Bala Mukundashtakam

karāraviṃdēna padāraviṃdaṃ mukhāraviṃdē vinivēśayaṃtam | vaṭasya patrasya puṭē śayānaṃ bālaṃ mukuṃdaṃ manasā smarāmi || 1 || saṃhṛtya lōkān vaṭapatramadhyē śayānamādyaṃtavihīnarūpam | sarvēśvaraṃ sarvahitāvatāraṃ bālaṃ mukuṃdaṃ manasā smarāmi || 2 || iṃdīvaraśyāmalakōmalāṃgaṃ iṃdrādidēvārcitapādapadmam | saṃtānakalpadrumamāśritānāṃ bālaṃ mukuṃdaṃ manasā smarāmi || 3 || laṃbālakaṃ laṃbitahārayaṣṭiṃ śṛṃgāralīlāṃkitadaṃtapaṃktim | biṃbādharaṃ cāruviśālanētraṃ bālaṃ mukuṃdaṃ manasā smarāmi || 4 || śikyē nidhāyādya payōdadhīni bahirgatāyāṃ vrajanāyikāyām | bhuktvā yathēṣṭaṃ kapaṭēna suptaṃ bālaṃ mukuṃdaṃ manasā smarāmi || 5 || kaliṃdajāṃtaḥ sthitakāliyasya phaṇāgraraṃgē naṭanapriyaṃ tam | tatpucchahastaṃ śaradiṃduvaktraṃ bālaṃ mukuṃdaṃ manasā smarāmi || 6 || ulūkhalē baddhamudāraśauryaṃ uttuṃgayugmārjunabhaṃgalīlam | utphullapadmāyatacārunētraṃ bālaṃ mukuṃdaṃ manasā smarāmi || 7 || ālōkya māturmukhamādarēṇa stanyaṃ pibaṃtaṃ sarasīruhākṣam | saccinmayaṃ dēvamanaṃtarūpaṃ bālaṃ mukuṃdaṃ manasā smarāmi || 8 || iti śrī bālamukuṃdāṣṭakam ||

కరారవిందేన పదారవిందం ముఖారవిందే వినివేశయంతమ్ | వటస్య పత్రస్య పుటే శయానం బాలం ముకుందం మనసా స్మరామి || ౧ || సంహృత్య లోకాన్ వటపత్రమధ్యే శయానమాద్యంతవిహీనరూపమ్ | సర్వేశ్వరం సర్వహితావతారం బాలం ముకుందం మనసా స్మరామి || ౨ || ఇందీవరశ్యామలకోమలాంగం ఇంద్రాదిదేవార్చితపాదపద్మమ్ | సంతానకల్పద్రుమమాశ్రితానాం బాలం ముకుందం మనసా స్మరామి || ౩ || లంబాలకం లంబితహారయష్టిం శృంగారలీలాంకితదంతపంక్తిమ్ | బింబాధరం చారువిశాలనేత్రం బాలం ముకుందం మనసా స్మరామి || ౪ || శిక్యే నిధాయాద్య పయోదధీని బహిర్గతాయాం వ్రజనాయికాయామ్ | భుక్త్వా యథేష్టం కపటేన సుప్తం బాలం ముకుందం మనసా స్మరామి || ౫ || కలిందజాంతః స్థితకాలియస్య ఫణాగ్రరంగే నటనప్రియం తమ్ | తత్పుచ్ఛహస్తం శరదిందువక్త్రం బాలం ముకుందం మనసా స్మరామి || ౬ || ఉలూఖలే బద్ధముదారశౌర్యం ఉత్తుంగయుగ్మార్జునభంగలీలమ్ | ఉత్ఫుల్లపద్మాయతచారునేత్రం బాలం ముకుందం మనసా స్మరామి || ౭ || ఆలోక్య మాతుర్ముఖమాదరేణ స్తన్యం పిబంతం సరసీరుహాక్షమ్ | సచ్చిన్మయం దేవమనంతరూపం బాలం ముకుందం మనసా స్మరామి || ౮ || ఇతి శ్రీ బాలముకుందాష్టకమ్ ||