Lakshmi Narasimha Karavalamba Stotram

॥ śrī lakṣmīnṛsiṃha karāvalaṃba stōtraṃ (pāṭhāṃtaraṃ:25 ślōkāḥ) ॥ śrīmatpayōnidhinikētana cakrapāṇē bhōgīṃdrabhōgamaṇiraṃjita puṇyamūrtē | yōgīśa śāśvata śaraṇya bhavābdhipōta lakṣmīnṛsiṃha mama dēhi karāvalaṃbam || 1 || brahmēṃdrarudramarudarkakirīṭakōṭi- saṃghaṭṭitāṃghrikamalāmalakāṃtikāṃta | lakṣmīlasatkucasarōruharājahaṃsa lakṣmīnṛsiṃha mama dēhi karāvalaṃbam || 2 || saṃsāradāvadahanākulabhīkarōru- jvālāvaḷīkhiratidagdhatanūruhasya | tvatpādapadmasarasīṃ śaraṇāgatasya lakṣmīnṛsiṃha mama dēhi karāvalaṃbam || 3 || saṃsārajālapatitasya jagannivāsa sarvēndriyārtha baḍiśārtha jhaṣōpamasya | prōtkaṃpita pracuratāluka mastakasya lakṣmīnṛsiṃha mama dēhi karāvalaṃbam || 4 || saṃsārakūpamatighōramagādhamūlaṃ saṃprāpya duḥkhaśatasarpasamākulasya | dīnasya dēva kṛpayā padamāgatasya lakṣmīnṛsiṃha mama dēhi karāvalaṃbam || 5 || saṃsārabhīkarakarīṃdrakarābhighāta niṣpīḍyamānavapuṣaḥ sakalārtināśa | prāṇaprayāṇabhavabhītisamākulasya lakṣmīnṛsiṃha mama dēhi karāvalaṃbam || 6 || saṃsārasarpa viṣadagdhamahōgratīvra daṃṣṭrāgrakōṭi paridaṣṭa vinaṣṭamūrtēḥ | nāgārivāhana sudhābdhinivāsa śaurē lakṣmīnṛsiṃha mama dēhi karāvalaṃbam || 7 || saṃsāravṛkṣamaghabījamanaṃtakarma- śākhāyutaṃ karaṇapatramanaṃgapuṣpam | āruhya duḥkhaphalinaṃ patatō dayālō lakṣmīnṛsiṃha mama dēhi karāvalaṃbam || 8 || saṃsārasāgara viśālakarālakāla nakragraha grasita nigraha vigrahasya | vyagrasya rāganicayōrminipīḍitasya lakṣmīnṛsiṃha mama dēhi karāvalaṃbam || 9 || saṃsārasāgara nimajjanamuhyamānaṃ dīnaṃ vilōkaya vibhō karuṇānidhē mām | prahlādakhēdaparihāra parāvatāra lakṣmīnṛsiṃha mama dēhi karāvalaṃbam || 10 || saṃsāraghōragahanē caratō murārē mārōgrabhīkaramṛgapracurārditasya | ārtasya matsaranidāghasuduḥkhitasya lakṣmīnṛsiṃha mama dēhi karāvalaṃbam || 11 || baddhvāgalē yamabhaṭā bahu tarjayaṃtaḥ karṣaṃti yatra bhavapāśaśatairyutaṃ mām | ēkākinaṃ paravaśaṃ cakitaṃ dayālō lakṣmīnṛsiṃha mama dēhi karāvalaṃbam || 12 || lakṣmīpatē kamalanābha surēśa viṣṇō yajñēśa yajña madhusūdana viśvarūpa | brahmaṇya kēśava janārdana vāsudēva lakṣmīnṛsiṃha mama dēhi karāvalaṃbam || 13 || ēkēna cakramaparēṇa karēṇa śaṃkha manyēna siṃdhutanayāmavalaṃbya tiṣṭhan | vāmētarēṇa varadābhayapadmacihnaṃ lakṣmīnṛsiṃha mama dēhi karāvalaṃbam || 14 || aṃdhasya mē hṛtavivēkamahādhanasya cōrairmahābalibhiriṃdriyanāmadhēyaiḥ | mōhāṃdhakāra nivahē vinipātitasya lakṣmīnṛsiṃha mama dēhi karāvalaṃbam || 15 || prahlāda nārada parāśara puṃḍarīka vyāsādi bhāgavatapuṃgava hṛnnivāsa | bhaktānuraktaparipālanapārijāta lakṣmīnṛsiṃha mama dēhi karāvalaṃbam || 16 || lakṣmīnṛsiṃhacaraṇābja madhuvratēna stōtraṃ kṛtaṃ śubhakaraṃ bhuvi śaṃkarēṇa | yē tatpaṭhaṃti manujā haribhaktiyuktāḥ tē yāṃti tatpadasarōjamakhaṃḍarūpam || 17 || saṃsārayōga sakalēpsitanityakarma saṃprāpyaduḥkha sakalēndriyamṛtyunāśa | saṃkalpa sindhutanayākuca kuṃkumāṃka lakṣmīnṛsiṃha mama dēhi karāvalaṃbam || 18 || ādyantaśūnyamajamavyayamapramēyaṃ ādityarudranigamādinutaprabhāvam | aṃbhōdhijāsya madhulōlupa mattabhṛṃga lakṣmīnṛsiṃha mama dēhi karāvalaṃbam || 19 || vārāha rāma narasiṃha ramādikāntā krīḍāvilōla vidhiśūli surapravaṃdya | haṃsātmakaṃ paramahaṃsa vihāralīlaṃ lakṣmīnṛsiṃha mama dēhi karāvalaṃbam || 20 || mātā nṛsiṃhaśca pitā nṛsiṃhaḥ bhrātā nṛsiṃhaśca sakhā nṛsiṃhaḥ | vidyā nṛsiṃhō draviṇaṃ nṛsiṃhaḥ lakṣmīnṛsiṃha mama dēhi karāvalaṃbam || 21 || prahlāda mānasa sarōja vihārabhṛṃga gaṃgātaraṃga dhavaḷāṃga ramāsthitāṃka | śṛṃgāra suṃdara kirīṭa lasadvarāṃga lakṣmīnṛsiṃha mama dēhi karāvalaṃbam || 22 || śrīśaṃkarārya racitaṃ satataṃ manuṣyaḥ stōtraṃ paṭhēdihatu satvaguṇaprasannaṃ | sadyōvimukta kaluṣō munivarya gaṇyō lakṣmī padamupaiti sanirmalātmā || 23 || yanmāyayōrjitaḥ vapuḥ pracura pravāha magnārtha matranivahōru karāvalaṃbaṃ | lakṣmīnṛsiṃha caraṇābja madhuvratēna stōtraṃ kṛtaṃ śubhakaraṃ bhuvi śaṃkarēṇa || 24 || śrīmannṛsiṃha vibhavē garuḍadhvajāya tāpatrayōpaśamanāya bhavauṣadhāya | tṛṣṇādi vṛścika jalāgni bhujaṃga rōga klēśāpahāya harayē guravē namastē || 25 || iti śrīlakṣmīnṛsiṃha karāvalaṃba stōtram |

॥ శ్రీ లక్ష్మీనృసింహ కరావలంబ స్తోత్రం (పాఠాంతరం:౨౫ శ్లోకాః) ॥ శ్రీమత్పయోనిధినికేతన చక్రపాణే భోగీంద్రభోగమణిరంజిత పుణ్యమూర్తే | యోగీశ శాశ్వత శరణ్య భవాబ్ధిపోత లక్ష్మీనృసింహ మమ దేహి కరావలంబమ్ || ౧ || బ్రహ్మేంద్రరుద్రమరుదర్కకిరీటకోటి- సంఘట్టితాంఘ్రికమలామలకాంతికాంత | లక్ష్మీలసత్కుచసరోరుహరాజహంస లక్ష్మీనృసింహ మమ దేహి కరావలంబమ్ || ౨ || సంసారదావదహనాకులభీకరోరు- జ్వాలావళీఖిరతిదగ్ధతనూరుహస్య | త్వత్పాదపద్మసరసీం శరణాగతస్య లక్ష్మీనృసింహ మమ దేహి కరావలంబమ్ || ౩ || సంసారజాలపతితస్య జగన్నివాస సర్వేన్ద్రియార్థ బడిశార్థ ఝషోపమస్య | ప్రోత్కంపిత ప్రచురతాలుక మస్తకస్య లక్ష్మీనృసింహ మమ దేహి కరావలంబమ్ || ౪ || సంసారకూపమతిఘోరమగాధమూలం సంప్రాప్య దుఃఖశతసర్పసమాకులస్య | దీనస్య దేవ కృపయా పదమాగతస్య లక్ష్మీనృసింహ మమ దేహి కరావలంబమ్ || ౫ || సంసారభీకరకరీంద్రకరాభిఘాత నిష్పీడ్యమానవపుషః సకలార్తినాశ | ప్రాణప్రయాణభవభీతిసమాకులస్య లక్ష్మీనృసింహ మమ దేహి కరావలంబమ్ || ౬ || సంసారసర్ప విషదగ్ధమహోగ్రతీవ్ర దంష్ట్రాగ్రకోటి పరిదష్ట వినష్టమూర్తేః | నాగారివాహన సుధాబ్ధినివాస శౌరే లక్ష్మీనృసింహ మమ దేహి కరావలంబమ్ || ౭ || సంసారవృక్షమఘబీజమనంతకర్మ- శాఖాయుతం కరణపత్రమనంగపుష్పమ్ | ఆరుహ్య దుఃఖఫలినం పతతో దయాలో లక్ష్మీనృసింహ మమ దేహి కరావలంబమ్ || ౮ || సంసారసాగర విశాలకరాలకాల నక్రగ్రహ గ్రసిత నిగ్రహ విగ్రహస్య | వ్యగ్రస్య రాగనిచయోర్మినిపీడితస్య లక్ష్మీనృసింహ మమ దేహి కరావలంబమ్ || ౯ || సంసారసాగర నిమజ్జనముహ్యమానం దీనం విలోకయ విభో కరుణానిధే మామ్ | ప్రహ్లాదఖేదపరిహార పరావతార లక్ష్మీనృసింహ మమ దేహి కరావలంబమ్ || ౧౦ || సంసారఘోరగహనే చరతో మురారే మారోగ్రభీకరమృగప్రచురార్దితస్య | ఆర్తస్య మత్సరనిదాఘసుదుఃఖితస్య లక్ష్మీనృసింహ మమ దేహి కరావలంబమ్ || ౧౧ || బద్ధ్వాగలే యమభటా బహు తర్జయంతః కర్షంతి యత్ర భవపాశశతైర్యుతం మామ్ | ఏకాకినం పరవశం చకితం దయాలో లక్ష్మీనృసింహ మమ దేహి కరావలంబమ్ || ౧౨ || లక్ష్మీపతే కమలనాభ సురేశ విష్ణో యజ్ఞేశ యజ్ఞ మధుసూదన విశ్వరూప | బ్రహ్మణ్య కేశవ జనార్దన వాసుదేవ లక్ష్మీనృసింహ మమ దేహి కరావలంబమ్ || ౧౩ || ఏకేన చక్రమపరేణ కరేణ శంఖ మన్యేన సింధుతనయామవలంబ్య తిష్ఠన్ | వామేతరేణ వరదాభయపద్మచిహ్నం లక్ష్మీనృసింహ మమ దేహి కరావలంబమ్ || ౧౪ || అంధస్య మే హృతవివేకమహాధనస్య చోరైర్మహాబలిభిరింద్రియనామధేయైః | మోహాంధకార నివహే వినిపాతితస్య లక్ష్మీనృసింహ మమ దేహి కరావలంబమ్ || ౧౫ || ప్రహ్లాద నారద పరాశర పుండరీక వ్యాసాది భాగవతపుంగవ హృన్నివాస | భక్తానురక్తపరిపాలనపారిజాత లక్ష్మీనృసింహ మమ దేహి కరావలంబమ్ || ౧౬ || లక్ష్మీనృసింహచరణాబ్జ మధువ్రతేన స్తోత్రం కృతం శుభకరం భువి శంకరేణ | యే తత్పఠంతి మనుజా హరిభక్తియుక్తాః తే యాంతి తత్పదసరోజమఖండరూపమ్ || ౧౭ || సంసారయోగ సకలేప్సితనిత్యకర్మ సంప్రాప్యదుఃఖ సకలేన్ద్రియమృత్యునాశ | సంకల్ప సిన్ధుతనయాకుచ కుంకుమాంక లక్ష్మీనృసింహ మమ దేహి కరావలంబమ్ || ౧౮ || ఆద్యన్తశూన్యమజమవ్యయమప్రమేయం ఆదిత్యరుద్రనిగమాదినుతప్రభావమ్ | అంభోధిజాస్య మధులోలుప మత్తభృంగ లక్ష్మీనృసింహ మమ దేహి కరావలంబమ్ || ౧౯ || వారాహ రామ నరసింహ రమాదికాన్తా క్రీడావిలోల విధిశూలి సురప్రవంద్య | హంసాత్మకం పరమహంస విహారలీలం లక్ష్మీనృసింహ మమ దేహి కరావలంబమ్ || ౨౦ || మాతా నృసింహశ్చ పితా నృసింహః భ్రాతా నృసింహశ్చ సఖా నృసింహః | విద్యా నృసింహో ద్రవిణం నృసింహః లక్ష్మీనృసింహ మమ దేహి కరావలంబమ్ || ౨౧ || ప్రహ్లాద మానస సరోజ విహారభృంగ గంగాతరంగ ధవళాంగ రమాస్థితాంక | శృంగార సుందర కిరీట లసద్వరాంగ లక్ష్మీనృసింహ మమ దేహి కరావలంబమ్ || ౨౨ || శ్రీశంకరార్య రచితం సతతం మనుష్యః స్తోత్రం పఠేదిహతు సత్వగుణప్రసన్నం | సద్యోవిముక్త కలుషో మునివర్య గణ్యో లక్ష్మీ పదముపైతి సనిర్మలాత్మా || ౨౩ || యన్మాయయోర్జితః వపుః ప్రచుర ప్రవాహ మగ్నార్థ మత్రనివహోరు కరావలంబం | లక్ష్మీనృసింహ చరణాబ్జ మధువ్రతేన స్తోత్రం కృతం శుభకరం భువి శంకరేణ || ౨౪ || శ్రీమన్నృసింహ విభవే గరుడధ్వజాయ తాపత్రయోపశమనాయ భవౌషధాయ | తృష్ణాది వృశ్చిక జలాగ్ని భుజంగ రోగ క్లేశాపహాయ హరయే గురవే నమస్తే || ౨౫ || ఇతి శ్రీలక్ష్మీనృసింహ కరావలంబ స్తోత్రమ్ |