Devi Kavacham
Simple English spelling · original wording
shree gurubhyo namaha
asya shreecamdeekavacasya brahma rishiha , anushtup chamdaha ,
camumda devata , amganyasoktamataro beejam ,
digbamdhadevatastatvam , shreejagadambapreetyarthe jape viniyogaha
Om namashcamdikayai
markamdeya uvaca
Om yadguhyam paramam loke sarvarakshakaram nrinam
yanna kasyacidakhyatam tanme broohi pitamaha
brahmovaca
asti guhyatamam vipra sarvabhootopakarakam
devyastu kavacam punyam tacchrinushva mahamune
prathamam shailaputreeti dviteeyam brahmacarinee
triteeyam camdraghamteti kooshmamdeti caturthakam
pamcamam skamdamateti shashtham katyayanee tatha
saptamam kalaratrishca mahagaureeti cashtamam
navamam siddhidatree ca navadurgaha prakeertitaha
uktanyetani namani brahmanaiva mahatmana
agnina dahyamanastu shatrumadhyagata rane
vishame durgame caiva bhayartaha sharanam gataha
na tesham jayate kimcidashubham ranasamkate
apadam na ca pashyamti shokaduhakhabhayamkareem
yaistu bhaktya smrita nityam tesham vriddhiha prajayate
ye tvam smaramti deveshi rakshasi tanna samshayaha
pretasamstha tu camumda varahee mahishasana
aimdree gajasamaroodha vaishnavee garudasana
narasimhee mahaveerya shivadootee mahabala
maheshvaree vrisharoodha kaumaree shikhivahana
lakshmeeha padmasana devee padmahasta haripriya
shvetaroopadhara devee eeshvaree vrishavahana
brahmee hamsasamaroodha sarvabharanabhooshita
ityeta mataraha sarvaha sarvayogasamanvitaha
nanabharanashobhadhya nanaratnopashobhitaha
shraishthaishca mauktikaiha sarva divyaharapralambibhiha
imdraneelairmahaneelaiha padmaragaiha sushobhanaiha
drishyamte rathamaroodha devyaha krodhasamakulaha
shamkham cakram gadam shaktim halam ca musalayudham
khetakam tomaram caiva parashum pashameva ca
kumtayudham trishoolam ca sharmgamayudhamuttamam
daityanam dehanashaya bhaktanamabhayaya ca
dharayamtyayudhaneettham devanam ca hitaya vai
namaste’stu maharaudre mahaghoraparakrame
mahabale mahotsahe mahabhayavinashini
trahi mam devi dushprekshye shatroonam bhayavardhini
pracyam rakshatu mamaimdree agneyyamagnidevata
dakshine’vatu varahee nairrityam khadgadharinee
prateecyam varunee rakshedvayavyam mrigavahinee
udeecyam patu kauberee eeshanyam shooladharinee
oordhvam brahmanee me rakshedadhastadvaishnavee tatha
evam dasha disho raksheccamumda shavavahana
jaya mamagrataha patu vijaya patu prishthataha
ajita vamaparshve tu dakshine caparajita
shikham me dyotinee raksheduma moordhni vyavasthita
maladharee lalate ca bhruvau rakshedyashasvinee
netrayoshcitranetra ca yamaghamta tu parshvake
trinetra ca trishoolena bhruvormadhye ca camdika
shamkhinee cakshushormadhye shrotrayordvaravasinee
kapolau kalika rakshet karnamoole tu shamkaree
nasikayam sugamdha ca uttaroshthe ca carcika
adhare camritabala jihvayam ca sarasvatee
damtan rakshatu kaumaree kamthadeshe tu camdika
ghamtikam citraghamta ca mahamaya ca taluke
kamakshee cibukam rakshedvacam me sarvamamgala
greevayam bhadrakalee ca prishthavamshe dhanurdharee
neelagreeva bahiha kamthe nalikam nalakoobaree
skamdhayoha khadginee rakshet bahoo me vajradharinee
hastayordamdinee rakshedambika camguleeshu ca
nakhanchooleshvaree rakshet kukshau rakshennareshvaree
stanau rakshenmahadevee manahashokavinashinee
hridaye lalita devee udare shooladharinee
nabhau ca kaminee rakshedguhyam guhyeshvaree tatha
medhram rakshatu durana payum me guhyavahinee
katyam bhagavatee rakshedooroo me meghavahana
jamghe mahabala rakshet janoo madhavanayika
gulphayornarasimhee ca padaprishthe tu kaushikee
padamguleeha shreedharee ca talam patalavasinee
nakhan damshtrakaralee ca keshamshcaivordhvakeshinee
romakoopeshu kaumaree tvacam yogeeshvaree tatha
raktamajjavasamamsanyasthimedamsi parvatee
amtrani kalaratrishca pittam ca mukuteshvaree
padmavatee padmakoshe kaphe coodamanistatha
jvalamukhee nakhajvalamabhedya sarvasamdhishu
shukram brahmanee me rakshecchayam chatreshvaree tatha
ahamkaram mano buddhim rakshenme dharmadharinee
pranapanau tatha vyanamudanam ca samanakam
vajrahasta ca me rakshet pranan kalyanashobhana
rase roope ca gamdhe ca shabde sparshe ca yoginee
sattvam rajastamashcaiva rakshennarayanee sada
ayoo rakshatu varahee dharmam rakshatu parvatee
yashaha keertim ca lakshmeem ca sada rakshatu vaishnavee
gotramimdranee me rakshet pashoon rakshecca camdika
putran rakshenmahalakshmeerbharyam rakshatu bhairavee
dhaneshvaree dhanam rakshet kaumaree kanyakam tatha
pamthanam supatha rakshenmargam kshemamkaree tatha
rajadvare mahalakshmeervijaya satatam sthita
rakshaheenam tu yat sthanam varjitam kavacena tu
tatsarvam raksha me devi jayamtee papanashinee
sarvarakshakaram punyam kavacam sarvada japet
idam rahasyam viprarshe bhaktya tava mayoditam
padamekam na gacchet tu yadeecchecchubhamatmanaha
kavacenavrito nityam yatra yatraiva gacchati
tatra tatrarthalabhashca vijayaha sarvakalikaha
yam yam cimtayate kamam tam tam prapnoti nishcitam
paramaishvaryamatulam prapsyate bhootale puman
nirbhayo jayate martyaha samgrameshvaparajitaha
trailokye tu bhavetpoojyaha kavacenavritaha puman
idam tu devyaha kavacam devanamapi durlabham
yaha pathetprayato nityam trisamdhyam shraddhayanvitaha
daiveekala bhavettasya trailokye caparajitaha
jeevedvarshashatam sagramapamrityuvivarjitaha
nashyamti vyadhayaha sarve lootavisphotakadayaha
sthavaram jamgamam caiva kritrimam caiva yadvisham
abhicarani sarvani mamtrayamtrani bhootale
bhoocaraha khecarashcaiva kulajashcaupadeshikaha
sahaja kulaja mala dakinee shakinee tatha
amtarikshacara ghora dakinyashca maharavaha
grahabhootapishacashca yakshagamdharvarakshasaha
brahmarakshasavetalaha kooshmamda bhairavadayaha
nashyamti darshanattasya kavacenavrito hi yaha
manonnatirbhavedrajnastejovriddhiha para bhavet
yashovriddhirbhavet pumsam keertivriddhishca jayate
tasmat japet sada bhaktaha kavacam kamadam mune
japet saptashateem camdeem kritva tu kavacam pura
nirvighnena bhavet siddhishcamdeejapasamudbhava
yavadbhoomamdalam dhatte sashailavanakananam
tavattishthati medinyam samtatiha putrapautrikee
dehamte paramam sthanam surairapi sudurlabham
prapnoti purusho nityam mahamayaprasadataha
tatra gacchati gatvasau punashcagamanam nahi
labhate paramam sthanam shivena samatam vrajet
iti shreemarkamdeyapurane hariharabrahmaviracitam deveekavacam samaptam
Meaning · English summary
A companion text to the Durga Saptashati invoking the Goddess's many forms for protection of the body, directions and life.
Precise transliteration
śrī gurubhyō namaḥ |
asya śrīcaṃḍīkavacasya brahmā ṛṣiḥ , anuṣṭup chaṃdaḥ ,
cāmuṃḍā dēvatā , aṃganyāsōktamātarō bījam ,
digbaṃdhadēvatāstatvam , śrījagadaṃbāprītyarthē japē viniyōgaḥ |
ōṃ namaścaṃḍikāyai |
mārkaṃḍēya uvāca |
ōṃ yadguhyaṃ paramaṃ lōkē sarvarakṣākaraṃ nṛṇām |
yanna kasyacidākhyātaṃ tanmē brūhi pitāmaha || 1 ||
brahmōvāca |
asti guhyatamaṃ vipra sarvabhūtōpakārakam |
dēvyāstu kavacaṃ puṇyaṃ tacchṛṇuṣva mahāmunē || 2 ||
prathamaṃ śailaputrīti dvitīyaṃ brahmacāriṇī |
tṛtīyaṃ caṃdraghaṃṭēti kūṣmāṃḍēti caturthakam || 3 ||
paṃcamaṃ skaṃdamātēti ṣaṣṭhaṃ kātyāyanī tathā |
saptamaṃ kālarātriśca mahāgaurīti cāṣṭamam || 4 ||
navamaṃ siddhidātrī ca navadurgāḥ prakīrtitāḥ |
uktānyētāni nāmāni brahmaṇaiva mahātmanā || 5 ||
agninā dahyamānāstu śatrumadhyagatā raṇē |
viṣamē durgamē caiva bhayārtāḥ śaraṇaṃ gatāḥ || 6|
na tēṣāṃ jāyatē kiṃcidaśubhaṃ raṇasaṃkaṭē |
āpadaṃ na ca paśyaṃti śōkaduḥkhabhayaṃkarīm || 7 ||
yaistu bhaktyā smṛtā nityaṃ tēṣāṃ vṛddhiḥ prajāyatē |
yē tvāṃ smaraṃti dēvēśi rakṣasi tānna saṃśayaḥ || 8 ||
prētasaṃsthā tu cāmuṃḍā vārāhī mahiṣāsanā |
aiṃdrī gajasamārūḍhā vaiṣṇavī garuḍāsanā || 9 ||
nārasiṃhī mahāvīryā śivadūtī mahābalā |
māhēśvarī vṛṣārūḍhā kaumārī śikhivāhanā || 10 ||
lakṣmīḥ padmāsanā dēvī padmahastā haripriyā |
śvētarūpadharā dēvī īśvarī vṛṣavāhanā || 11 ||
brāhmī haṃsasamārūḍhā sarvābharaṇabhūṣitā |
ityētā mātaraḥ sarvāḥ sarvayōgasamanvitāḥ || 12 ||
nānābharaṇaśōbhāḍhyā nānāratnōpaśōbhitāḥ |
śraiṣṭhaiśca mauktikaiḥ sarvā divyahārapralaṃbibhiḥ || 13 ||
iṃdranīlairmahānīlaiḥ padmarāgaiḥ suśōbhanaiḥ |
dṛśyaṃtē rathamārūḍhā dēvyaḥ krōdhasamākulāḥ || 14 ||
śaṃkhaṃ cakraṃ gadāṃ śaktiṃ halaṃ ca musalāyudham |
khēṭakaṃ tōmaraṃ caiva paraśuṃ pāśamēva ca || 15 ||
kuṃtāyudhaṃ triśūlaṃ ca śārṃgamāyudhamuttamam |
daityānāṃ dēhanāśāya bhaktānāmabhayāya ca || 16 ||
dhārayaṃtyāyudhānītthaṃ dēvānāṃ ca hitāya vai |
namastē’stu mahāraudrē mahāghōraparākramē || 17 ||
mahābalē mahōtsāhē mahābhayavināśini |
trāhi māṃ dēvi duṣprēkṣyē śatrūṇāṃ bhayavardhini || 18 ||
prācyāṃ rakṣatu māmaiṃdrī āgnēyyāmagnidēvatā |
dakṣiṇē’vatu vārāhī nairṛtyāṃ khaḍgadhāriṇī || 19 ||
pratīcyāṃ vāruṇī rakṣēdvāyavyāṃ mṛgavāhinī |
udīcyāṃ pātu kaubērī īśānyāṃ śūladhāriṇī || 20 ||
ūrdhvaṃ brahmāṇī mē rakṣēdadhastādvaiṣṇavī tathā |
ēvaṃ daśa diśō rakṣēccāmuṃḍā śavavāhanā || 21 ||
jayā māmagrataḥ pātu vijayā pātu pṛṣṭhataḥ |
ajitā vāmapārśvē tu dakṣiṇē cāparājitā || 22 ||
śikhāṃ mē dyōtinī rakṣēdumā mūrdhni vyavasthitā |
mālādharī lalāṭē ca bhruvau rakṣēdyaśasvinī || 23 ||
nētrayōścitranētrā ca yamaghaṃṭā tu pārśvakē |
trinētrā ca triśūlēna bhruvōrmadhyē ca caṃḍikā || 24 ||
śaṃkhinī cakṣuṣōrmadhyē śrōtrayōrdvāravāsinī |
kapōlau kālikā rakṣēt karṇamūlē tu śaṃkarī || 25 ||
nāsikāyāṃ sugaṃdhā ca uttarōṣṭhē ca carcikā |
adharē cāmṛtābālā jihvāyāṃ ca sarasvatī || 26 ||
daṃtān rakṣatu kaumārī kaṃṭhadēśē tu caṃḍikā |
ghaṃṭikāṃ citraghaṃṭā ca mahāmāyā ca tālukē || 27 ||
kāmākṣī cibukaṃ rakṣēdvācaṃ mē sarvamaṃgaḷā |
grīvāyāṃ bhadrakāḷī ca pṛṣṭhavaṃśē dhanurdharī || 28 ||
nīlagrīvā bahiḥ kaṃṭhē nalikāṃ nalakūbarī |
skaṃdhayōḥ khaḍginī rakṣēt bāhū mē vajradhāriṇī || 29 ||
hastayōrdaṃḍinī rakṣēdaṃbikā cāṃguḷīṣu ca |
nakhāñchūlēśvarī rakṣēt kukṣau rakṣēnnarēśvarī || 30 ||
stanau rakṣēnmahādēvī manaḥśōkavināśinī |
hṛdayē lalitā dēvī udarē śūladhāriṇī || 31 ||
nābhau ca kāminī rakṣēdguhyaṃ guhyēśvarī tathā |
mēḍhraṃ rakṣatu duranā pāyuṃ mē guhyavāhinī || 32 ||
kaṭyāṃ bhagavatī rakṣēdūrū mē mēghavāhanā |
jaṃghē mahābalā rakṣēt jānū mādhavanāyikā || 33 ||
gulphayōrnārasiṃhī ca pādapṛṣṭhē tu kauśikī |
pādāṃguḷīḥ śrīdharī ca talaṃ pātāḷavāsinī || 34 ||
nakhān daṃṣṭrakarālī ca kēśāṃścaivōrdhvakēśinī |
rōmakūpēṣu kaumārī tvacaṃ yōgīśvarī tathā || 35 ||
raktamajjāvasāmāṃsānyasthimēdāṃsi pārvatī |
aṃtrāṇi kālarātriśca pittaṃ ca mukuṭēśvarī || 36 ||
padmāvatī padmakōśē kaphē cūḍāmaṇistathā |
jvālāmukhī nakhajvālāmabhēdyā sarvasaṃdhiṣu || 37 ||
śukraṃ brahmāṇī mē rakṣēcchāyāṃ chatrēśvarī tathā |
ahaṃkāraṃ manō buddhiṃ rakṣēnmē dharmadhāriṇī || 38 ||
prāṇāpānau tathā vyānamudānaṃ ca samānakam |
vajrahastā ca mē rakṣēt prāṇān kaḷyāṇaśōbhanā || 39 ||
rasē rūpē ca gaṃdhē ca śabdē sparśē ca yōginī |
sattvaṃ rajastamaścaiva rakṣēnnārāyaṇī sadā || 40 ||
āyū rakṣatu vārāhī dharmaṃ rakṣatu pārvatī |
yaśaḥ kīrtiṃ ca lakṣmīṃ ca sadā rakṣatu vaiṣṇavī || 41 ||
gōtramiṃdrāṇī mē rakṣēt paśūn rakṣēcca caṃḍikā |
putrān rakṣēnmahālakṣmīrbhāryāṃ rakṣatu bhairavī || 42 ||
dhanēśvarī dhanaṃ rakṣēt kaumārī kanyakāṃ tathā |
paṃthānaṃ supathā rakṣēnmārgaṃ kṣēmaṃkarī tathā || 43 ||
rājadvārē mahālakṣmīrvijayā satataṃ sthitā |
rakṣāhīnaṃ tu yat sthānaṃ varjitaṃ kavacēna tu || 44 ||
tatsarvaṃ rakṣa mē dēvi jayaṃtī pāpanāśinī |
sarvarakṣākaraṃ puṇyaṃ kavacaṃ sarvadā japēt || 45 ||
idaṃ rahasyaṃ viprarṣē bhaktyā tava mayōditam ||
pādamēkaṃ na gacchēt tu yadīcchēcchubhamātmanaḥ || 46 ||
kavacēnāvṛtō nityaṃ yatra yatraiva gacchati |
tatra tatrārthalābhaśca vijayaḥ sārvakālikaḥ || 47 ||
yaṃ yaṃ ciṃtayatē kāmaṃ taṃ taṃ prāpnōti niścitam |
paramaiśvaryamatulaṃ prāpsyatē bhūtalē pumān || 48 ||
nirbhayō jāyatē martyaḥ saṃgrāmēṣvaparājitaḥ |
trailōkyē tu bhavētpūjyaḥ kavacēnāvṛtaḥ pumān || 49 ||
idaṃ tu dēvyāḥ kavacaṃ dēvānāmapi durlabham |
yaḥ paṭhētprayatō nityaṃ trisaṃdhyaṃ śraddhayānvitaḥ || 50 ||
daivīkalā bhavēttasya trailōkyē cāparājitaḥ |
jīvēdvarṣaśataṃ sāgramapamṛtyuvivarjitaḥ || 51 ||
naśyaṃti vyādhayaḥ sarvē lūtāvisphōṭakādayaḥ |
sthāvaraṃ jaṃgamaṃ caiva kṛtrimaṃ caiva yadviṣam || 52 ||
abhicārāṇi sarvāṇi maṃtrayaṃtrāṇi bhūtalē |
bhūcarāḥ khēcarāścaiva kulajāścaupadēśikāḥ || 53 ||
sahajā kulajā mālā ḍākinī śākinī tathā |
aṃtarikṣacarā ghōrā ḍākinyaśca mahāravāḥ || 54 ||
grahabhūtapiśācāśca yakṣagaṃdharvarākṣasāḥ |
brahmarākṣasavētālāḥ kūṣmāṃḍā bhairavādayaḥ || 55 ||
naśyaṃti darśanāttasya kavacēnāvṛtō hi yaḥ |
mānōnnatirbhavēdrājñastējōvṛddhiḥ parā bhavēt || 56 ||
yaśōvṛddhirbhavēt puṃsāṃ kīrtivṛddhiśca jāyatē |
tasmāt japēt sadā bhaktaḥ kavacaṃ kāmadaṃ munē || 57 ||
japēt saptaśatīṃ caṃḍīṃ kṛtvā tu kavacaṃ purā |
nirvighnēna bhavēt siddhiścaṃḍījapasamudbhavā || 58 ||
yāvadbhūmaṃḍalaṃ dhattē saśailavanakānanam |
tāvattiṣṭhati mēdinyāṃ saṃtatiḥ putrapautrikī || 59 ||
dēhāṃtē paramaṃ sthānaṃ surairapi sudurlabham |
prāpnōti puruṣō nityaṃ mahāmāyāprasādataḥ || 60 ||
tatra gacchati gatvāsau punaścāgamanaṃ nahi |
labhatē paramaṃ sthānaṃ śivēna samatāṃ vrajēt || 61 ||
|| iti śrīmārkaṃḍēyapurāṇē hariharabrahmaviracitaṃ dēvīkavacaṃ samāptam ||
Telugu script
శ్రీ గురుభ్యో నమః |
అస్య శ్రీచండీకవచస్య బ్రహ్మా ఋషిః , అనుష్టుప్ ఛందః ,
చాముండా దేవతా , అంగన్యాసోక్తమాతరో బీజమ్ ,
దిగ్బంధదేవతాస్తత్వమ్ , శ్రీజగదంబాప్రీత్యర్థే జపే వినియోగః |
ఓం నమశ్చండికాయై |
మార్కండేయ ఉవాచ |
ఓం యద్గుహ్యం పరమం లోకే సర్వరక్షాకరం నృణామ్ |
యన్న కస్యచిదాఖ్యాతం తన్మే బ్రూహి పితామహ || ౧ ||
బ్రహ్మోవాచ |
అస్తి గుహ్యతమం విప్ర సర్వభూతోపకారకమ్ |
దేవ్యాస్తు కవచం పుణ్యం తచ్ఛృణుష్వ మహామునే || ౨ ||
ప్రథమం శైలపుత్రీతి ద్వితీయం బ్రహ్మచారిణీ |
తృతీయం చంద్రఘంటేతి కూష్మాండేతి చతుర్థకమ్ || ౩ ||
పంచమం స్కందమాతేతి షష్ఠం కాత్యాయనీ తథా |
సప్తమం కాలరాత్రిశ్చ మహాగౌరీతి చాష్టమమ్ || ౪ ||
నవమం సిద్ధిదాత్రీ చ నవదుర్గాః ప్రకీర్తితాః |
ఉక్తాన్యేతాని నామాని బ్రహ్మణైవ మహాత్మనా || ౫ ||
అగ్నినా దహ్యమానాస్తు శత్రుమధ్యగతా రణే |
విషమే దుర్గమే చైవ భయార్తాః శరణం గతాః || ౬|
న తేషాం జాయతే కించిదశుభం రణసంకటే |
ఆపదం న చ పశ్యంతి శోకదుఃఖభయంకరీమ్ || ౭ ||
యైస్తు భక్త్యా స్మృతా నిత్యం తేషాం వృద్ధిః ప్రజాయతే |
యే త్వాం స్మరంతి దేవేశి రక్షసి తాన్న సంశయః || ౮ ||
ప్రేతసంస్థా తు చాముండా వారాహీ మహిషాసనా |
ఐంద్రీ గజసమారూఢా వైష్ణవీ గరుడాసనా || ౯ ||
నారసింహీ మహావీర్యా శివదూతీ మహాబలా |
మాహేశ్వరీ వృషారూఢా కౌమారీ శిఖివాహనా || ౧౦ ||
లక్ష్మీః పద్మాసనా దేవీ పద్మహస్తా హరిప్రియా |
శ్వేతరూపధరా దేవీ ఈశ్వరీ వృషవాహనా || ౧౧ ||
బ్రాహ్మీ హంససమారూఢా సర్వాభరణభూషితా |
ఇత్యేతా మాతరః సర్వాః సర్వయోగసమన్వితాః || ౧౨ ||
నానాభరణశోభాఢ్యా నానారత్నోపశోభితాః |
శ్రైష్ఠైశ్చ మౌక్తికైః సర్వా దివ్యహారప్రలంబిభిః || ౧౩ ||
ఇంద్రనీలైర్మహానీలైః పద్మరాగైః సుశోభనైః |
దృశ్యంతే రథమారూఢా దేవ్యః క్రోధసమాకులాః || ౧౪ ||
శంఖం చక్రం గదాం శక్తిం హలం చ ముసలాయుధమ్ |
ఖేటకం తోమరం చైవ పరశుం పాశమేవ చ || ౧౫ ||
కుంతాయుధం త్రిశూలం చ శార్ంగమాయుధముత్తమమ్ |
దైత్యానాం దేహనాశాయ భక్తానామభయాయ చ || ౧౬ ||
ధారయంత్యాయుధానీత్థం దేవానాం చ హితాయ వై |
నమస్తేఽస్తు మహారౌద్రే మహాఘోరపరాక్రమే || ౧౭ ||
మహాబలే మహోత్సాహే మహాభయవినాశిని |
త్రాహి మాం దేవి దుష్ప్రేక్ష్యే శత్రూణాం భయవర్ధిని || ౧౮ ||
ప్రాచ్యాం రక్షతు మామైంద్రీ ఆగ్నేయ్యామగ్నిదేవతా |
దక్షిణేఽవతు వారాహీ నైరృత్యాం ఖడ్గధారిణీ || ౧౯ ||
ప్రతీచ్యాం వారుణీ రక్షేద్వాయవ్యాం మృగవాహినీ |
ఉదీచ్యాం పాతు కౌబేరీ ఈశాన్యాం శూలధారిణీ || ౨౦ ||
ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా |
ఏవం దశ దిశో రక్షేచ్చాముండా శవవాహనా || ౨౧ ||
జయా మామగ్రతః పాతు విజయా పాతు పృష్ఠతః |
అజితా వామపార్శ్వే తు దక్షిణే చాపరాజితా || ౨౨ ||
శిఖాం మే ద్యోతినీ రక్షేదుమా మూర్ధ్ని వ్యవస్థితా |
మాలాధరీ లలాటే చ భ్రువౌ రక్షేద్యశస్వినీ || ౨౩ ||
నేత్రయోశ్చిత్రనేత్రా చ యమఘంటా తు పార్శ్వకే |
త్రినేత్రా చ త్రిశూలేన భ్రువోర్మధ్యే చ చండికా || ౨౪ ||
శంఖినీ చక్షుషోర్మధ్యే శ్రోత్రయోర్ద్వారవాసినీ |
కపోలౌ కాలికా రక్షేత్ కర్ణమూలే తు శంకరీ || ౨౫ ||
నాసికాయాం సుగంధా చ ఉత్తరోష్ఠే చ చర్చికా |
అధరే చామృతాబాలా జిహ్వాయాం చ సరస్వతీ || ౨౬ ||
దంతాన్ రక్షతు కౌమారీ కంఠదేశే తు చండికా |
ఘంటికాం చిత్రఘంటా చ మహామాయా చ తాలుకే || ౨౭ ||
కామాక్షీ చిబుకం రక్షేద్వాచం మే సర్వమంగళా |
గ్రీవాయాం భద్రకాళీ చ పృష్ఠవంశే ధనుర్ధరీ || ౨౮ ||
నీలగ్రీవా బహిః కంఠే నలికాం నలకూబరీ |
స్కంధయోః ఖడ్గినీ రక్షేత్ బాహూ మే వజ్రధారిణీ || ౨౯ ||
హస్తయోర్దండినీ రక్షేదంబికా చాంగుళీషు చ |
నఖాఞ్ఛూలేశ్వరీ రక్షేత్ కుక్షౌ రక్షేన్నరేశ్వరీ || ౩౦ ||
స్తనౌ రక్షేన్మహాదేవీ మనఃశోకవినాశినీ |
హృదయే లలితా దేవీ ఉదరే శూలధారిణీ || ౩౧ ||
నాభౌ చ కామినీ రక్షేద్గుహ్యం గుహ్యేశ్వరీ తథా |
మేఢ్రం రక్షతు దురనా పాయుం మే గుహ్యవాహినీ || ౩౨ ||
కట్యాం భగవతీ రక్షేదూరూ మే మేఘవాహనా |
జంఘే మహాబలా రక్షేత్ జానూ మాధవనాయికా || ౩౩ ||
గుల్ఫయోర్నారసింహీ చ పాదపృష్ఠే తు కౌశికీ |
పాదాంగుళీః శ్రీధరీ చ తలం పాతాళవాసినీ || ౩౪ ||
నఖాన్ దంష్ట్రకరాలీ చ కేశాంశ్చైవోర్ధ్వకేశినీ |
రోమకూపేషు కౌమారీ త్వచం యోగీశ్వరీ తథా || ౩౫ ||
రక్తమజ్జావసామాంసాన్యస్థిమేదాంసి పార్వతీ |
అంత్రాణి కాలరాత్రిశ్చ పిత్తం చ ముకుటేశ్వరీ || ౩౬ ||
పద్మావతీ పద్మకోశే కఫే చూడామణిస్తథా |
జ్వాలాముఖీ నఖజ్వాలామభేద్యా సర్వసంధిషు || ౩౭ ||
శుక్రం బ్రహ్మాణీ మే రక్షేచ్ఛాయాం ఛత్రేశ్వరీ తథా |
అహంకారం మనో బుద్ధిం రక్షేన్మే ధర్మధారిణీ || ౩౮ ||
ప్రాణాపానౌ తథా వ్యానముదానం చ సమానకమ్ |
వజ్రహస్తా చ మే రక్షేత్ ప్రాణాన్ కళ్యాణశోభనా || ౩౯ ||
రసే రూపే చ గంధే చ శబ్దే స్పర్శే చ యోగినీ |
సత్త్వం రజస్తమశ్చైవ రక్షేన్నారాయణీ సదా || ౪౦ ||
ఆయూ రక్షతు వారాహీ ధర్మం రక్షతు పార్వతీ |
యశః కీర్తిం చ లక్ష్మీం చ సదా రక్షతు వైష్ణవీ || ౪౧ ||
గోత్రమింద్రాణీ మే రక్షేత్ పశూన్ రక్షేచ్చ చండికా |
పుత్రాన్ రక్షేన్మహాలక్ష్మీర్భార్యాం రక్షతు భైరవీ || ౪౨ ||
ధనేశ్వరీ ధనం రక్షేత్ కౌమారీ కన్యకాం తథా |
పంథానం సుపథా రక్షేన్మార్గం క్షేమంకరీ తథా || ౪౩ ||
రాజద్వారే మహాలక్ష్మీర్విజయా సతతం స్థితా |
రక్షాహీనం తు యత్ స్థానం వర్జితం కవచేన తు || ౪౪ ||
తత్సర్వం రక్ష మే దేవి జయంతీ పాపనాశినీ |
సర్వరక్షాకరం పుణ్యం కవచం సర్వదా జపేత్ || ౪౫ ||
ఇదం రహస్యం విప్రర్షే భక్త్యా తవ మయోదితమ్ ||
పాదమేకం న గచ్ఛేత్ తు యదీచ్ఛేచ్ఛుభమాత్మనః || ౪౬ ||
కవచేనావృతో నిత్యం యత్ర యత్రైవ గచ్ఛతి |
తత్ర తత్రార్థలాభశ్చ విజయః సార్వకాలికః || ౪౭ ||
యం యం చింతయతే కామం తం తం ప్రాప్నోతి నిశ్చితమ్ |
పరమైశ్వర్యమతులం ప్రాప్స్యతే భూతలే పుమాన్ || ౪౮ ||
నిర్భయో జాయతే మర్త్యః సంగ్రామేష్వపరాజితః |
త్రైలోక్యే తు భవేత్పూజ్యః కవచేనావృతః పుమాన్ || ౪౯ ||
ఇదం తు దేవ్యాః కవచం దేవానామపి దుర్లభమ్ |
యః పఠేత్ప్రయతో నిత్యం త్రిసంధ్యం శ్రద్ధయాన్వితః || ౫౦ ||
దైవీకలా భవేత్తస్య త్రైలోక్యే చాపరాజితః |
జీవేద్వర్షశతం సాగ్రమపమృత్యువివర్జితః || ౫౧ ||
నశ్యంతి వ్యాధయః సర్వే లూతావిస్ఫోటకాదయః |
స్థావరం జంగమం చైవ కృత్రిమం చైవ యద్విషమ్ || ౫౨ ||
అభిచారాణి సర్వాణి మంత్రయంత్రాణి భూతలే |
భూచరాః ఖేచరాశ్చైవ కులజాశ్చౌపదేశికాః || ౫౩ ||
సహజా కులజా మాలా డాకినీ శాకినీ తథా |
అంతరిక్షచరా ఘోరా డాకిన్యశ్చ మహారవాః || ౫౪ ||
గ్రహభూతపిశాచాశ్చ యక్షగంధర్వరాక్షసాః |
బ్రహ్మరాక్షసవేతాలాః కూష్మాండా భైరవాదయః || ౫౫ ||
నశ్యంతి దర్శనాత్తస్య కవచేనావృతో హి యః |
మానోన్నతిర్భవేద్రాజ్ఞస్తేజోవృద్ధిః పరా భవేత్ || ౫౬ ||
యశోవృద్ధిర్భవేత్ పుంసాం కీర్తివృద్ధిశ్చ జాయతే |
తస్మాత్ జపేత్ సదా భక్తః కవచం కామదం మునే || ౫౭ ||
జపేత్ సప్తశతీం చండీం కృత్వా తు కవచం పురా |
నిర్విఘ్నేన భవేత్ సిద్ధిశ్చండీజపసముద్భవా || ౫౮ ||
యావద్భూమండలం ధత్తే సశైలవనకాననమ్ |
తావత్తిష్ఠతి మేదిన్యాం సంతతిః పుత్రపౌత్రికీ || ౫౯ ||
దేహాంతే పరమం స్థానం సురైరపి సుదుర్లభమ్ |
ప్రాప్నోతి పురుషో నిత్యం మహామాయాప్రసాదతః || ౬౦ ||
తత్ర గచ్ఛతి గత్వాసౌ పునశ్చాగమనం నహి |
లభతే పరమం స్థానం శివేన సమతాం వ్రజేత్ || ౬౧ ||
|| ఇతి శ్రీమార్కండేయపురాణే హరిహరబ్రహ్మవిరచితం దేవీకవచం సమాప్తమ్ ||