ஶ்ரீ த⁴ந்வந்தர்யஷ்டோத்தரஶதநாம ஸ்தோத்ரம்
Dhanvantari Ashtottara Shatanama Stotram
Tamil script
த⁴ந்வந்தரி꞉ ஸுதா⁴பூர்ணகலஶாட்⁴யகரோ ஹரி꞉ ।
ஜராம்ருதித்ரஸ்ததே³வப்ரார்த²நாஸாத⁴க꞉ ப்ரபு⁴꞉ ॥ 1 ॥
நிர்விகல்போ நிஸ்ஸமாநோ மந்த³ஸ்மிதமுகா²ம்பு³ஜ꞉ ।
ஆஞ்ஜநேயப்ராபிதாத்³ரி꞉ பார்ஶ்வஸ்த²விநதாஸுத꞉ ॥ 2 ॥
நிமக்³நமந்த³ரத⁴ர꞉ கூர்மரூபீ ப்³ருஹத்தநு꞉ ।
நீலகுஞ்சிதகேஶாந்த꞉ பரமாத்³பு⁴தரூபத்⁴ருத் ॥ 3 ॥
கடாக்ஷவீக்ஷணாஶ்வஸ்தவாஸுகி꞉ ஸிம்ஹவிக்ரம꞉ ।
ஸ்மர்த்ருஹ்ருத்³ரோக³ஹரணோ மஹாவிஷ்ண்வம்ஶஸம்ப⁴வ꞉ ॥ 4 ॥
ப்ரேக்ஷணீயோத்பலஶ்யாம ஆயுர்வேதா³தி⁴தை³வதம் ।
பே⁴ஷஜக்³ரஹணாநேஹ꞉ ஸ்மரணீயபதா³ம்பு³ஜ꞉ ॥ 5 ॥
நவயௌவநஸம்பந்ந꞉ கிரீடாந்விதமஸ்தக꞉ ।
நக்ரகுண்ட³லஸம்ஶோபி⁴ஶ்ரவணத்³வயஶஷ்குலி꞉ ॥ 6 ॥
தீ³ர்க⁴பீவரதோ³ர்த³ண்ட³꞉ கம்பு³க்³ரீவோ(அ)ம்பு³ஜேக்ஷண꞉ ।
சதுர்பு⁴ஜ꞉ ஶங்க²த⁴ரஶ்சக்ரஹஸ்தோ வரப்ரத³꞉ ॥ 7 ॥
ஸுதா⁴பாத்ரோபரிலஸதா³ம்ரபத்ரளஸத்கர꞉ ।
ஶதபத்³யாட்⁴யஹஸ்தஶ்ச கஸ்தூரீதிலகாஞ்சித꞉ ॥ 8 ॥
ஸுகபோல꞉ ஸுநாஸஶ்ச ஸுந்த³ரப்⁴ரூலதாஞ்சித꞉ ।
ஸ்வங்கு³ளீதலஶோபா⁴ட்⁴யோ கூ³ட⁴ஜத்ருர்மஹாஹநு꞉ ॥ 9 ॥
தி³வ்யாங்க³த³ளஸத்³பா³ஹு꞉ கேயூரபரிஶோபி⁴த꞉ ।
விசித்ரரத்நக²சிதவலயத்³வயஶோபி⁴த꞉ ॥ 10 ॥
ஸமோல்லஸத்ஸுஜாதாம்ஸஶ்சாங்கு³ளீயவிபூ⁴ஷித꞉ ।
ஸுதா⁴க³ந்த⁴ரஸாஸ்வாத³மிலத்³ப்⁴ருங்க³மநோஹர꞉ ॥ 11 ॥
லக்ஷ்மீஸமர்பிதோத்பு²ல்லகஞ்ஜமாலாலஸத்³க³ள꞉ ।
லக்ஷ்மீஶோபி⁴தவக்ஷஸ்கோ வநமாலாவிராஜித꞉ ॥ 12 ॥
நவரத்நமணீக்லுப்தஹாரஶோபி⁴தகந்த⁴ர꞉ ।
ஹீரநக்ஷத்ரமாலாதி³ஶோபா⁴ரஞ்ஜிததி³ங்முக²꞉ ॥ 13 ॥
விரஜோ(அ)ம்ப³ரஸம்வீதோ விஶாலோரா꞉ ப்ருது²ஶ்ரவா꞉ ।
நிம்நநாபி⁴꞉ ஸூக்ஷ்மமத்⁴ய꞉ ஸ்தூ²லஜங்கோ⁴ நிரஞ்ஜந꞉ ॥ 14 ॥
ஸுலக்ஷணபதா³ங்கு³ஷ்ட²꞉ ஸர்வஸாமுத்³ரிகாந்வித꞉ ।
அலக்தகாரக்தபாதோ³ மூர்திமத்³வார்தி⁴பூஜித꞉ ॥ 15 ॥
ஸுதா⁴ர்தா²ந்யோந்யஸம்யுத்⁴யத்³தே³வதை³தேயஸாந்த்வந꞉ ।
கோடிமந்மத²ஸங்காஶ꞉ ஸர்வாவயவஸுந்த³ர꞉ ॥ 16 ॥
அம்ருதாஸ்வாத³நோத்³யுக்ததே³வஸங்க⁴பரிஷ்டுத꞉ ।
புஷ்பவர்ஷணஸம்யுக்தக³ந்த⁴ர்வகுலஸேவித꞉ ॥ 17 ॥
ஶங்க²தூர்யம்ருத³ங்கா³தி³ஸுவாதி³த்ராப்ஸரோவ்ருத꞉ ।
விஷ்வக்ஸேநாதி³யுக்பார்ஶ்வ꞉ ஸநகாதி³முநிஸ்துத꞉ ॥ 18 ॥
ஸாஶ்சர்யஸஸ்மிதசதுர்முக²நேத்ரஸமீக்ஷித꞉ ।
ஸாஶங்கஸம்ப்⁴ரமதி³தித³நுவம்ஶ்யஸமீடி³த꞉ ॥ 19 ॥
நமநோந்முக²தே³வாதி³மௌளிரத்நலஸத்பத³꞉ ।
தி³வ்யதேஜ꞉புஞ்ஜரூப꞉ ஸர்வதே³வஹிதோத்ஸுக꞉ ॥ 20 ॥
ஸ்வநிர்க³மக்ஷுப்³த⁴து³க்³த⁴வாராஶிர்து³ந்து³பி⁴ஸ்வந꞉ ।
க³ந்த⁴ர்வகீ³தாபதா³நஶ்ரவணோத்கமஹாமநா꞉ ॥ 21 ॥
நிஷ்கிஞ்சநஜநப்ரீதோ ப⁴வஸம்ப்ராப்தரோக³ஹ்ருத் ।
அந்தர்ஹிதஸுதா⁴பாத்ரோ மஹாத்மா மாயிகாக்³ரணீ꞉ ॥ 22 ॥
க்ஷணார்த⁴மோஹிநீரூப꞉ ஸர்வஸ்த்ரீஶுப⁴லக்ஷண꞉ ।
மத³மத்தேப⁴க³மந꞉ ஸர்வலோகவிமோஹந꞉ ॥ 23 ॥
ஸ்ரம்ஸந்நீவீக்³ரந்தி²ப³ந்தா⁴ஸக்ததி³வ்யகராங்கு³ளி꞉ ।
ரத்நத³ர்வீலஸத்³த⁴ஸ்தோ தே³வதை³த்யவிபா⁴க³க்ருத் ॥ 24 ॥
ஸங்க்²யாததே³வதாந்யாஸோ தை³த்யதா³நவவஞ்சக꞉ ।
தே³வாம்ருதப்ரதா³தா ச பரிவேஷணஹ்ருஷ்டதீ⁴꞉ ॥ 25 ॥
உந்முகோ²ந்முக²தை³த்யேந்த்³ரத³ந்தபங்க்திவிபா⁴ஜக꞉ ।
புஷ்பவத்ஸுவிநிர்தி³ஷ்டராஹுரக்ஷ꞉ஶிரோஹர꞉ ॥ 26 ॥
ராஹுகேதுக்³ரஹஸ்தா²நபஶ்சாத்³க³திவிதா⁴யக꞉ ।
அம்ருதாலாப⁴நிர்விண்ணயுத்⁴யத்³தே³வாரிஸூத³ந꞉ ॥ 27 ॥
க³ருத்மத்³வாஹநாரூட⁴꞉ ஸர்வேஶஸ்தோத்ரஸம்யுத꞉ ।
ஸ்வஸ்வாதி⁴காரஸந்துஷ்டஶக்ரவஹ்ந்யாதி³பூஜித꞉ ॥ 28 ॥
மோஹிநீத³ர்ஶநாயாதஸ்தா²ணுசித்தவிமோஹக꞉ ।
ஶசீஸ்வாஹாதி³தி³க்பாலபத்நீமண்ட³லஸந்நுத꞉ ॥ 29 ॥
வேதா³ந்தவேத்³யமஹிமா ஸர்வலோகைகரக்ஷக꞉ ।
ராஜராஜப்ரபூஜ்யாங்க்⁴ரி꞉ சிந்திதார்த²ப்ரதா³யக꞉ ॥ 30 ॥
த⁴ந்வந்தரேர்ப⁴க³வதோ நாம்நாமஷ்டோத்தரம் ஶதம் ।
ய꞉ படே²த்ஸததம் ப⁴க்த்யா நீரோக³꞉ ஸுக²பா⁴க்³ப⁴வேத் ॥ 31 ॥
இதி ப்³ருஹத்³ப்³ரஹ்மாநந்தோ³பநிஷதா³ந்தர்க³தம் ஶ்ரீ த⁴ந்வந்தர்யஷ்டோத்தரஶதநாம ஸ்தோத்ரம் ।
Meaning · English summary
A hymn remembering Dhanvantari through his names and qualities, including the bearer of nectar and the deity associated with Ayurveda.