Sri Hanumat Kavacham

asya śrī hanumat kavacastōtramahāmaṃtrasya vasiṣṭha ṛṣiḥ anuṣṭup chaṃdaḥ śrī hanumān dēvatā mārutātmaja iti bījaṃ aṃjanāsūnuriti śaktiḥ vāyuputra iti kīlakaṃ hanumatprasāda siddhyarthē japē viniyōgaḥ || ullaṃghya siṃdhōssalilaṃ salīlaṃ yaśśōkavahniṃ janakātmajāyāḥ | ādāya tēnaiva dadāha laṃkāṃ namāmi taṃ prāṃjalirāṃjanēyam || 1 manōjavaṃ mārutatulyavēgaṃ jitēṃdriyaṃ buddhimatāṃ variṣṭham | vātātmajaṃ vānarayūthamukhyaṃ śrīrāmadūtaṃ śirasā namāmi || 2 udyadādityasaṃkāśaṃ udārabhujavikramam | kaṃdarpakōṭilāvaṇyaṃ sarvavidyāviśāradam || 3 śrīrāmahṛdayānaṃdaṃ bhaktakalpamahīruham | abhayaṃ varadaṃ dōrbhyāṃ kalayē mārutātmajam || 4 śrīrāma rāma rāmēti ramē rāmē manōramē | sahasranāma tattulyaṃ rāmanāma varānanē || 5 pādau vāyusutaḥ pātu rāmadūtastadaṃguḷīḥ | gulphau harīśvaraḥ pātu jaṃghē cārṇavalaṃghanaḥ || 6 jānunī mārutiḥ pātu ūrū pātvasurāṃtakaḥ | guhyaṃ vajratanuḥ pātu jaghanaṃ tu jagaddhitaḥ || 7 āṃjanēyaḥ kaṭiṃ pātu nābhiṃ saumitrijīvanaḥ | udaraṃ pātu hṛdgēhī hṛdayaṃ ca mahābalaḥ || 8 vakṣō vālāyudhaḥ pātu stanau cā’mitavikramaḥ | pārśvau jitēṃdriyaḥ pātu bāhū sugrīvamaṃtrakṛt || 9 karāvakṣa jayī pātu hanumāṃśca tadaṃguḷīḥ | pṛṣṭhaṃ bhaviṣyadrbahmā ca skaṃdhau mati matāṃ varaḥ || 10 kaṃṭhaṃ pātu kapiśrēṣṭhō mukhaṃ rāvaṇadarpahā | vaktraṃ ca vaktṛpravaṇō nētrē dēvagaṇastutaḥ || 11 brahmāstrasanmānakarō bhruvau mē pātu sarvadā | kāmarūpaḥ kapōlē mē phālaṃ vajranakhō’vatu || 12 śirō mē pātu satataṃ jānakīśōkanāśanaḥ | śrīrāmabhaktapravaraḥ pātu sarvakaḷēbaram || 13 māmahni pātu sarvajñaḥ pātu rātrau mahāyaśāḥ | vivasvadaṃtēvāsī ca saṃdhyayōḥ pātu sarvadā || 14 brahmādidēvatādattavaraḥ pātu niraṃtaram | ya idaṃ kavacaṃ nityaṃ paṭhēcca śṛṇuyānnaraḥ || 15 dīrghamāyuravāpnōti balaṃ dṛṣṭiṃ ca viṃdati | pādākrāṃtā bhaviṣyaṃti paṭhatastasya śatravaḥ | sthirāṃ sukīrtimārōgyaṃ labhatē śāśvataṃ sukham || 16 iti nigaditavākyavṛtta tubhyaṃ sakalamapi svayamāṃjanēya vṛttam | api nijajanarakṣaṇaikadīkṣō vaśaga tadīya mahāmanuprabhāvaḥ || 17 iti śrī hanumat kavacam ||

అస్య శ్రీ హనుమత్ కవచస్తోత్రమహామంత్రస్య వసిష్ఠ ఋషిః అనుష్టుప్ ఛందః శ్రీ హనుమాన్ దేవతా మారుతాత్మజ ఇతి బీజం అంజనాసూనురితి శక్తిః వాయుపుత్ర ఇతి కీలకం హనుమత్ప్రసాద సిద్ధ్యర్థే జపే వినియోగః || ఉల్లంఘ్య సింధోస్సలిలం సలీలం యశ్శోకవహ్నిం జనకాత్మజాయాః | ఆదాయ తేనైవ దదాహ లంకాం నమామి తం ప్రాంజలిరాంజనేయమ్ || ౧ మనోజవం మారుతతుల్యవేగం జితేంద్రియం బుద్ధిమతాం వరిష్ఠమ్ | వాతాత్మజం వానరయూథముఖ్యం శ్రీరామదూతం శిరసా నమామి || ౨ ఉద్యదాదిత్యసంకాశం ఉదారభుజవిక్రమమ్ | కందర్పకోటిలావణ్యం సర్వవిద్యావిశారదమ్ || ౩ శ్రీరామహృదయానందం భక్తకల్పమహీరుహమ్ | అభయం వరదం దోర్భ్యాం కలయే మారుతాత్మజమ్ || ౪ శ్రీరామ రామ రామేతి రమే రామే మనోరమే | సహస్రనామ తత్తుల్యం రామనామ వరాననే || ౫ పాదౌ వాయుసుతః పాతు రామదూతస్తదంగుళీః | గుల్ఫౌ హరీశ్వరః పాతు జంఘే చార్ణవలంఘనః || ౬ జానునీ మారుతిః పాతు ఊరూ పాత్వసురాంతకః | గుహ్యం వజ్రతనుః పాతు జఘనం తు జగద్ధితః || ౭ ఆంజనేయః కటిం పాతు నాభిం సౌమిత్రిజీవనః | ఉదరం పాతు హృద్గేహీ హృదయం చ మహాబలః || ౮ వక్షో వాలాయుధః పాతు స్తనౌ చాఽమితవిక్రమః | పార్శ్వౌ జితేంద్రియః పాతు బాహూ సుగ్రీవమంత్రకృత్ || ౯ కరావక్ష జయీ పాతు హనుమాంశ్చ తదంగుళీః | పృష్ఠం భవిష్యద్ర్బహ్మా చ స్కంధౌ మతి మతాం వరః || ౧౦ కంఠం పాతు కపిశ్రేష్ఠో ముఖం రావణదర్పహా | వక్త్రం చ వక్తృప్రవణో నేత్రే దేవగణస్తుతః || ౧౧ బ్రహ్మాస్త్రసన్మానకరో భ్రువౌ మే పాతు సర్వదా | కామరూపః కపోలే మే ఫాలం వజ్రనఖోఽవతు || ౧౨ శిరో మే పాతు సతతం జానకీశోకనాశనః | శ్రీరామభక్తప్రవరః పాతు సర్వకళేబరమ్ || ౧౩ మామహ్ని పాతు సర్వజ్ఞః పాతు రాత్రౌ మహాయశాః | వివస్వదంతేవాసీ చ సంధ్యయోః పాతు సర్వదా || ౧౪ బ్రహ్మాదిదేవతాదత్తవరః పాతు నిరంతరమ్ | య ఇదం కవచం నిత్యం పఠేచ్చ శృణుయాన్నరః || ౧౫ దీర్ఘమాయురవాప్నోతి బలం దృష్టిం చ విందతి | పాదాక్రాంతా భవిష్యంతి పఠతస్తస్య శత్రవః | స్థిరాం సుకీర్తిమారోగ్యం లభతే శాశ్వతం సుఖమ్ || ౧౬ ఇతి నిగదితవాక్యవృత్త తుభ్యం సకలమపి స్వయమాంజనేయ వృత్తమ్ | అపి నిజజనరక్షణైకదీక్షో వశగ తదీయ మహామనుప్రభావః || ౧౭ ఇతి శ్రీ హనుమత్ కవచమ్ ||