ஶ்ரீ த⁴ன்வந்தரீ மஹாமந்த்ரம்

த்⁴யாநம் । அச்யுதாநந்த கோ³விந்த³ விஷ்ணோ நாராயணா(அ)ம்ருத ரோகா³ந்மே நாஶயா(அ)ஶேஷாநாஶு த⁴ந்வந்தரே ஹரே । ஆரோக்³யம் தீ³ர்க⁴மாயுஷ்யம் ப³லம் தேஜோ தி⁴யம் ஶ்ரியம் ஸ்வப⁴க்தேப்⁴யோ(அ)நுக்³ருஹ்ணந்தம் வந்தே³ த⁴ந்வந்தரிம் ஹரிம் ॥ த⁴ந்வந்தரேரிமம் ஶ்லோகம் ப⁴க்த்யா நித்யம் பட²ந்தி யே । அநாரோக்³யம் ந தேஷாம் ஸ்யாத் ஸுக²ம் ஜீவந்தி தே சிரம் ॥ மந்த்ரம் । ஓம் நமோ ப⁴க³வதே வாஸுதே³வாய த⁴ந்வந்தரயே அம்ருதகலஶஹஸ்தாய [வஜ்ரஜலௌகஹஸ்தாய] ஸர்வாமயவிநாஶநாய த்ரைலோக்யநாதா²ய ஶ்ரீமஹாவிஷ்ணவே ஸ்வாஹா । கா³யத்ரீ । ஓம் வாஸுதே³வாய வித்³மஹே ஸுதா⁴ஹஸ்தாய தீ⁴மஹி தந்நோ த⁴ந்வந்தரி꞉ ப்ரசோத³யாத் । தாரகமந்த்ரம் । ஓம் த⁴ம் த⁴ந்வந்தரயே நம꞉ । [** பாடா²ந்தரம் – த்⁴யாநம் । ஶங்க²ம் சக்ரம் ஜலௌகாம் த³த⁴த³ம்ருதக⁴டம் சாருதோ³ர்பி⁴ஶ்சதுர்பி⁴꞉ ஸூக்ஷ்மஸ்வச்சா²திஹ்ருத்³யாம்ஶுக பரிவிளஸந்மௌளிமம்போ⁴ஜநேத்ரம் । காலாம்போ⁴தோ³ஜ்ஜ்வலாங்க³ம் கடிதடவிளஸச்சாருபீதாம்ப³ராட்⁴யம் வந்தே³ த⁴ந்வந்தரிம் தம் நிகி²லக³த³வநப்ரௌட⁴தா³வாக்³நிலீலம் ॥ மந்த்ர꞉ । ஓம் நமோ ப⁴க³வதே மஹாஸுத³ர்ஶநாய வாஸுதே³வாய த⁴ந்வந்தரயே அம்ருதகலஶஹஸ்தாய ஸர்வப⁴யவிநாஶாய ஸர்வரோக³நிவாரணாய த்ரைலோக்யபதயே த்ரைலோக்யநித⁴யே ஶ்ரீமஹாவிஷ்ணுஸ்வரூப ஶ்ரீத⁴ந்வந்தரீஸ்வரூப ஶ்ரீ ஶ்ரீ ஶ்ரீ ஔஷத⁴சக்ர நாராயணாய ஸ்வாஹா । **]