സംതാന ഗോപാല സ്തോത്രമ്

ഓം ഗോപാലായ വിദ്മഹേ ഗോപീജന വല്ലഭായ ധീമഹി । തന്നോ ഗോപാലഃ പ്രചോദയാത് ॥ ഓം ശ്രീം ഹ്രീം ക്ലീം ഗ്ലൌം ദേവകീ സുത ഗോവിംദ വാസുദേവ ജഗത്പതേ ദേഹി മേ തനയം കൃഷ്ണ ത്വാമഹം ശരണം ഗതഃ ॥ ഭൂര്ഭുവസ്സുവരോമ് । ഇതി ദിഗ്വിമോകഃ ॥ ശ്രീശം കമലപത്രാക്ഷം ദേവകീനംദനം ഹരിമ് । സുതസംപ്രാപ്തയേ കൃഷ്ണം നമാമി മധുസൂദനമ് ॥ 1 ॥ നമാമ്യഹം വാസുദേവം സുതസംപ്രാപ്തയേ ഹരിമ് । യശോദാംകഗതം ബാലം ഗോപാലം നംദനംദനമ് ॥ 2 ॥ അസ്മാകം പുത്രലാഭായ ഗോവിംദം മുനിവംദിതമ് । നമാമ്യഹം വാസുദേവം ദേവകീനംദനം സദാ ॥ 3 ॥ ഗോപാലം ഡിംഭകം വംദേ കമലാപതിമച്യുതമ് । പുത്രസംപ്രാപ്തയേ കൃഷ്ണം നമാമി യദുപുംഗവമ് ॥ 4 ॥ പുത്രകാമേഷ്ടി ഫലദം കംജാക്ഷം കമലാപതിമ് । ദേവകീനംദനം വംദേ സുതസംപ്രാപ്തയേ ത്വഹമ് (മമ) ॥ 5 ॥ പദ്മാപതേ പദ്മനേത്ര പദ്മനാഭ ജനാര്ദന । ദേഹി മേ തനയം ശ്രീശ വാസുദേവ ജഗത്പതേ ॥ 6 ॥ യശോദാംകഗതം ബാലം ഗോവിംദം മുനിവംദിതമ് । അനംത (അസ്മാകം) പുത്രലാഭായ നമാമി ശ്രീശമച്യുതമ് ॥ 7 ॥ ഭൂതകൃത്-ഭൂതഭൃദ്ഭാവോ ഭുതാത്മാ ഭൂതഭാവനഃ (ശ്രീപതേ ദേവദേവേശ ദീനാര്തിര്ഹരണാച്യുത) । ഗോവിംദ മേ സുതം ദേഹി നമാമി ത്വാം ജനാര്ദന ॥ 8 ॥ ഭക്തകാമദ ഗോവിംദ ഭക്തരക്ഷ ശുഭപ്രദ । ദേഹി മേ തനയം കൃഷ്ണ രുക്മിണീവല്ലഭ പ്രഭോ ॥ 9 ॥ രുക്മിണീനാഥ സർവേശ ദേഹി മേ തനയം സദാ । ഭക്തമംദാര പദ്മാക്ഷ ത്വാമഹം ശരണം ഗതഃ ॥ 10 ॥ ദേവകീസുത ഗോവിംദ വാസുദേവ ജഗത്പതേ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 11 ॥ വാസുദേവ ജഗദ്വംദ്യ ശ്രീപതേ പുരുഷോത്തമ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 12 ॥ കംജാക്ഷ കമലാനാഥ പരകാരുണികോത്തമ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 13 ॥ ലക്ഷ്മീപതേ പദ്മനാഭ മുകുംദ മുനിവംദിത । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 14 ॥ കാര്യകാരണരൂപായ വാസുദേവായ തേ സദാ । നമാമി പുത്രലാഭാര്ഥം സുഖദായ ബുധായ തേ ॥ 15 ॥ രാജീവനേത്ര ശ്രീരാമ രാവണാരേ ഹരേ കവേ । തുഭ്യം നമാമി ദേവേശ തനയം ദേഹി മേ ഹരേ ॥ 16 ॥ അനംത (അസ്മാകം) പുത്രലാഭായ ഭജാമി ത്വാം ജഗത്പതേ । ദേഹി മേ തനയം കൃഷ്ണ വാസുദേവ രമാപതേ ॥ 17 ॥ ശ്രീമാനിനീ മാനഹാരി (ശ്രീമാനിനീ മാനചോര) ഗോപീവസ്ത്രാപഹാരക । ദേഹി മേ തനയം കൃഷ്ണ വാസുദേവ ജഗത്പതേ ॥ 18 ॥ അസ്മാകം പുത്രസംപ്രാപ്തിം കുരുഷ്വ യദുനംദന । രമാപതേ വാസുദേവ മുകുംദ മുനിവംദിത ॥ 19 ॥ വാസുദേവ സുതം ദേഹി തനയം ദേഹി മാധവ । പുത്രം മേ ദേഹി ശ്രീകൃഷ്ണ വത്സം ദേഹി മഹാപ്രഭോ ॥ 20 ॥ ഡിംഭകം ദേഹി ശ്രീകൃഷ്ണ ആത്മജം ദേഹി രാഘവ । ഭക്തമംദാര മേ ദേഹി തനയം നംദനംദന ॥ 21 ॥ നംദനം ദേഹി മേ കൃഷ്ണ വാസുദേവ ജഗത്പതേ । കമലാനാഥ ഗോവിംദ മുകുംദ മുനിവംദിത ॥ 22 ॥ അന്യഥാ ശരണം നാസ്തി ത്വമേവ ശരണം മമ । സുതം ദേഹി ശ്രിയം ദേഹി ശ്രിയം പുത്രം പ്രദേഹി മേ ॥ 23 ॥ യശോദാസ്തന്യപാനജ്ഞം പിബംതം യദുനംദനമ് । വംദേഽഹം പുത്രലാഭാര്ഥം കപിലാക്ഷം ഹരിം സദാ ॥ 24 ॥ നംദനംദന ദേവേശ നംദനം ദേഹി മേ പ്രഭോ । രമാപതേ വാസുദേവ ശ്രിയം പുത്രം ജഗത്പതേ ॥ 25 ॥ പുത്രം ശ്രിയം ശ്രിയം പുത്രം പുത്രം മേ ദേഹി മാധവ । അസ്മാകം ദീനവാക്യം ച (ദീനവാക്യസ്യ) അവധാരയ ശ്രീപതേ ॥ 26 ॥ ഗോപാല ഡിംഭ ഗോവിംദ വാസുദേവ രമാപതേ । അസ്മാകം ഡിംഭകം ദേഹി ശ്രിയം ദേഹി ജഗത്പതേ ॥ 27 ॥ മദ്വാംഛിതഫലം ദേഹി ദേവകീനംദനാച്യുത । മാംദ (മമ) പുത്രാര്ഥിതം ധന്യം കുരുഷ്വ യദുനംദന ॥ 28 ॥ യാചേഽഹം ത്വാം ശ്രിയം പുത്രം ദേഹി മേ പുത്രസംപദമ് । ഭക്തചിംതാമണേ രാമ കല്പവൃക്ഷ മഹാപ്രഭോ ॥ 29 ॥ ആത്മജം നംദനം പുത്രം കുമാരം ഡിംഭകം സുതമ് । അര്ഭകം തനയം ദേഹി സദാ മേ രഘുനംദന ॥ 30 ॥ വംദേ സംതാനഗോപാലം മാധവം ഭക്തകാമദമ് । അസ്മാകം പുത്രസംപ്രാപ്ത്യൈ സദാ ഗോവിംദമച്യുതമ് ॥ 31 ॥ ഓംകാരയുക്തം ഗോപാലം ശ്രീയുക്തം യദുനംദനമ് । ക്ലീംയുക്തം ദേവകീപുത്രം നമാമി യദുനായകമ് ॥ 32 ॥ വാസുദേവ മുകുംദേശ ഗോവിംദ മാധവാച്യുത । ദേഹി മേ തനയം കൃഷ്ണ രമാനാഥ മഹാപ്രഭോ ॥ 33 ॥ രാജീവനേത്ര ഗോവിംദ കപിലാക്ഷ ഹരേ പ്രഭോ । സമസ്ത കാമ്യവരദ ദേഹി മേ തനയം സദാ ॥ 34 ॥ പദ്മനാഭ ശ്യാമപദ്മ ബൃംദരൂപ ജഗദ്പതേ (അബ്ജപദ്മനിഭ പദ്മവൃംദരൂപ ജഗത്പതേ) । സത്പുത്രം (വരസത്പുത്രം) ദേഹി മേ ദേവ രമാനായക (രൂപനായക) മാധവ ॥ 35 ॥ നംദപാല ധരാപാല ഗോവിംദ യദുനംദന । ദേഹി മേ തനയം കൃഷ്ണ രുക്മിണീവല്ലഭ പ്രഭോ ॥ 36 ॥ ദാസമംദാര ഗോവിംദ മുകുംദ മാധവാച്യുത । ഗോപാല പുംഡരീകാക്ഷ ദേഹി മേ തനയം ശ്രിയമ് ॥ 37 ॥ യദുനായക പദ്മേശ നംദഗോപവധൂസുത । ദേഹി മേ തനയം കൃഷ്ണ ശ്രീരാധ (ശ്രീധര) പ്രാണനായക ॥ 38 ॥ അസ്മാകം വാംഛിതം ദേഹി ദേഹി പുത്രം രമാപതേ । സ്തുവദാമ് (ഭഗവന്) കൃഷ്ണ സർവേശ വാസുദേവ ജഗത്പതേ ॥ 39 ॥ രമാഹൃദയസംഭാര സത്യഭാമാമനഃപ്രിയ । ദേഹി മേ തനയം കൃഷ്ണ രുക്മിണീവല്ലഭ പ്രഭോ ॥ 40 ॥ ചംദ്രസൂര്യാക്ഷ ഗോവിംദ പുംഡരീകാക്ഷ മാധവ । അസ്മാകം ഭാഗ്യസത്പുത്രം ദേഹി ദേവ ജഗത്പതേ ॥ 41 ॥ കാരുണ്യരൂപ പദ്മാക്ഷ പദ്മനാഭ-സമര്ചിത । ദേഹി മേ തനയം കൃഷ്ണ ദേവകീനംദനംദന ॥ 42 ॥ ദേവകീസുത ശ്രീനാഥ വാസുദേവ ജഗത്പതേ । സമസ്തകാമഫലദ ദേഹി മേ തനയം സദാ ॥ 43 ॥ ഭക്തമംദാര ഗംഭീര ശംകരാച്യുത മാധവ । ദേഹി മേ തനയം ഗോപ-ബാലവത്സല രമാപതേ (ശ്രീപതേ) ॥ 44 ॥ ശ്രീപതേ വാസുദേവേശ ദേവകീപ്രിയനംദന । ഭക്തമംദാര മേ ദേഹി തനയം ജഗതാം പ്രഭോ ॥ 45 ॥ ജഗന്നാഥ രമാനാഥ ഭൂമിനാഥ ദയാനിധേ । വാസുദേവേശ സർവേശ ദേഹി മേ തനയം പ്രഭോ ॥ 46 ॥ ശ്രീനാഥ കമലപത്രാക്ഷ വാസുദേവ ജഗത്പതേ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 47 ॥ ദാസമംദാര ഗോവിംദ ഭക്തചിംതാമണേ പ്രഭോ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 48 ॥ ഗോവിംദ പുംഡരീകാക്ഷ രമാനാഥ മഹാപ്രഭോ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 49 ॥ ശ്രീനാഥ കമലപത്രാക്ഷ ഗോവിംദ മധുസൂദന । സത്പുത്രഫല (മത്പുത്രഫല)-സിദ്ധ്യര്ഥം ഭജാമി ത്വാം ജനാര്ദന ॥ 50 ॥ സ്തന്യം പിബംതം ജനനീമുഖാംബുജം വിലോക്യ മംദസ്മിതമുജ്ജ്വലാംഗമ് । സ്പൃശംതമന്യസ്തനമംഗുലീഭിഃ വംദേ യശോദാംകഗതം മുകുംദമ് ॥ 51 ॥ യാചേഽഹം പുത്രസംതാനം ഭവംതം പദ്മലോചന । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 52 ॥ അസ്മാകം പുത്രസംപത്തേ-ശ്ചിംതയാമി ജഗത്പതേ । ശീഘ്രം മേ ദേഹി ദാതവ്യം ഭവതാ മുനിവംദിത ॥ 53 ॥ വാസുദേവ ജഗന്നാഥ ശ്രീപതേ പുരുഷോത്തമ । കുരു മാം പുത്രദത്തം ച കൃഷ്ണ ദേവേംദ്രപൂജിതഃ ॥ 54 ॥ കുരു മാം പുത്രദത്തം ച യശോദാപ്രിയനംദന । മഹ്യം ച പുത്രസംതാനം ദാതവ്യം ഭവതാ ഹരേ ॥ 55 ॥ വാസുദേവ ജഗന്നാഥ ഗോവിംദ ദേവകീസുത । ദേഹി മേ തനയം രാമ കൌസല്യാപ്രിയനംദന ॥ 56 ॥ പദ്മപത്രാക്ഷ ഗോവിംദ വിഷ്ണോ വാമന മാധവ । ദേഹി മേ തനയം സീതാ-പ്രാണനായക രാഘവ ॥ 57 ॥ കംജാക്ഷ കൃഷ്ണ ദേവേംദ്ര-മംഡിത മുനിവംദിത । ലക്ഷ്മണാഗ്രജ ശ്രീരാമ ദേഹി മേ തനയം സദാ ॥ 58 ॥ ദേഹി മേ തനയം രാമ ദശരഥപ്രിയനംദന । സീതാനായക കംജാക്ഷ മുചുകുംദവരപ്രദ ॥ 59 ॥ വിഭീഷണായ യാ ലംകാ ഭവതാ വളീയതാ പ്രഭോ (വിഭീഷണസ്യയാ ലംകാ പ്രദത്താ ഭവതാ പുരാ) । അസ്മാകം തത്പ്രകാരേണ തനയം ദേഹി മാധവ ॥ 60 ॥ ഭവദീയപദാംഭോജേ ചിംതയാമി നിരംതരമ് । ദേഹി മേ തനയം സീതാ-പ്രാണവല്ലഭ രാഘവ ॥ 61 ॥ രാമ മത്കാമ്യവരദ പുത്രോത്പത്തിഫലപ്രദ । ദേഹി മേ തനയം ശ്രീശ കമലാസനവംദിത ॥ 62 ॥ രാമ രാഘവ സീതേശ ലക്ഷ്മണാനുജ ദേഹി മേ । ഭാഗ്യവത്പുത്രസംതാനം ദശരഥാത്മജ ശ്രീപതേ ॥ 63 ॥ ദേവകീഗര്ഭസംജാത യശോദാപ്രിയനംദന । ദേഹി മേ തനയം രാമ കൃഷ്ണ ഗോപാല മാധവ ॥ 64 ॥ കൃഷ്ണ മാധവ ഗോവിംദ വാമനാച്യുത ശംകര । ദേഹി മേ തനയം ശ്രീശ ഗോപബാലകനായക ॥ 65 ॥ ഗോപബാല മഹാധന്യ ഗോവിംദാച്യുത മാധവ । ദേഹി മേ തനയം കൃഷ്ണ വാസുദേവ ജഗത്പതേ ॥ 66 ॥ ദിശതു ദിശതു പുത്രം ദേവകീനംദനോഽയം ദിശതു ദിശതു ശീഘ്രം ഭാഗ്യവത്പുത്രലാഭമ് । ദിശതു ദിശതു ശ്രീശോ രാഘവോ രാമചംദ്രോ ദിശതു ദിശതു പുത്രം വംശവിസ്താരഹേതോഃ ॥ 67 ॥ ദദാതു മാം വാസുദേവോഹീ (ദീയതാം വാസുദേവേന) തനയോമത്പ്രിയഃ സുതമ് (സുതഃ) । കുമാരോ നംദനഃ സീതാ-നായകൊ-വിശദാ മമ (നായകേന സദാ മമ) ॥ 68 ॥ രാമ രാഘവ ഗോവിംദ ദേവകീസുത മാധവ । ദേഹി മേ തനയം ശ്രീശ ഗോപബാലകനായക ॥ 69 ॥ വംശവിസ്താരകം പുത്രം ദേഹി മേ മധുസൂദന । സുതം ദേഹി സുതം ദേഹി ത്വാമഹം ശരണം ഗതഃ ॥ 70 ॥ മമാഭീഷ്ടസുതം ദേഹി കംസാരേ മാധവാച്യുത । സുതം ദേഹി സുതം ദേഹി ത്വാമഹം ശരണം ഗതഃ ॥ 71 ॥ ചംദ്രാര്ക-കല്പപര്യംതം തനയം ദേഹി മാധവ । സുതം ദേഹി സുതം ദേഹി ത്വാമഹം ശരണം ഗതഃ ॥ 72 ॥ വിദ്യാവംതം ബുദ്ധിമംതം ശ്രീമംതം തനയം സദാ । ദേഹി മേ തനയം കൃഷ്ണ ദേവകീനംദനം സദാ (ദേവകീനംദന പ്രഭോ) ॥ 73 ॥ നമാമി ത്വാം പദ്മനേത്ര സുതലാഭായ കാമദമ് । മുകുംദം പുംഡരീകാക്ഷം ഗോവിംദം മധുസൂദനമ് ॥ 74 ॥ ഭഗവന് കൃഷ്ണ ഗോവിംദ സർവകാമഫലപ്രദ । ദേഹി മേ തനയം സ്വാമിന് ത്വാമഹം ശരണം ഗതഃ ॥ 75 ॥ സ്വാമിന് ത്വം ഭഗവന് രാമ കൃഷ്ണ മാധവ കാമദ । ദേഹി മേ തനയം നിത്യം ത്വാമഹം ശരണം ഗതഃ ॥ 76 ॥ തനയം ദേഹി ഗോവിംദ കംജാക്ഷ കമലാപതേ । സുതം ദേഹി സുതം ദേഹി ത്വാമഹം ശരണം ഗതഃ ॥ 77 ॥ പദ്മാപതേ പദ്മനേത്ര പദ്മജനക മാധവ (പ്രദ്യുമ്നജനക പ്രഭോ) । സുതം ദേഹി സുതം ദേഹി ത്വാമഹം ശരണം ഗതഃ ॥ 78 ॥ ശംഖചക്രഗദാഖഡ്ഗ ശാര്ങ്ഗപാണേ രമാപതേ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 79 ॥ നാരായണ രമാനാഥ രാജീവപത്രലോചന । സുതം മേ ദേഹി ദേവേശ പദ്മപദ്മാനുവംദിത ॥ 80 ॥ രാമ മാധവ ഗോവിംദ ദേവകീവരനംദന । രുക്മിണീനാഥ സർവേശ നാരദാദിസുരാര്ചിത ॥ 81 ॥ ദേവകീസുത ഗോവിംദ വാസുദേവ ജഗത്പതേ । ദേഹി മേ തനയം ശ്രീശ ഗോപബാലകനായക ॥ 82 ॥ മുനിവംദിത ഗോവിംദ രുക്മിണീവല്ലഭ പ്രഭോ । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 83 ॥ ഗോപികാ ലൂനപുഷ്പണാം മകരംദ രഥപ്രിയ (ഗോപികാര്ജിതപംകേജമരംദാസക്തമാനസ)। ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ )॥ 84 ॥ ര്രമാ ഹൃദയ രാജീവ ലോലമാധവ കാമദ । (രമാഹൃദയ പംകേജലോല മാധവ കാമദ) മമാഭീഷ്ടസുതം ദേഹി ത്വാമഹം ശരണം ഗതഃ ॥ 85 ॥ വാസുദേവ രമാനാഥ ദാസാനാം മംഗലപ്രദ । ദേഹി മേ തനയം കൃഷ്ണ ത്വാമഹം ശരണം ഗതഃ ॥ 86 ॥ കല്യാണപ്രദ ഗോവിംദ മുരാരേ മുനിവംദിത । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 87 ॥ പുത്രപ്രദ മുകുംദേശ രുക്മിണീവല്ലഭ പ്രഭോ । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 88 ॥ പുംഡരീകാക്ഷ ഗോവിംദ വാസുദേവ ജഗത്പതേ । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 89 ॥ ദയാനിധേ വാസുദേവ മുകുംദ മുനിവംദിത । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 90 ॥ പുത്രസംപത്പ്രദാതാരം ഗോവിംദം ദേവപൂജിതമ് । വംദാമഹേ സദാ കൃഷ്ണം പുത്രലാഭപ്രദായിനമ് ॥ 91 ॥ കാരുണ്യനിധയേ ഗോപീവല്ലഭായ മുരാരയേ । നമസ്തേ പുത്രലാഭാര്ഥം ദേഹി മേ തനയം വിഭോ ॥ 92 ॥ നമസ്തസ്മൈ രമേശായ രുക്മിണീവല്ലഭായ തേ । ദേഹി മേ തനയം ശ്രീശ ഗോപബാലകനായക ॥ 93 ॥ നമസ്തേ വാസുദേവായ നിത്യശ്രീകാമുകായ ച । പുത്രദായ ച സര്പേംദ്ര....ശായിനേ രംഗശായിനേ ॥ 94 ॥ രംഗശായിന് രമാനാഥ മംഗലപ്രദ മാധവ । ദേഹി മേ തനയം ശ്രീശ ഗോപബാലകനായക ॥ 95 ॥ ദാസസ്യ മേ സുതം ദേഹി ദീനമംദാര രാഘവ । സുതം ദേഹി സുതം ദേഹി പുത്രം ദേഹി രമാപതേ ॥ 96 ॥ യശോദാതനയാഭീഷ്ട പുത്രദാനരതഃ സദാ । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 97 ॥ മദിഷ്ടദേവ ഗോവിംദ വാസുദേവ ജനാര്ദന । ദേഹി മേ തനയം ശ്രീശ (കൃഷ്ണ) ഗോപബാലകനായക (ത്വാമഹം ശരണം ഗതഃ) ॥ 98 ॥ നീതിമാന് ധനവാന് പുത്രോ വിദ്യാവാംശ്ച പ്രജാപതേ । ഭഗവംസ്ത്വത്കൃപായാശ്ച വാസുദേവേംദ്രപൂജിത ॥ 99 ॥ യഃ പഠേത് പുത്രശതകം സോഽപി സത്പുത്രവാന് ഭവേത് । ശ്രീവാസുദേവകഥിതം സ്തോത്രരത്നം സുഖായ ച ॥ 100 ॥ ജപകാലേ പഠേന്നിത്യം പുത്രലാഭം ധനം ശ്രിയമ് । ഐശ്വര്യം രാജസമ്മാനം സദ്യോ യാതി ന സംശയഃ ॥ 101 ॥