Santana Gopala Stotram

śrīśaṃ kamalapatrākṣaṃ dēvakīnaṃdanaṃ harim | sutasaṃprāptayē kṛṣṇaṃ namāmi madhusūdanam || 1 || namāmyahaṃ vāsudēvaṃ sutasaṃprāptayē harim | yaśōdāṃkagataṃ bālaṃ gōpālaṃ naṃdanaṃdanam || 2 || asmākaṃ putralābhāya gōviṃdaṃ munivaṃditam | namāmyahaṃ vāsudēvaṃ dēvakīnaṃdanaṃ sadā || 3 || gōpālaṃ ḍiṃbhakaṃ vaṃdē kamalāpatimacyutam | putrasaṃprāptayē kṛṣṇaṃ namāmi yadupuṃgavam || 4 || putrakāmēṣṭiphaladaṃ kaṃjākṣaṃ kamalāpatim | dēvakīnaṃdanaṃ vaṃdē suta saṃprāptayē mama || 5 || padmāpatē padmanētra padmanābha janārdana | dēhi mē tanayaṃ śrīśa vāsudēva jagatpatē || 6 || yaśōdāṃkagataṃ bālaṃ gōviṃdaṃ munivaṃditam | asmākaṃ putra lābhāya namāmi śrīśamacyutam || 7 || śrīpatē dēvadēvēśa dīnārtirharaṇācyuta | gōviṃda mē sutaṃ dēhi namāmi tvāṃ janārdana || 8 || bhaktakāmada gōviṃda bhaktarakṣa śubhaprada | dēhi mē tanayaṃ kṛṣṇa rukmiṇīvallabha prabhō || 9 || rukmiṇīnātha sarvēśa dēhi mē tanayaṃ sadā | bhaktamaṃdāra padmākṣa tvāmahaṃ śaraṇaṃ gataḥ || 10 || dēvakīsuta gōviṃda vāsudēva jagatpatē | dēhi mē tanayaṃ kṛṣṇa tvāmahaṃ śaraṇaṃ gataḥ || 11 || vāsudēva jagadvaṃdya śrīpatē puruṣōttama | dēhi mē tanayaṃ kṛṣṇa tvāmahaṃ śaraṇaṃ gataḥ || 12 || kaṃjākṣa kamalānātha parakāruṇikōttama | dēhi mē tanayaṃ kṛṣṇa tvāmahaṃ śaraṇaṃ gataḥ || 13 || lakṣmīpatē padmanābha mukuṃda munivaṃdita | dēhi mē tanayaṃ kṛṣṇa tvāmahaṃ śaraṇaṃ gataḥ || 14 || kāryakāraṇarūpāya vāsudēvāya tē sadā | namāmi putralābhārthaṃ sukhadāya budhāya tē || 15 || rājīvanētra śrīrāma rāvaṇārē harē kavē | tubhyaṃ namāmi dēvēśa tanayaṃ dēhi mē harē || 16 || asmākaṃ putralābhāya bhajāmi tvāṃ jagatpatē | dēhi mē tanayaṃ kṛṣṇa vāsudēva ramāpatē || 17 || śrīmāninīmānacōra gōpīvastrāpahāraka | dēhi mē tanayaṃ kṛṣṇa vāsudēva jagatpatē || 18 || asmākaṃ putrasaṃprāptiṃ kuruṣva yadunaṃdana | ramāpatē vāsudēva mukuṃda munivaṃdita || 19 || vāsudēva sutaṃ dēhi tanayaṃ dēhi mādhava | putraṃ mē dēhi śrīkṛṣṇa vatsaṃ dēhi mahāprabhō || 20 || ḍiṃbhakaṃ dēhi śrīkṛṣṇa ātmajaṃ dēhi rāghava | bhaktamaṃdāra mē dēhi tanayaṃ naṃdanaṃdana || 21 || naṃdanaṃ dēhi mē kṛṣṇa vāsudēva jagatpatē | kamalānātha gōviṃda mukuṃda munivaṃdita || 22 || anyathā śaraṇaṃ nāsti tvamēva śaraṇaṃ mama | sutaṃ dēhi śriyaṃ dēhi śriyaṃ putraṃ pradēhi mē || 23 || yaśōdāstanyapānajñaṃ pibaṃtaṃ yadunaṃdanam | vaṃdē’haṃ putralābhārthaṃ kapilākṣaṃ hariṃ sadā || 24 || naṃdanaṃdana dēvēśa naṃdanaṃ dēhi mē prabhō | ramāpatē vāsudēva śriyaṃ putraṃ jagatpatē || 25 || putraṃ śriyaṃ śriyaṃ putraṃ putraṃ mē dēhi mādhava | asmākaṃ dīnavākyasya avadhāraya śrīpatē || 26 || gōpālaḍiṃbha gōviṃda vāsudēva ramāpatē | asmākaṃ ḍiṃbhakaṃ dēhi śriyaṃ dēhi jagatpatē || 27 || madvāṃchitaphalaṃ dēhi dēvakīnaṃdanācyuta | mama putrārthitaṃ dhanyaṃ kuruṣva yadunaṃdana || 28 || yācē’haṃ tvāṃ śriyaṃ putraṃ dēhi mē putrasaṃpadam | bhaktaciṃtāmaṇē rāma kalpavṛkṣa mahāprabhō || 29 || ātmajaṃ naṃdanaṃ putraṃ kumāraṃ ḍiṃbhakaṃ sutam | arbhakaṃ tanayaṃ dēhi sadā mē raghunaṃdana || 30 || vaṃdē saṃtānagōpālaṃ mādhavaṃ bhaktakāmadam | asmākaṃ putrasaṃprāptyai sadā gōviṃdamacyutam || 31 || ōṃkārayuktaṃ gōpālaṃ śrīyuktaṃ yadunaṃdanam | klīṃyuktaṃ dēvakīputraṃ namāmi yadunāyakam || 32 || vāsudēva mukuṃdēśa gōviṃda mādhavācyuta | dēhi mē tanayaṃ kṛṣṇa ramānātha mahāprabhō || 33 || rājīvanētra gōviṃda kapilākṣa harē prabhō | samasta kāmyavarada dēhi mē tanayaṃ sadā || 34 || abjapadmanibha padmabṛṃdarūpa jagatpatē | dēhi mē varasatputraṃ rūpanāyaka mādhava || 35 || naṃdapāla dharāpāla gōviṃda yadunaṃdana | dēhi mē tanayaṃ kṛṣṇa rukmiṇīvallabha prabhō || 36 || dāsamaṃdāra gōviṃda mukuṃda mādhavācyuta | gōpāla puṃḍarīkākṣa dēhi mē tanayaṃ śriyam || 37 || yadunāyaka padmēśa naṃdagōpavadhūsuta | dēhi mē tanayaṃ kṛṣṇa śrīdhara prāṇanāyaka || 38 || asmākaṃ vāṃchitaṃ dēhi dēhi putraṃ ramāpatē | bhagavan kṛṣṇa sarvēśa vāsudēva jagatpatē || 39 || ramāhṛdayasaṃbhāra satyabhāmāmanaḥpriya | dēhi mē tanayaṃ kṛṣṇa rukmiṇīvallabha prabhō || 40 || caṃdrasūryākṣa gōviṃda puṃḍarīkākṣa mādhava | asmākaṃ bhāgyasatputraṃ dēhi dēva jagatpatē || 41 || kāruṇyarūpa padmākṣa padmanābhasamarcita | dēhi mē tanayaṃ kṛṣṇa dēvakīnaṃdanaṃdana || 42 || dēvakīsuta śrīnātha vāsudēva jagatpatē | samastakāmaphalada dēhi mē tanayaṃ sadā || 43 || bhaktamaṃdāra gaṃbhīra śaṃkarācyuta mādhava | dēhi mē tanayaṃ gōpabālavatsala śrīpatē || 44 || śrīpatē vāsudēvēśa dēvakīpriyanaṃdana | bhaktamaṃdāra mē dēhi tanayaṃ jagatāṃ prabhō || 45 || jagannātha ramānātha bhūminātha dayānidhē | vāsudēvēśa sarvēśa dēhi mē tanayaṃ prabhō || 46 || śrīnātha kamalapatrākṣa vāsudēva jagatpatē | dēhi mē tanayaṃ kṛṣṇa tvāmahaṃ śaraṇaṃ gataḥ || 47 || dāsamaṃdāra gōviṃda bhaktaciṃtāmaṇē prabhō | dēhi mē tanayaṃ kṛṣṇa tvāmahaṃ śaraṇaṃ gataḥ || 48 || gōviṃda puṃḍarīkākṣa ramānātha mahāprabhō | dēhi mē tanayaṃ kṛṣṇa tvāmahaṃ śaraṇaṃ gataḥ || 49 || śrīnātha kamalapatrākṣa gōviṃda madhusūdana | matputraphalasiddhyarthaṃ bhajāmi tvāṃ janārdana || 50 || stanyaṃ pibaṃtaṃ jananīmukhāṃbujaṃ vilōkya maṃdasmitamujjvalāṃgam | spṛśaṃtamanyastanamaṃguḷībhiḥ vaṃdē yaśōdāṃkagataṃ mukuṃdam || 51 || yācē’haṃ putrasaṃtānaṃ bhavaṃtaṃ padmalōcana | dēhi mē tanayaṃ kṛṣṇa tvāmahaṃ śaraṇaṃ gataḥ || 52 || asmākaṃ putrasaṃpattēściṃtayāmi jagatpatē | śīghraṃ mē dēhi dātavyaṃ bhavatā munivaṃdita || 53 || vāsudēva jagannātha śrīpatē puruṣōttama | kuru māṃ putradattaṃ ca kṛṣṇa dēvēṃdrapūjita || 54 || kuru māṃ putradattaṃ ca yaśōdāpriyanaṃdana | mahyaṃ ca putrasaṃtānaṃ dātavyaṃ bhavatā harē || 55 || vāsudēva jagannātha gōviṃda dēvakīsuta | dēhi mē tanayaṃ rāma kausalyāpriyanaṃdana || 56 || padmapatrākṣa gōviṃda viṣṇō vāmana mādhava | dēhi mē tanayaṃ sītāprāṇanāyaka rāghava || 57 || kaṃjākṣa kṛṣṇa dēvēṃdramaṃḍita munivaṃdita | lakṣmaṇāgraja śrīrāma dēhi mē tanayaṃ sadā || 58 || dēhi mē tanayaṃ rāma daśarathapriyanaṃdana | sītānāyaka kaṃjākṣa mucukuṃdavaraprada || 59 || vibhīṣaṇasya yā laṃkā pradattā bhavatā purā | asmākaṃ tatprakārēṇa tanayaṃ dēhi mādhava || 60 || bhavadīyapadāṃbhōjē ciṃtayāmi niraṃtaram | dēhi mē tanayaṃ sītāprāṇavallabha rāghava || 61 || rāma matkāmyavarada putrōtpattiphalaprada | dēhi mē tanayaṃ śrīśa kamalāsanavaṃdita || 62 || rāma rāghava sītēśa lakṣmaṇānuja dēhi mē | bhāgyavat putrasaṃtānaṃ daśarathātmaja śrīpatē || 63 || dēvakīgarbhasaṃjāta yaśōdāpriyanaṃdana | dēhi mē tanayaṃ rāma kṛṣṇa gōpāla mādhava || 64 || kṛṣṇa mādhava gōviṃda vāmanācyuta śaṃkara | dēhi mē tanayaṃ śrīśa gōpabālakanāyaka || 65 || gōpabāla mahādhanya gōviṃdācyuta mādhava | dēhi mē tanayaṃ kṛṣṇa vāsudēva jagatpatē || 66 || diśatu diśatu putraṃ dēvakīnaṃdanō’yaṃ diśatu diśatu śīghraṃ bhāgyavat putralābham | diśatu diśatu śrīśō rāghavō rāmacaṃdrō diśatu diśatu putraṃ vaṃśavistārahētōḥ || 67 || dīyatāṃ vāsudēvēna tanayō mat priyaḥ sutaḥ | kumārō naṃdanaḥ sītānāyakēna sadā mama || 68 || rāma rāghava gōviṃda dēvakīsuta mādhava | dēhi mē tanayaṃ śrīśa gōpabālakanāyaka || 69 || vaṃśavistārakaṃ putraṃ dēhi mē madhusūdana | sutaṃ dēhi sutaṃ dēhi tvāmahaṃ śaraṇaṃ gataḥ || 70 || mamābhīṣṭa sutaṃ dēhi kaṃsārē mādhavācyuta | sutaṃ dēhi sutaṃ dēhi tvāmahaṃ śaraṇaṃ gataḥ || 71 || caṃdrārkakalpaparyaṃtaṃ tanayaṃ dēhi mādhava | sutaṃ dēhi sutaṃ dēhi tvāmahaṃ śaraṇaṃ gataḥ || 72 || vidyāvaṃtaṃ buddhimaṃtaṃ śrīmaṃtaṃ tanayaṃ sadā | dēhi mē tanayaṃ kṛṣṇa dēvakīnaṃdana prabhō || 73 || namāmi tvāṃ padmanētra sutalābhāya kāmadam | mukuṃdaṃ puṃḍarīkākṣaṃ gōviṃdaṃ madhusūdanam || 74 || bhagavan kṛṣṇa gōviṃda sarvakāmaphalaprada | dēhi mē tanayaṃ svāmin tvāmahaṃ śaraṇaṃ gataḥ || 75 || svāmin tvaṃ bhagavan rāma kṛṣṇa mādhava kāmada | dēhi mē tanayaṃ nityaṃ tvāmahaṃ śaraṇaṃ gataḥ || 76 || tanayaṃ dēhi gōviṃda kaṃjākṣa kamalāpatē | sutaṃ dēhi sutaṃ dēhi tvāmahaṃ śaraṇaṃ gataḥ || 77 || padmāpatē padmanētra pradyumnajanaka prabhō | sutaṃ dēhi sutaṃ dēhi tvāmahaṃ śaraṇaṃ gataḥ || 78 || śaṃkha cakra gadā khaḍga śārṅgapāṇē ramāpatē | dēhi mē tanayaṃ kṛṣṇa tvāmahaṃ śaraṇaṃ gataḥ || 79 || nārāyaṇa ramānātha rājīvapatralōcana | sutaṃ mē dēhi dēvēśa padmapadmānuvaṃdita || 80 || rāma mādhava gōviṃda dēvakīvaranaṃdana | rukmiṇīnātha sarvēśa nāradādisurārcita || 81 || dēvakīsuta gōviṃda vāsudēva jagatpatē | dēhi mē tanayaṃ śrīśa gōpabālakanāyaka || 82 || munivaṃdita gōviṃda rukmiṇīvallabha prabhō | dēhi mē tanayaṃ kṛṣṇa tvāmahaṃ śaraṇaṃ gataḥ || 83 || gōpikārjitapaṃkējamaraṃdāsaktamānasa | dēhi mē tanayaṃ kṛṣṇa tvāmahaṃ śaraṇaṃ gataḥ || 84 || ramāhṛdayapaṃkējalōla mādhava kāmada | mamābhīṣṭa sutaṃ dēhi tvāmahaṃ śaraṇaṃ gataḥ || 85 || vāsudēva ramānātha dāsānāṃ maṃgaḷaprada | dēhi mē tanayaṃ kṛṣṇa tvāmahaṃ śaraṇaṃ gataḥ || 86 || kaḷyāṇaprada gōviṃda murārē munivaṃdita | dēhi mē tanayaṃ kṛṣṇa tvāmahaṃ śaraṇaṃ gataḥ || 87 || putraprada mukuṃdēśa rukmiṇīvallabha prabhō | dēhi mē tanayaṃ kṛṣṇa tvāmahaṃ śaraṇaṃ gataḥ || 88 || puṃḍarīkākṣa gōviṃda vāsudēva jagatpatē | dēhi mē tanayaṃ kṛṣṇa tvāmahaṃ śaraṇaṃ gataḥ || 89 || dayānidhē vāsudēva mukuṃda munivaṃdita | dēhi mē tanayaṃ kṛṣṇa tvāmahaṃ śaraṇaṃ gataḥ || 90 || putrasaṃpatpradātāraṃ gōviṃdaṃ dēvapūjitam | vaṃdāmahē sadā kṛṣṇaṃ putralābhapradāyinam || 91 || kāruṇyanidhayē gōpīvallabhāya murārayē | namastē putralābhārthaṃ dēhi mē tanayaṃ vibhō || 92 || namastasmai ramēśāya rukmiṇīvallabhāya tē | dēhi mē tanayaṃ śrīśa gōpabālakanāyaka || 93 || namastē vāsudēvāya nityaśrīkāmukāya ca | putradāya ca sarpēṃdraśāyinē raṃgaśāyinē || 94 || raṃgaśāyin ramānātha maṃgaḷaprada mādhava | dēhi mē tanayaṃ śrīśa gōpabālakanāyaka || 95 || dāsasya mē sutaṃ dēhi dīnamaṃdāra rāghava | sutaṃ dēhi sutaṃ dēhi putraṃ dēhi ramāpatē || 96 || yaśōdātanayābhīṣṭa putradānarataḥ sadā | dēhi mē tanayaṃ kṛṣṇa tvāmahaṃ śaraṇaṃ gataḥ || 97 || madiṣṭadēva gōviṃda vāsudēva janārdana | dēhi mē tanayaṃ kṛṣṇa tvāmahaṃ śaraṇaṃ gataḥ || 98 || nītimān dhanavān putrō vidyāvāṃśca prajāpatē | bhagavaṃstvat kṛpāyāśca vāsudēvēṃdrapūjita || 99 || yaḥ paṭhēt putraśatakaṃ sō’pi satputravān bhavēt | śrīvāsudēvakathitaṃ stōtraratnaṃ sukhāya ca || 100 || japakālē paṭhēnnityaṃ putralābhaṃ dhanaṃ śriyam | aiśvaryaṃ rājasammānaṃ sadyō yāti na saṃśayaḥ || 101 || iti śrī saṃtāna gōpāla stōtram ||

శ్రీశం కమలపత్రాక్షం దేవకీనందనం హరిమ్ | సుతసంప్రాప్తయే కృష్ణం నమామి మధుసూదనమ్ || ౧ || నమామ్యహం వాసుదేవం సుతసంప్రాప్తయే హరిమ్ | యశోదాంకగతం బాలం గోపాలం నందనందనమ్ || ౨ || అస్మాకం పుత్రలాభాయ గోవిందం మునివందితమ్ | నమామ్యహం వాసుదేవం దేవకీనందనం సదా || ౩ || గోపాలం డింభకం వందే కమలాపతిమచ్యుతమ్ | పుత్రసంప్రాప్తయే కృష్ణం నమామి యదుపుంగవమ్ || ౪ || పుత్రకామేష్టిఫలదం కంజాక్షం కమలాపతిమ్ | దేవకీనందనం వందే సుత సంప్రాప్తయే మమ || ౫ || పద్మాపతే పద్మనేత్ర పద్మనాభ జనార్దన | దేహి మే తనయం శ్రీశ వాసుదేవ జగత్పతే || ౬ || యశోదాంకగతం బాలం గోవిందం మునివందితమ్ | అస్మాకం పుత్ర లాభాయ నమామి శ్రీశమచ్యుతమ్ || ౭ || శ్రీపతే దేవదేవేశ దీనార్తిర్హరణాచ్యుత | గోవింద మే సుతం దేహి నమామి త్వాం జనార్దన || ౮ || భక్తకామద గోవింద భక్తరక్ష శుభప్రద | దేహి మే తనయం కృష్ణ రుక్మిణీవల్లభ ప్రభో || ౯ || రుక్మిణీనాథ సర్వేశ దేహి మే తనయం సదా | భక్తమందార పద్మాక్ష త్వామహం శరణం గతః || ౧౦ || దేవకీసుత గోవింద వాసుదేవ జగత్పతే | దేహి మే తనయం కృష్ణ త్వామహం శరణం గతః || ౧౧ || వాసుదేవ జగద్వంద్య శ్రీపతే పురుషోత్తమ | దేహి మే తనయం కృష్ణ త్వామహం శరణం గతః || ౧౨ || కంజాక్ష కమలానాథ పరకారుణికోత్తమ | దేహి మే తనయం కృష్ణ త్వామహం శరణం గతః || ౧౩ || లక్ష్మీపతే పద్మనాభ ముకుంద మునివందిత | దేహి మే తనయం కృష్ణ త్వామహం శరణం గతః || ౧౪ || కార్యకారణరూపాయ వాసుదేవాయ తే సదా | నమామి పుత్రలాభార్థం సుఖదాయ బుధాయ తే || ౧౫ || రాజీవనేత్ర శ్రీరామ రావణారే హరే కవే | తుభ్యం నమామి దేవేశ తనయం దేహి మే హరే || ౧౬ || అస్మాకం పుత్రలాభాయ భజామి త్వాం జగత్పతే | దేహి మే తనయం కృష్ణ వాసుదేవ రమాపతే || ౧౭ || శ్రీమానినీమానచోర గోపీవస్త్రాపహారక | దేహి మే తనయం కృష్ణ వాసుదేవ జగత్పతే || ౧౮ || అస్మాకం పుత్రసంప్రాప్తిం కురుష్వ యదునందన | రమాపతే వాసుదేవ ముకుంద మునివందిత || ౧౯ || వాసుదేవ సుతం దేహి తనయం దేహి మాధవ | పుత్రం మే దేహి శ్రీకృష్ణ వత్సం దేహి మహాప్రభో || ౨౦ || డింభకం దేహి శ్రీకృష్ణ ఆత్మజం దేహి రాఘవ | భక్తమందార మే దేహి తనయం నందనందన || ౨౧ || నందనం దేహి మే కృష్ణ వాసుదేవ జగత్పతే | కమలానాథ గోవింద ముకుంద మునివందిత || ౨౨ || అన్యథా శరణం నాస్తి త్వమేవ శరణం మమ | సుతం దేహి శ్రియం దేహి శ్రియం పుత్రం ప్రదేహి మే || ౨౩ || యశోదాస్తన్యపానజ్ఞం పిబంతం యదునందనమ్ | వందేఽహం పుత్రలాభార్థం కపిలాక్షం హరిం సదా || ౨౪ || నందనందన దేవేశ నందనం దేహి మే ప్రభో | రమాపతే వాసుదేవ శ్రియం పుత్రం జగత్పతే || ౨౫ || పుత్రం శ్రియం శ్రియం పుత్రం పుత్రం మే దేహి మాధవ | అస్మాకం దీనవాక్యస్య అవధారయ శ్రీపతే || ౨౬ || గోపాలడింభ గోవింద వాసుదేవ రమాపతే | అస్మాకం డింభకం దేహి శ్రియం దేహి జగత్పతే || ౨౭ || మద్వాంఛితఫలం దేహి దేవకీనందనాచ్యుత | మమ పుత్రార్థితం ధన్యం కురుష్వ యదునందన || ౨౮ || యాచేఽహం త్వాం శ్రియం పుత్రం దేహి మే పుత్రసంపదమ్ | భక్తచింతామణే రామ కల్పవృక్ష మహాప్రభో || ౨౯ || ఆత్మజం నందనం పుత్రం కుమారం డింభకం సుతమ్ | అర్భకం తనయం దేహి సదా మే రఘునందన || ౩౦ || వందే సంతానగోపాలం మాధవం భక్తకామదమ్ | అస్మాకం పుత్రసంప్రాప్త్యై సదా గోవిందమచ్యుతమ్ || ౩౧ || ఓంకారయుక్తం గోపాలం శ్రీయుక్తం యదునందనమ్ | క్లీంయుక్తం దేవకీపుత్రం నమామి యదునాయకమ్ || ౩౨ || వాసుదేవ ముకుందేశ గోవింద మాధవాచ్యుత | దేహి మే తనయం కృష్ణ రమానాథ మహాప్రభో || ౩౩ || రాజీవనేత్ర గోవింద కపిలాక్ష హరే ప్రభో | సమస్త కామ్యవరద దేహి మే తనయం సదా || ౩౪ || అబ్జపద్మనిభ పద్మబృందరూప జగత్పతే | దేహి మే వరసత్పుత్రం రూపనాయక మాధవ || ౩౫ || నందపాల ధరాపాల గోవింద యదునందన | దేహి మే తనయం కృష్ణ రుక్మిణీవల్లభ ప్రభో || ౩౬ || దాసమందార గోవింద ముకుంద మాధవాచ్యుత | గోపాల పుండరీకాక్ష దేహి మే తనయం శ్రియమ్ || ౩౭ || యదునాయక పద్మేశ నందగోపవధూసుత | దేహి మే తనయం కృష్ణ శ్రీధర ప్రాణనాయక || ౩౮ || అస్మాకం వాంఛితం దేహి దేహి పుత్రం రమాపతే | భగవన్ కృష్ణ సర్వేశ వాసుదేవ జగత్పతే || ౩౯ || రమాహృదయసంభార సత్యభామామనఃప్రియ | దేహి మే తనయం కృష్ణ రుక్మిణీవల్లభ ప్రభో || ౪౦ || చంద్రసూర్యాక్ష గోవింద పుండరీకాక్ష మాధవ | అస్మాకం భాగ్యసత్పుత్రం దేహి దేవ జగత్పతే || ౪౧ || కారుణ్యరూప పద్మాక్ష పద్మనాభసమర్చిత | దేహి మే తనయం కృష్ణ దేవకీనందనందన || ౪౨ || దేవకీసుత శ్రీనాథ వాసుదేవ జగత్పతే | సమస్తకామఫలద దేహి మే తనయం సదా || ౪౩ || భక్తమందార గంభీర శంకరాచ్యుత మాధవ | దేహి మే తనయం గోపబాలవత్సల శ్రీపతే || ౪౪ || శ్రీపతే వాసుదేవేశ దేవకీప్రియనందన | భక్తమందార మే దేహి తనయం జగతాం ప్రభో || ౪౫ || జగన్నాథ రమానాథ భూమినాథ దయానిధే | వాసుదేవేశ సర్వేశ దేహి మే తనయం ప్రభో || ౪౬ || శ్రీనాథ కమలపత్రాక్ష వాసుదేవ జగత్పతే | దేహి మే తనయం కృష్ణ త్వామహం శరణం గతః || ౪౭ || దాసమందార గోవింద భక్తచింతామణే ప్రభో | దేహి మే తనయం కృష్ణ త్వామహం శరణం గతః || ౪౮ || గోవింద పుండరీకాక్ష రమానాథ మహాప్రభో | దేహి మే తనయం కృష్ణ త్వామహం శరణం గతః || ౪౯ || శ్రీనాథ కమలపత్రాక్ష గోవింద మధుసూదన | మత్పుత్రఫలసిద్ధ్యర్థం భజామి త్వాం జనార్దన || ౫౦ || స్తన్యం పిబంతం జననీముఖాంబుజం విలోక్య మందస్మితముజ్జ్వలాంగమ్ | స్పృశంతమన్యస్తనమంగుళీభిః వందే యశోదాంకగతం ముకుందమ్ || ౫౧ || యాచేఽహం పుత్రసంతానం భవంతం పద్మలోచన | దేహి మే తనయం కృష్ణ త్వామహం శరణం గతః || ౫౨ || అస్మాకం పుత్రసంపత్తేశ్చింతయామి జగత్పతే | శీఘ్రం మే దేహి దాతవ్యం భవతా మునివందిత || ౫౩ || వాసుదేవ జగన్నాథ శ్రీపతే పురుషోత్తమ | కురు మాం పుత్రదత్తం చ కృష్ణ దేవేంద్రపూజిత || ౫౪ || కురు మాం పుత్రదత్తం చ యశోదాప్రియనందన | మహ్యం చ పుత్రసంతానం దాతవ్యం భవతా హరే || ౫౫ || వాసుదేవ జగన్నాథ గోవింద దేవకీసుత | దేహి మే తనయం రామ కౌసల్యాప్రియనందన || ౫౬ || పద్మపత్రాక్ష గోవింద విష్ణో వామన మాధవ | దేహి మే తనయం సీతాప్రాణనాయక రాఘవ || ౫౭ || కంజాక్ష కృష్ణ దేవేంద్రమండిత మునివందిత | లక్ష్మణాగ్రజ శ్రీరామ దేహి మే తనయం సదా || ౫౮ || దేహి మే తనయం రామ దశరథప్రియనందన | సీతానాయక కంజాక్ష ముచుకుందవరప్రద || ౫౯ || విభీషణస్య యా లంకా ప్రదత్తా భవతా పురా | అస్మాకం తత్ప్రకారేణ తనయం దేహి మాధవ || ౬౦ || భవదీయపదాంభోజే చింతయామి నిరంతరమ్ | దేహి మే తనయం సీతాప్రాణవల్లభ రాఘవ || ౬౧ || రామ మత్కామ్యవరద పుత్రోత్పత్తిఫలప్రద | దేహి మే తనయం శ్రీశ కమలాసనవందిత || ౬౨ || రామ రాఘవ సీతేశ లక్ష్మణానుజ దేహి మే | భాగ్యవత్ పుత్రసంతానం దశరథాత్మజ శ్రీపతే || ౬౩ || దేవకీగర్భసంజాత యశోదాప్రియనందన | దేహి మే తనయం రామ కృష్ణ గోపాల మాధవ || ౬౪ || కృష్ణ మాధవ గోవింద వామనాచ్యుత శంకర | దేహి మే తనయం శ్రీశ గోపబాలకనాయక || ౬౫ || గోపబాల మహాధన్య గోవిందాచ్యుత మాధవ | దేహి మే తనయం కృష్ణ వాసుదేవ జగత్పతే || ౬౬ || దిశతు దిశతు పుత్రం దేవకీనందనోఽయం దిశతు దిశతు శీఘ్రం భాగ్యవత్ పుత్రలాభమ్ | దిశతు దిశతు శ్రీశో రాఘవో రామచంద్రో దిశతు దిశతు పుత్రం వంశవిస్తారహేతోః || ౬౭ || దీయతాం వాసుదేవేన తనయో మత్ ప్రియః సుతః | కుమారో నందనః సీతానాయకేన సదా మమ || ౬౮ || రామ రాఘవ గోవింద దేవకీసుత మాధవ | దేహి మే తనయం శ్రీశ గోపబాలకనాయక || ౬౯ || వంశవిస్తారకం పుత్రం దేహి మే మధుసూదన | సుతం దేహి సుతం దేహి త్వామహం శరణం గతః || ౭౦ || మమాభీష్ట సుతం దేహి కంసారే మాధవాచ్యుత | సుతం దేహి సుతం దేహి త్వామహం శరణం గతః || ౭౧ || చంద్రార్కకల్పపర్యంతం తనయం దేహి మాధవ | సుతం దేహి సుతం దేహి త్వామహం శరణం గతః || ౭౨ || విద్యావంతం బుద్ధిమంతం శ్రీమంతం తనయం సదా | దేహి మే తనయం కృష్ణ దేవకీనందన ప్రభో || ౭౩ || నమామి త్వాం పద్మనేత్ర సుతలాభాయ కామదమ్ | ముకుందం పుండరీకాక్షం గోవిందం మధుసూదనమ్ || ౭౪ || భగవన్ కృష్ణ గోవింద సర్వకామఫలప్రద | దేహి మే తనయం స్వామిన్ త్వామహం శరణం గతః || ౭౫ || స్వామిన్ త్వం భగవన్ రామ కృష్ణ మాధవ కామద | దేహి మే తనయం నిత్యం త్వామహం శరణం గతః || ౭౬ || తనయం దేహి గోవింద కంజాక్ష కమలాపతే | సుతం దేహి సుతం దేహి త్వామహం శరణం గతః || ౭౭ || పద్మాపతే పద్మనేత్ర ప్రద్యుమ్నజనక ప్రభో | సుతం దేహి సుతం దేహి త్వామహం శరణం గతః || ౭౮ || శంఖ చక్ర గదా ఖడ్గ శార్ఙ్గపాణే రమాపతే | దేహి మే తనయం కృష్ణ త్వామహం శరణం గతః || ౭౯ || నారాయణ రమానాథ రాజీవపత్రలోచన | సుతం మే దేహి దేవేశ పద్మపద్మానువందిత || ౮౦ || రామ మాధవ గోవింద దేవకీవరనందన | రుక్మిణీనాథ సర్వేశ నారదాదిసురార్చిత || ౮౧ || దేవకీసుత గోవింద వాసుదేవ జగత్పతే | దేహి మే తనయం శ్రీశ గోపబాలకనాయక || ౮౨ || మునివందిత గోవింద రుక్మిణీవల్లభ ప్రభో | దేహి మే తనయం కృష్ణ త్వామహం శరణం గతః || ౮౩ || గోపికార్జితపంకేజమరందాసక్తమానస | దేహి మే తనయం కృష్ణ త్వామహం శరణం గతః || ౮౪ || రమాహృదయపంకేజలోల మాధవ కామద | మమాభీష్ట సుతం దేహి త్వామహం శరణం గతః || ౮౫ || వాసుదేవ రమానాథ దాసానాం మంగళప్రద | దేహి మే తనయం కృష్ణ త్వామహం శరణం గతః || ౮౬ || కళ్యాణప్రద గోవింద మురారే మునివందిత | దేహి మే తనయం కృష్ణ త్వామహం శరణం గతః || ౮౭ || పుత్రప్రద ముకుందేశ రుక్మిణీవల్లభ ప్రభో | దేహి మే తనయం కృష్ణ త్వామహం శరణం గతః || ౮౮ || పుండరీకాక్ష గోవింద వాసుదేవ జగత్పతే | దేహి మే తనయం కృష్ణ త్వామహం శరణం గతః || ౮౯ || దయానిధే వాసుదేవ ముకుంద మునివందిత | దేహి మే తనయం కృష్ణ త్వామహం శరణం గతః || ౯౦ || పుత్రసంపత్ప్రదాతారం గోవిందం దేవపూజితమ్ | వందామహే సదా కృష్ణం పుత్రలాభప్రదాయినమ్ || ౯౧ || కారుణ్యనిధయే గోపీవల్లభాయ మురారయే | నమస్తే పుత్రలాభార్థం దేహి మే తనయం విభో || ౯౨ || నమస్తస్మై రమేశాయ రుక్మిణీవల్లభాయ తే | దేహి మే తనయం శ్రీశ గోపబాలకనాయక || ౯౩ || నమస్తే వాసుదేవాయ నిత్యశ్రీకాముకాయ చ | పుత్రదాయ చ సర్పేంద్రశాయినే రంగశాయినే || ౯౪ || రంగశాయిన్ రమానాథ మంగళప్రద మాధవ | దేహి మే తనయం శ్రీశ గోపబాలకనాయక || ౯౫ || దాసస్య మే సుతం దేహి దీనమందార రాఘవ | సుతం దేహి సుతం దేహి పుత్రం దేహి రమాపతే || ౯౬ || యశోదాతనయాభీష్ట పుత్రదానరతః సదా | దేహి మే తనయం కృష్ణ త్వామహం శరణం గతః || ౯౭ || మదిష్టదేవ గోవింద వాసుదేవ జనార్దన | దేహి మే తనయం కృష్ణ త్వామహం శరణం గతః || ౯౮ || నీతిమాన్ ధనవాన్ పుత్రో విద్యావాంశ్చ ప్రజాపతే | భగవంస్త్వత్ కృపాయాశ్చ వాసుదేవేంద్రపూజిత || ౯౯ || యః పఠేత్ పుత్రశతకం సోఽపి సత్పుత్రవాన్ భవేత్ | శ్రీవాసుదేవకథితం స్తోత్రరత్నం సుఖాయ చ || ౧౦౦ || జపకాలే పఠేన్నిత్యం పుత్రలాభం ధనం శ్రియమ్ | ఐశ్వర్యం రాజసమ్మానం సద్యో యాతి న సంశయః || ౧౦౧ || ఇతి శ్రీ సంతాన గోపాల స్తోత్రమ్ ||