Kanakadhara Stotram

വംദേ വംദാരു മംദാരമിംദിരാനംദ കംദലം അമംദാനംദ സംദോഹ ബംധുരം സിംധുരാനനമ് അംഗം ഹരേഃ പുലകഭൂഷണമാശ്രയംതീ ഭൃംഗാംഗനേവ മുകുലാഭരണം തമാലമ് । അംഗീകൃതാഖില വിഭൂതിരപാംഗലീലാ മാംഗല്യദാസ്തു മമ മംഗലദേവതായാഃ ॥ 1 ॥ മുഗ്ധാ മുഹുര്വിദധതീ വദനേ മുരാരേഃ പ്രേമത്രപാപ്രണിഹിതാനി ഗതാഗതാനി । മാലാദൃശോര്മധുകരീവ മഹോത്പലേ യാ സാ മേ ശ്രിയം ദിശതു സാഗര സംഭവാ യാഃ ॥ 2 ॥ ആമീലിതാക്ഷമധിഗ്യമ മുദാ മുകുംദമ് ആനംദകംദമനിമേഷമനംഗ തംത്രമ് । ആകേകരസ്ഥിതകനീനികപക്ഷ്മനേത്രം ഭൂത്യൈ ഭവന്മമ ഭുജംഗ ശയാംഗനാ യാഃ ॥ 3 ॥ ബാഹ്വംതരേ മധുജിതഃ ശ്രിതകൌസ്തുഭേ യാ ഹാരാവലീവ ഹരിനീലമയീ വിഭാതി । കാമപ്രദാ ഭഗവതോഽപി കടാക്ഷമാലാ കല്യാണമാവഹതു മേ കമലാലയാ യാഃ ॥ 4 ॥ കാലാംബുദാലി ലലിതോരസി കൈടഭാരേഃ ധാരാധരേ സ്ഫുരതി യാ തടിദംഗനേവ । മാതുസ്സമസ്തജഗതാം മഹനീയമൂര്തിഃ ഭദ്രാണി മേ ദിശതു ഭാര്ഗവനംദനാ യാഃ ॥ 5 ॥ പ്രാപ്തം പദം പ്രഥമതഃ ഖലു യത്പ്രഭാവാത് മാംഗല്യഭാജി മധുമാഥിനി മന്മഥേന । മയ്യാപതേത്തദിഹ മംഥരമീക്ഷണാര്ഥം മംദാലസം ച മകരാലയ കന്യകാ യാഃ ॥ 6 ॥ വിശ്വാമരേംദ്ര പദ വിഭ്രമ ദാനദക്ഷമ് ആനംദഹേതുരധികം മുരവിദ്വിഷോഽപി । ഈഷന്നിഷീദതു മയി ക്ഷണമീക്ഷണാര്ഥം ഇംദീവരോദര സഹോദരമിംദിരാ യാഃ ॥ 7 ॥ ഇഷ്ടാ വിശിഷ്ടമതയോപി യയാ ദയാര്ദ്ര ദൃഷ്ട്യാ ത്രിവിഷ്ടപപദം സുലഭം ലഭംതേ । ദൃഷ്ടിഃ പ്രഹൃഷ്ട കമലോദര ദീപ്തിരിഷ്ടാം പുഷ്ടിം കൃഷീഷ്ട മമ പുഷ്കര വിഷ്ടരാ യാഃ ॥ 8 ॥ ദദ്യാദ്ദയാനു പവനോ ദ്രവിണാംബുധാരാം അസ്മിന്നകിംചന വിഹംഗ ശിശൌ വിഷണ്ണേ । ദുഷ്കര്മഘര്മമപനീയ ചിരായ ദൂരം നാരായണ പ്രണയിനീ നയനാംബുവാഹഃ ॥ 9 ॥ ഗീര്ദേവതേതി ഗരുഡധ്വജ സുംദരീതി ശാകംബരീതി ശശിശേഖര വല്ലഭേതി । സൃഷ്ടി സ്ഥിതി പ്രലയ കേലിഷു സംസ്ഥിതായൈ തസ്യൈ നമസ്ത്രിഭുവനൈക ഗുരോസ്തരുണ്യൈ ॥ 10 ॥ ശ്രുത്യൈ നമോഽസ്തു ശുഭകര്മ ഫലപ്രസൂത്യൈ രത്യൈ നമോഽസ്തു രമണീയ ഗുണാര്ണവായൈ । ശക്ത്യൈ നമോഽസ്തു ശതപത്ര നികേതനായൈ പുഷ്ട്യൈ നമോഽസ്തു പുരുഷോത്തമ വല്ലഭായൈ ॥ 11 ॥ നമോഽസ്തു നാലീക നിഭാനനായൈ നമോഽസ്തു ദുഗ്ധോദധി ജന്മഭൂമ്യൈ । നമോഽസ്തു സോമാമൃത സോദരായൈ നമോഽസ്തു നാരായണ വല്ലഭായൈ ॥ 12 ॥ നമോഽസ്തു ഹേമാംബുജ പീഠികായൈ നമോഽസ്തു ഭൂമംഡല നായികായൈ । നമോഽസ്തു ദേവാദി ദയാപരായൈ നമോഽസ്തു ശാരംഗായുധ വല്ലഭായൈ ॥ 13 ॥ നമോഽസ്തു ദേവ്യൈ ഭൃഗുനംദനായൈ നമോഽസ്തു വിഷ്ണോരുരസി സ്ഥിതായൈ । നമോഽസ്തു ലക്ഷ്മ്യൈ കമലാലയായൈ നമോഽസ്തു ദാമോദര വല്ലഭായൈ ॥ 14 ॥ നമോഽസ്തു കാംത്യൈ കമലേക്ഷണായൈ നമോഽസ്തു ഭൂത്യൈ ഭുവനപ്രസൂത്യൈ । നമോഽസ്തു ദേവാദിഭിരര്ചിതായൈ നമോഽസ്തു നംദാത്മജ വല്ലഭായൈ ॥ 15 ॥ സംപത്കരാണി സകലേംദ്രിയ നംദനാനി സാമ്രാജ്യ ദാനവിഭവാനി സരോരുഹാക്ഷി । ത്വദ്വംദനാനി ദുരിതാ ഹരണോദ്യതാനി മാമേവ മാതരനിശം കലയംതു മാന്യേ ॥ 16 ॥ യത്കടാക്ഷ സമുപാസനാ വിധിഃ സേവകസ്യ സകലാര്ഥ സംപദഃ । സംതനോതി വചനാംഗ മാനസൈഃ ത്വാം മുരാരിഹൃദയേശ്വരീം ഭജേ ॥ 17 ॥ സരസിജനിലയേ സരോജഹസ്തേ ധവലതമാംശുക ഗംധമാല്യശോഭേ । ഭഗവതി ഹരിവല്ലഭേ മനോജ്ഞേ ത്രിഭുവനഭൂതികരീ പ്രസീദമഹ്യമ് ॥ 18 ॥ ദിഗ്ഘസ്തിഭിഃ കനക കുംഭമുഖാവസൃഷ്ട സ്വര്വാഹിനീ വിമലചാരുജലാപ്ലുതാംഗീമ് । പ്രാതര്നമാമി ജഗതാം ജനനീമശേഷ ലോകധിനാഥ ഗൃഹിണീമമൃതാബ്ധിപുത്രീമ് ॥ 19 ॥ കമലേ കമലാക്ഷ വല്ലഭേ ത്വം കരുണാപൂര തരംഗിതൈരപാംഗൈഃ । അവലോകയ മാമകിംചനാനാം പ്രഥമം പാത്രമകൃതിമം ദയായാഃ ॥ 20 ॥ ദേവി പ്രസീദ ജഗദീശ്വരി ലോകമാതഃ കല്യാണഗാത്രി കമലേക്ഷണ ജീവനാഥേ । ദാരിദ്ര്യഭീതിഹൃദയം ശരണാഗതം മാം ആലോകയ പ്രതിദിനം സദയൈരപാംഗൈഃ ॥ 21 ॥ സ്തുവംതി യേ സ്തുതിഭിരമീഭിരന്വഹം ത്രയീമയീം ത്രിഭുവനമാതരം രമാമ് । ഗുണാധികാ ഗുരുതുര ഭാഗ്യ ഭാഗിനഃ ഭവംതി തേ ഭുവി ബുധ ഭാവിതാശയാഃ ॥ 22 ॥