ca yathagatam
etacchrutva mahateja nashtashoko’bhavattada
dharayamasa supreeto raghavaha prayatatmavan
adityam prekshya japtva tu param harshamavaptavan
triracamya shucirbhootva dhanuradaya veeryavan
ravanam prekshya hrishtatma yuddhaya samupagamat
sarvayatnena mahata vadhe tasya dhrito’bhavat
atha raviravadannireekshya ramam
muditamanaha paramam prahrishyamanaha
nishicarapatisamkshayam viditva
suraganamadhyagato vacastvareti
iti aditya hridayam
Meaning · English summary
Agastya teaches Rama this hymn to the Sun on the battlefield. It honors the Sun as embodying the deities and offers a prayer for courage and victory.
Precise transliteration
tatō yuddhapariśrāṃtaṃ samarē ciṃtayā sthitam |
rāvaṇaṃ cāgratō dṛṣṭvā yuddhāya samupasthitam || 1 ||
daivataiśca samāgamya draṣṭumabhyāgatō raṇam |
upāgamyābravīdrāmamagastyō bhagavānṛṣiḥ || 2 ||
rāma rāma mahābāhō śṛṇu guhyaṃ sanātanam |
yēna sarvānarīn vatsa samarē vijayiṣyasi || 3 ||
ādityahṛdayaṃ puṇyaṃ sarvaśatruvināśanam |
jayāvahaṃ japēnnityamakṣayyaṃ paramaṃ śivam || 4 ||
sarvamaṃgaḷamāṃgaḷyaṃ sarvapāpapraṇāśanam |
ciṃtāśōkapraśamanamāyurvardhanamuttamam || 5 ||
raśmimaṃtaṃ samudyaṃtaṃ dēvāsuranamaskṛtam |
pūjayasva vivasvaṃtaṃ bhāskaraṃ bhuvanēśvaram || 6 ||
sarvadēvātmakō hyēṣa tējasvī raśmibhāvanaḥ |
ēṣa dēvāsuragaṇām̐llōkān pāti gabhastibhiḥ || 7 ||
ēṣa brahmā ca viṣṇuśca śivaḥ skaṃdaḥ prajāpatiḥ |
mahēṃdrō dhanadaḥ kālō yamaḥ sōmō hyapāṃ patiḥ || 8 ||
pitarō vasavaḥ sādhyā hyaśvinau marutō manuḥ |
vāyurvahniḥ prajāprāṇa ṛtukartā prabhākaraḥ || 9 ||
ādityaḥ savitā sūryaḥ khagaḥ pūṣā gabhastimān |
suvarṇasadṛśō bhānurhiraṇyarētā divākaraḥ || 10 ||
haridaśvaḥ sahasrārciḥ saptasaptirmarīcimān |
timirōnmathanaḥ śaṃbhustvaṣṭā mārtāṃḍa aṃśumān || 11 ||
hiraṇyagarbhaḥ śiśirastapanō bhāskarō raviḥ |
agnigarbhō’ditēḥ putraḥ śaṃkhaḥ śiśiranāśanaḥ || 12 ||
vyōmanāthastamōbhēdī ṛgyajuḥsāmapāragaḥ |
ghanavṛṣṭirapāṃ mitrō viṃdhyavīthīplavaṃgamaḥ || 13 ||
ātapī maṃḍalī mṛtyuḥ piṃgaḷaḥ sarvatāpanaḥ |
kavirviśvō mahātējā raktaḥ sarvabhavōdbhavaḥ || 14 ||
nakṣatragrahatārāṇāmadhipō viśvabhāvanaḥ |
tējasāmapi tējasvī dvādaśātmannamō’stu tē || 15 ||
namaḥ pūrvāya girayē paścimāyādrayē namaḥ | [paścimē girayē]
jyōtirgaṇānāṃ patayē dinādhipatayē namaḥ || 16 ||
jayāya jayabhadrāya haryaśvāya namō namaḥ |
namō namaḥ sahasrāṃśō ādityāya namō namaḥ || 17 ||
nama ugrāya vīrāya sāraṃgāya namō namaḥ |
namaḥ padmaprabōdhāya mārtāṃḍāya namō namaḥ || 18 ||
brahmēśānācyutēśāya sūryāyādityavarcasē |
bhāsvatē sarvabhakṣāya raudrāya vapuṣē namaḥ || 19 ||
tamōghnāya himaghnāya śatrughnāyāmitātmanē |
kṛtaghnaghnāya dēvāya jyōtiṣāṃ patayē namaḥ || 20 ||
taptacāmīkarābhāya vahnayē viśvakarmaṇē |
namastamō’bhinighnāya rucayē lōkasākṣiṇē || 21 ||
nāśayatyēṣa vai bhūtaṃ tadēva sṛjati prabhuḥ |
pāyatyēṣa tapatyēṣa varṣatyēṣa gabhastibhiḥ || 22 ||
ēṣa suptēṣu jāgarti bhūtēṣu pariniṣṭhitaḥ |
ēṣa ēvāgnihōtraṃ ca phalaṃ caivāgnihōtriṇām || 23 ||
vēdāśca kratavaścaiva kratūnāṃ phalamēva ca |
yāni kṛtyāni lōkēṣu sarva ēṣa raviḥ prabhuḥ || 24 ||
ēnamāpatsu kṛcchrēṣu kāṃtārēṣu bhayēṣu ca |
kīrtayan puruṣaḥ kaścinnāvasīdati rāghava || 25 ||
pūjayasvainamēkāgrō dēvadēvaṃ jagatpatim |
ētattriguṇitaṃ japtvā yuddhēṣu vijayiṣyasi || 26 ||
asmin kṣaṇē mahābāhō rāvaṇaṃ tvaṃ vadhiṣyasi |
ēvamuktvā tadā’gastyō jagāma ca yathāgatam || 27 ||
ētacchrutvā mahātējā naṣṭaśōkō’bhavattadā |
dhārayāmāsa suprītō rāghavaḥ prayatātmavān || 28 ||
ādityaṃ prēkṣya japtvā tu paraṃ harṣamavāptavān |
trirācamya śucirbhūtvā dhanurādāya vīryavān || 29 ||
rāvaṇaṃ prēkṣya hṛṣṭātmā yuddhāya samupāgamat |
sarvayatnēna mahatā vadhē tasya dhṛtō’bhavat || 30 ||
atha raviravadannirīkṣya rāmaṃ
muditamanāḥ paramaṃ prahṛṣyamāṇaḥ |
niśicarapatisaṃkṣayaṃ viditvā
suragaṇamadhyagatō vacastvarēti || 31 ||
iti āditya hṛdayam |
Telugu script
తతో యుద్ధపరిశ్రాంతం సమరే చింతయా స్థితమ్ |
రావణం చాగ్రతో దృష్ట్వా యుద్ధాయ సముపస్థితమ్ || ౧ ||
దైవతైశ్చ సమాగమ్య ద్రష్టుమభ్యాగతో రణమ్ |
ఉపాగమ్యాబ్రవీద్రామమగస్త్యో భగవానృషిః || ౨ ||
రామ రామ మహాబాహో శృణు గుహ్యం సనాతనమ్ |
యేన సర్వానరీన్ వత్స సమరే విజయిష్యసి || ౩ ||
ఆదిత్యహృదయం పుణ్యం సర్వశత్రువినాశనమ్ |
జయావహం జపేన్నిత్యమక్షయ్యం పరమం శివమ్ || ౪ ||
సర్వమంగళమాంగళ్యం సర్వపాపప్రణాశనమ్ |
చింతాశోకప్రశమనమాయుర్వర్ధనముత్తమమ్ || ౫ ||
రశ్మిమంతం సముద్యంతం దేవాసురనమస్కృతమ్ |
పూజయస్వ వివస్వంతం భాస్కరం భువనేశ్వరమ్ || ౬ ||
సర్వదేవాత్మకో హ్యేష తేజస్వీ రశ్మిభావనః |
ఏష దేవాసురగణాఁల్లోకాన్ పాతి గభస్తిభిః || ౭ ||
ఏష బ్రహ్మా చ విష్ణుశ్చ శివః స్కందః ప్రజాపతిః |
మహేంద్రో ధనదః కాలో యమః సోమో హ్యపాం పతిః || ౮ ||
పితరో వసవః సాధ్యా హ్యశ్వినౌ మరుతో మనుః |
వాయుర్వహ్నిః ప్రజాప్రాణ ఋతుకర్తా ప్రభాకరః || ౯ ||
ఆదిత్యః సవితా సూర్యః ఖగః పూషా గభస్తిమాన్ |
సువర్ణసదృశో భానుర్హిరణ్యరేతా దివాకరః || ౧౦ ||
హరిదశ్వః సహస్రార్చిః సప్తసప్తిర్మరీచిమాన్ |
తిమిరోన్మథనః శంభుస్త్వష్టా మార్తాండ అంశుమాన్ || ౧౧ ||
హిరణ్యగర్భః శిశిరస్తపనో భాస్కరో రవిః |
అగ్నిగర్భోఽదితేః పుత్రః శంఖః శిశిరనాశనః || ౧౨ ||
వ్యోమనాథస్తమోభేదీ ఋగ్యజుఃసామపారగః |
ఘనవృష్టిరపాం మిత్రో వింధ్యవీథీప్లవంగమః || ౧౩ ||
ఆతపీ మండలీ మృత్యుః పింగళః సర్వతాపనః |
కవిర్విశ్వో మహాతేజా రక్తః సర్వభవోద్భవః || ౧౪ ||
నక్షత్రగ్రహతారాణామధిపో విశ్వభావనః |
తేజసామపి తేజస్వీ ద్వాదశాత్మన్నమోఽస్తు తే || ౧౫ ||
నమః పూర్వాయ గిరయే పశ్చిమాయాద్రయే నమః | [పశ్చిమే గిరయే]
జ్యోతిర్గణానాం పతయే దినాధిపతయే నమః || ౧౬ ||
జయాయ జయభద్రాయ హర్యశ్వాయ నమో నమః |
నమో నమః సహస్రాంశో ఆదిత్యాయ నమో నమః || ౧౭ ||
నమ ఉగ్రాయ వీరాయ సారంగాయ నమో నమః |
నమః పద్మప్రబోధాయ మార్తాండాయ నమో నమః || ౧౮ ||
బ్రహ్మేశానాచ్యుతేశాయ సూర్యాయాదిత్యవర్చసే |
భాస్వతే సర్వభక్షాయ రౌద్రాయ వపుషే నమః || ౧౯ ||
తమోఘ్నాయ హిమఘ్నాయ శత్రుఘ్నాయామితాత్మనే |
కృతఘ్నఘ్నాయ దేవాయ జ్యోతిషాం పతయే నమః || ౨౦ ||
తప్తచామీకరాభాయ వహ్నయే విశ్వకర్మణే |
నమస్తమోఽభినిఘ్నాయ రుచయే లోకసాక్షిణే || ౨౧ ||
నాశయత్యేష వై భూతం తదేవ సృజతి ప్రభుః |
పాయత్యేష తపత్యేష వర్షత్యేష గభస్తిభిః || ౨౨ ||
ఏష సుప్తేషు జాగర్తి భూతేషు పరినిష్ఠితః |
ఏష ఏవాగ్నిహోత్రం చ ఫలం చైవాగ్నిహోత్రిణామ్ || ౨౩ ||
వేదాశ్చ క్రతవశ్చైవ క్రతూనాం ఫలమేవ చ |
యాని కృత్యాని లోకేషు సర్వ ఏష రవిః ప్రభుః || ౨౪ ||
ఏనమాపత్సు కృచ్ఛ్రేషు కాంతారేషు భయేషు చ |
కీర్తయన్ పురుషః కశ్చిన్నావసీదతి రాఘవ || ౨౫ ||
పూజయస్వైనమేకాగ్రో దేవదేవం జగత్పతిమ్ |
ఏతత్త్రిగుణితం జప్త్వా యుద్ధేషు విజయిష్యసి || ౨౬ ||
అస్మిన్ క్షణే మహాబాహో రావణం త్వం వధిష్యసి |
ఏవముక్త్వా తదాఽగస్త్యో జగామ చ యథాగతమ్ || ౨౭ ||
ఏతచ్ఛ్రుత్వా మహాతేజా నష్టశోకోఽభవత్తదా |
ధారయామాస సుప్రీతో రాఘవః ప్రయతాత్మవాన్ || ౨౮ ||
ఆదిత్యం ప్రేక్ష్య జప్త్వా తు పరం హర్షమవాప్తవాన్ |
త్రిరాచమ్య శుచిర్భూత్వా ధనురాదాయ వీర్యవాన్ || ౨౯ ||
రావణం ప్రేక్ష్య హృష్టాత్మా యుద్ధాయ సముపాగమత్ |
సర్వయత్నేన మహతా వధే తస్య ధృతోఽభవత్ || ౩౦ ||
అథ రవిరవదన్నిరీక్ష్య రామం
ముదితమనాః పరమం ప్రహృష్యమాణః |
నిశిచరపతిసంక్షయం విదిత్వా
సురగణమధ్యగతో వచస్త్వరేతి || ౩౧ ||
ఇతి ఆదిత్య హృదయమ్ |