Sudarshana Ashtakam
Simple English spelling · original wording
pratibhatashrenibheeshana varagunastomabhooshana
janibhayasthanatarana jagadavasthanakarana
nikhiladushkarmakarshana nigamasaddharmadarshana
jaya jaya shreesudarshana jaya jaya shreesudarshana
shubhajagadroopamamdana surajanatrasakhamdana
shatamakhabrahmavamdita shatapathabrahmanamdita
prathitavidvatsapakshita bhajadahirbudhnyalakshita
jaya jaya shreesudarshana jaya jaya shreesudarshana
sphutatatijjalapimjara prithutarajvalapamjara
parigatapratnavigraha patutaraprajnadurgraha
[parimita]
praharanagramamamdita parijanatranapamdita
jaya jaya shreesudarshana jaya jaya shreesudarshana
nijapadapreetasadgana nirupadhispheetashadguna
nigamanirvyoodhavaibhava nijaparavyoohavaibhava
harihayadveshidarana harapuraploshakarana
jaya jaya shreesudarshana jaya jaya shreesudarshana
danujavistarakartana janitamisravikartana
danujavidyanikartana bhajadavidyanivartana
amaradrishtasvavikrama samarajushtabhramikrama
jaya jaya shreesudarshana jaya jaya shreesudarshana
pratimukhaleedhabamdhura prithumahahetidamtura
vikatamayabahishkrita vividhamalaparishkrita
sthiramahayamtratamtrita dridhadayatamtrayamtrita
jaya jaya shreesudarshana jaya jaya shreesudarshana
mahitasampatsadakshara vihitasampatshadakshara
shadaracakrapratishthita sakalatattvapratishthita
vividhasamkalpakalpaka vibudhasamkalpakalpaka
jaya jaya shreesudarshana jaya jaya shreesudarshana
bhuvananetastrayeemaya savanatejastrayeemaya
niravadhisvaducinmaya nikhilashakte jaganmaya
amitavishvakriyamaya shamitavishvagbhayamaya
jaya jaya shreesudarshana jaya jaya shreesudarshana
dvicatushkamidam prabhootasaram
pathatam vemkatanayakapraneetam
vishame’pi manorathaha pradhavan
na vihanyeta rathamgadhuryaguptaha
iti shree vedamtacaryasya kritishu shree sudarshanashtakam
Meaning · English summary
Eight verses praising Vishnu's Sudarshana discus, its radiance, power and protection of dharma.
Precise transliteration
pratibhaṭaśrēṇibhīṣaṇa varaguṇastōmabhūṣaṇa
janibhayasthānatāraṇa jagadavasthānakāraṇa |
nikhiladuṣkarmakarśana nigamasaddharmadarśana
jaya jaya śrīsudarśana jaya jaya śrīsudarśana || 1 ||
śubhajagadrūpamaṃḍana surajanatrāsakhaṃḍana
śatamakhabrahmavaṃdita śatapathabrahmanaṃdita |
prathitavidvatsapakṣita bhajadahirbudhnyalakṣita
jaya jaya śrīsudarśana jaya jaya śrīsudarśana || 2 ||
sphuṭataṭijjālapiṃjara pṛthutarajvālapaṃjara
parigatapratnavigraha paṭutaraprajñadurgraha | [parimita]
praharaṇagrāmamaṃḍita parijanatrāṇapaṃḍita
jaya jaya śrīsudarśana jaya jaya śrīsudarśana || 3 ||
nijapadaprītasadgaṇa nirupadhisphītaṣaḍguṇa
nigamanirvyūḍhavaibhava nijaparavyūhavaibhava |
harihayadvēṣidāraṇa harapuraplōṣakāraṇa
jaya jaya śrīsudarśana jaya jaya śrīsudarśana || 4 ||
danujavistārakartana janitamisrāvikartana
danujavidyānikartana bhajadavidyānivartana |
amaradṛṣṭasvavikrama samarajuṣṭabhramikrama
jaya jaya śrīsudarśana jaya jaya śrīsudarśana || 5 ||
pratimukhālīḍhabaṃdhura pṛthumahāhētidaṃtura
vikaṭamāyābahiṣkṛta vividhamālāpariṣkṛta |
sthiramahāyaṃtrataṃtrita dṛḍhadayātaṃtrayaṃtrita
jaya jaya śrīsudarśana jaya jaya śrīsudarśana || 6 ||
mahitasaṃpatsadakṣara vihitasaṃpatṣaḍakṣara
ṣaḍaracakrapratiṣṭhita sakalatattvapratiṣṭhita |
vividhasaṃkalpakalpaka vibudhasaṃkalpakalpaka
jaya jaya śrīsudarśana jaya jaya śrīsudarśana || 7 ||
bhuvananētastrayīmaya savanatējastrayīmaya
niravadhisvāducinmaya nikhilaśaktē jaganmaya |
amitaviśvakriyāmaya śamitaviṣvagbhayāmaya
jaya jaya śrīsudarśana jaya jaya śrīsudarśana || 8 ||
dvicatuṣkamidaṃ prabhūtasāraṃ
paṭhatāṃ vēṃkaṭanāyakapraṇītam |
viṣamē’pi manōrathaḥ pradhāvan
na vihanyēta rathāṃgadhuryaguptaḥ || 9 ||
iti śrī vēdāṃtācāryasya kṛtiṣu śrī sudarśanāṣṭakam |
Telugu script
ప్రతిభటశ్రేణిభీషణ వరగుణస్తోమభూషణ
జనిభయస్థానతారణ జగదవస్థానకారణ |
నిఖిలదుష్కర్మకర్శన నిగమసద్ధర్మదర్శన
జయ జయ శ్రీసుదర్శన జయ జయ శ్రీసుదర్శన || ౧ ||
శుభజగద్రూపమండన సురజనత్రాసఖండన
శతమఖబ్రహ్మవందిత శతపథబ్రహ్మనందిత |
ప్రథితవిద్వత్సపక్షిత భజదహిర్బుధ్న్యలక్షిత
జయ జయ శ్రీసుదర్శన జయ జయ శ్రీసుదర్శన || ౨ ||
స్ఫుటతటిజ్జాలపింజర పృథుతరజ్వాలపంజర
పరిగతప్రత్నవిగ్రహ పటుతరప్రజ్ఞదుర్గ్రహ | [పరిమిత]
ప్రహరణగ్రామమండిత పరిజనత్రాణపండిత
జయ జయ శ్రీసుదర్శన జయ జయ శ్రీసుదర్శన || ౩ ||
నిజపదప్రీతసద్గణ నిరుపధిస్ఫీతషడ్గుణ
నిగమనిర్వ్యూఢవైభవ నిజపరవ్యూహవైభవ |
హరిహయద్వేషిదారణ హరపురప్లోషకారణ
జయ జయ శ్రీసుదర్శన జయ జయ శ్రీసుదర్శన || ౪ ||
దనుజవిస్తారకర్తన జనితమిస్రావికర్తన
దనుజవిద్యానికర్తన భజదవిద్యానివర్తన |
అమరదృష్టస్వవిక్రమ సమరజుష్టభ్రమిక్రమ
జయ జయ శ్రీసుదర్శన జయ జయ శ్రీసుదర్శన || ౫ ||
ప్రతిముఖాలీఢబంధుర పృథుమహాహేతిదంతుర
వికటమాయాబహిష్కృత వివిధమాలాపరిష్కృత |
స్థిరమహాయంత్రతంత్రిత దృఢదయాతంత్రయంత్రిత
జయ జయ శ్రీసుదర్శన జయ జయ శ్రీసుదర్శన || ౬ ||
మహితసంపత్సదక్షర విహితసంపత్షడక్షర
షడరచక్రప్రతిష్ఠిత సకలతత్త్వప్రతిష్ఠిత |
వివిధసంకల్పకల్పక విబుధసంకల్పకల్పక
జయ జయ శ్రీసుదర్శన జయ జయ శ్రీసుదర్శన || ౭ ||
భువననేతస్త్రయీమయ సవనతేజస్త్రయీమయ
నిరవధిస్వాదుచిన్మయ నిఖిలశక్తే జగన్మయ |
అమితవిశ్వక్రియామయ శమితవిష్వగ్భయామయ
జయ జయ శ్రీసుదర్శన జయ జయ శ్రీసుదర్శన || ౮ ||
ద్విచతుష్కమిదం ప్రభూతసారం
పఠతాం వేంకటనాయకప్రణీతమ్ |
విషమేఽపి మనోరథః ప్రధావన్
న విహన్యేత రథాంగధుర్యగుప్తః || ౯ ||
ఇతి శ్రీ వేదాంతాచార్యస్య కృతిషు శ్రీ సుదర్శనాష్టకమ్ |