ஶ்ரீ ஹயக்ரீவ ஸ்தோத்ரம்

ஶ்ரீமாந் வேங்கடநாதா²ர்ய꞉ கவிதார்கிககேஸரீ । வேதா³ந்தாசார்யவர்யோ மே ஸந்நித⁴த்தாம் ஸதா³ ஹ்ருதி³ ॥ ஜ்ஞாநாநந்த³மயம் தே³வம் நிர்மலஸ்ப²டிகாக்ருதிம் । ஆதா⁴ரம் ஸர்வவித்³யாநாம் ஹயக்³ரீவமுபாஸ்மஹே ॥ 1 ॥ ஸ்வத꞉ ஸித்³த⁴ம் ஶுத்³த⁴ஸ்ப²டிகமணிபூ⁴ப்⁴ருத்ப்ரதிப⁴டம் ஸுதா⁴ஸத்⁴ரீசீபி⁴ர்த்³யுதிபி⁴ரவதா³தத்ரிபு⁴வநம் । அநந்தைஸ்த்ரய்யந்தைரநுவிஹிதஹேஷாஹலஹலம் ஹதாஶேஷாவத்³யம் ஹயவத³நமீடீ³மஹி மஹ꞉ ॥ 2 ॥ ஸமாஹார꞉ ஸாம்நாம் ப்ரதிபத³ம்ருசாம் தா⁴ம யஜுஷாம் லய꞉ ப்ரத்யூஹாநாம் லஹரிவிததிர்போ³த⁴ஜலதே⁴꞉ । கதா²த³ர்பக்ஷுப்⁴யத்கத²ககுலகோலாஹலப⁴வம் ஹரத்வந்தர்த்⁴வாந்தம் ஹயவத³நஹேஷாஹலஹல꞉ ॥ 3 ॥ ப்ராசீ ஸந்த்⁴யா காசித³ந்தர்நிஶாயா꞉ ப்ரஜ்ஞாத்³ருஷ்டேரஞ்ஜநஶ்ரீரபூர்வா । வக்த்ரீ வேதா³ந் பா⁴து மே வாஜிவக்த்ரா வாகீ³ஶாக்²யா வாஸுதே³வஸ்ய மூர்தி꞉ ॥ 4 ॥ விஶுத்³த⁴விஜ்ஞாநக⁴நஸ்வரூபம் விஜ்ஞாநவிஶ்ராணநப³த்³த⁴தீ³க்ஷம் । த³யாநிதி⁴ம் தே³ஹப்⁴ருதாம் ஶரண்யம் தே³வம் ஹயக்³ரீவமஹம் ப்ரபத்³யே ॥ 5 ॥ அபௌருஷேயைரபி வாக்ப்ரபஞ்சை꞉ அத்³யாபி தே பூ⁴திமத்³ருஷ்டபாராம் । ஸ்துவந்நஹம் முக்³த⁴ இதி த்வயைவ காருண்யதோ நாத² கடாக்ஷணீய꞉ ॥ 6 ॥ தா³க்ஷிண்யரம்யா கி³ரிஶஸ்ய மூர்தி꞉ தே³வீ ஸரோஜாஸநத⁴ர்மபத்நீ । வ்யாஸாத³யோ(அ)பி வ்யபதே³ஶ்யவாச꞉ ஸ்பு²ரந்தி ஸர்வே தவ ஶக்திலேஶை꞉ ॥ 7 ॥ மந்தோ³(அ)ப⁴விஷ்யந்நியதம் விரிஞ்சோ வாசாம் நிதே⁴ வஞ்சிதபா⁴க³தே⁴ய꞉ । தை³த்யாபநீதாந் த³யயைவ பூ⁴யோ(அ)பி அத்⁴யாபயிஷ்யோ நிக³மாந் ந சேத் த்வம் ॥ 8 ॥ விதர்கடோ³லாம் வ்யவதூ⁴ய ஸத்த்வே ப்³ருஹஸ்பதிம் வர்தயஸே யதஸ்த்வம் । தேநைவ தே³வ த்ரிதே³ஶேஶ்வராணாம் அஸ்ப்ருஷ்டடோ³லாயிதமாதி⁴ராஜ்யம் ॥ 9 ॥ அக்³நௌ ஸமித்³தா⁴ர்சிஷி ஸப்ததந்தோ꞉ ஆதஸ்தி²வாந் மந்த்ரமயம் ஶரீரம் । அக²ண்ட³ஸாரைர்ஹவிஷாம் ப்ரதா³நை꞉ ஆப்யாயநம் வ்யோமஸதா³ம் வித⁴த்ஸே ॥ 10 ॥ யந்மூலமீத்³ருக் ப்ரதிபா⁴தி தத்த்வம் யா மூலமாம்நாயமஹாத்³ருமாணாம் । தத்த்வேந ஜாநந்தி விஶுத்³த⁴ஸத்த்வா꞉ த்வாமக்ஷராமக்ஷரமாத்ருகாம் த்வாம் ॥ 11 ॥ அவ்யாக்ருதாத்³வ்யாக்ருதவாநஸி த்வம் நாமாநி ரூபாணி ச யாநி பூர்வம் । ஶம்ஸந்தி தேஷாம் சரமாம் ப்ரதிஷ்டா²ம் வாகீ³ஶ்வர த்வாம் த்வது³பஜ்ஞவாச꞉ ॥ 12 ॥ முக்³தே⁴ந்து³நிஷ்யந்த³விளோப⁴நீயாம் மூர்திம் தவாநந்த³ஸுதா⁴ப்ரஸூதிம் । விபஶ்சிதஶ்சேதஸி பா⁴வயந்தே வேலாமுதா³ராமிவ து³க்³த⁴ஸிந்தோ⁴꞉ ॥ 13 ॥ மநோக³தம் பஶ்யதி ய꞉ ஸதா³ த்வாம் மநீஷிணாம் மாநஸராஜஹம்ஸம் । ஸ்வயம் புரோபா⁴வவிவாத³பா⁴ஜ꞉ கிங்குர்வதே தஸ்ய கி³ரோ யதா²ர்ஹம் ॥ 14 ॥ அபி க்ஷணார்த⁴ம் கலயந்தி யே த்வாம் ஆப்லாவயந்தம் விஶதை³ர்மயூகை²꞉ । வாசாம் ப்ரவாஹைரநிவாரிதைஸ்தே மந்தா³கிநீம் மந்த³யிதும் க்ஷமந்தே ॥ 15 ॥ ஸ்வாமிந் ப⁴வத்³த்⁴யாநஸுதா⁴பி⁴ஷேகாத் வஹந்தி த⁴ந்யா꞉ புலகாநுப³ந்த⁴ம் । அலக்ஷிதே க்வாபி நிரூட⁴மூலம் அங்கே³ஷ்விவாநந்த³து²மங்குரந்தம் ॥ 16 ॥ ஸ்வாமிந் ப்ரதீசா ஹ்ருத³யேந த⁴ந்யா꞉ த்வத்³த்⁴யாநசந்த்³ரோத³யவர்த⁴மாநம் । அமாந்தமாநந்த³பயோதி⁴மந்த꞉ பயோபி⁴ரக்ஷ்ணாம் பரிவாஹயந்தி ॥ 17 ॥ ஸ்வைராநுபா⁴வாஸ்த்வத³தீ⁴நபா⁴வா꞉ ஸம்ருத்³த⁴வீர்யாஸ்த்வத³நுக்³ரஹேண । விபஶ்சிதோ நாத² தரந்தி மாயாம் வைஹாரிகீம் மோஹநபிஞ்சி²காம் தே ॥ 18 ॥ ப்ராங்நிர்மிதாநாம் தபஸாம் விபாகா꞉ ப்ரத்யக்³ரநி꞉ஶ்ரேயஸஸம்பதோ³ மே । ஸமேதி⁴ஷீரம்ஸ்தவ பாத³பத்³மே ஸங்கல்பசிந்தாமணய꞉ ப்ரணாமா꞉ ॥ 19 ॥ விளுப்தமூர்த⁴ந்யலிபிக்ரமாணாம் ஸுரேந்த்³ரசூடா³பத³ளாலிதாநாம் । த்வத³ங்க்⁴ரிராஜீவரஜ꞉கணாநாம் பூ⁴யாந் ப்ரஸாதோ³ மயி நாத² பூ⁴யாத் ॥ 20 ॥ பரிஸ்பு²ரந்நூபுரசித்ரபா⁴நு- -ப்ரகாஶநிர்தூ⁴ததமோநுஷங்க³ம் । பத³த்³வயீம் தே பரிசிந்மஹே(அ)ந்த꞉ ப்ரபோ³த⁴ராஜீவவிபா⁴தஸந்த்⁴யாம் ॥ 21 ॥ த்வத்கிங்கராளங்கரணோசிதாநாம் த்வயைவ கல்பாந்தரபாலிதாநாம் । மஞ்ஜுப்ரணாத³ம் மணிநூபுரம் தே மஞ்ஜூஷிகாம் வேத³கி³ராம் ப்ரதீம꞉ ॥ 22 ॥ ஸஞ்சிந்தயாமி ப்ரதிபா⁴த³ஶாஸ்தா²ந் ஸந்து⁴க்ஷயந்தம் ஸமயப்ரதீ³பாந் । விஜ்ஞாநகல்பத்³ருமபல்லவாப⁴ம் வ்யாக்²யாநமுத்³ராமது⁴ரம் கரம் தே ॥ 23 ॥ சித்தே கரோமி ஸ்பு²ரிதாக்ஷமாலம் ஸவ்யேதரம் நாத² கரம் த்வதீ³யம் । ஜ்ஞாநாம்ருதோத³ஞ்சநலம்படாநாம் லீலாக⁴டீயந்த்ரமிவாஶ்ரிதாநாம் ॥ 24 ॥ ப்ரபோ³த⁴ஸிந்தோ⁴ரருணை꞉ ப்ரகாஶை꞉ ப்ரவாளஸங்கா⁴தமிவோத்³வஹந்தம் । விபா⁴வயே தே³வ ஸபுஸ்தகம் தே வாமம் கரம் த³க்ஷிணமாஶ்ரிதாநாம் ॥ 25 ॥ தமாம்ஸி பி⁴த்த்வா விஶதை³ர்மயூகை²꞉ ஸம்ப்ரீணயந்தம் விது³ஷஶ்சகோராந் । நிஶாமயே த்வாம் நவபுண்ட³ரீகே ஶரத்³க⁴நே சந்த்³ரமிவ ஸ்பு²ரந்தம் ॥ 26 ॥ தி³ஶந்து மே தே³வ ஸதா³ த்வதீ³யா꞉ த³யாதரங்கா³நுசரா꞉ கடாக்ஷா꞉ । ஶ்ரோத்ரேஷு பும்ஸாமம்ருதம் க்ஷரந்தீம் ஸரஸ்வதீம் ஸம்ஶ்ரிதகாமதே⁴நும் ॥ 27 ॥ விஶேஷவித்பாரிஷதே³ஷு நாத² வித³க்³த⁴ கோ³ஷ்டீ²ஸமராங்க³ணேஷு । ஜிகீ³ஷதோ மே கவிதார்கிகேந்த்³ராந் ஜிஹ்வாக்³ரஸிம்ஹாஸநமப்⁴யுபேயா꞉ ॥ 28 ॥ த்வாம் சிந்தயந் த்வந்மயதாம் ப்ரபந்ந꞉ த்வாமுத்³க்³ருணந் ஶப்³த³மயேந தா⁴ம்நா । ஸ்வாமிந் ஸமாஜேஷு ஸமேதி⁴ஷீய ஸ்வச்ச²ந்த³வாதா³ஹவப³த்³த⁴ஶூர꞉ ॥ 29 ॥ நாநாவிதா⁴நாமக³தி꞉ கலாநாம் ந சாபி தீர்தே²ஷு க்ருதாவதார꞉ । த்⁴ருவம் தவாநாத²பரிக்³ரஹாயா꞉ நவம் நவம் பாத்ரமஹம் த³யாயா꞉ ॥ 30 ॥ அகம்பநீயாந்யபநீதிபே⁴தை³꞉ அலங்க்ருஷீரந் ஹ்ருத³யம் மதீ³யம் । ஶங்காகலங்காபக³மோஜ்ஜ்வலாநி தத்த்வாநி ஸம்யஞ்சி தவ ப்ரஸாதா³த் ॥ 31 ॥ வ்யாக்²யாமுத்³ராம் கரஸரஸிஜை꞉ புஸ்தகம் ஶங்க²சக்ரே பி³ப்⁴ரத்³பி⁴ந்நஸ்ப²டிகருசிரே புண்ட³ரீகே நிஷண்ண꞉ । அம்லாநஶ்ரீரம்ருதவிஶதை³ரம்ஶுபி⁴꞉ ப்லாவயந் மாம் ஆவிர்பூ⁴யாத³நக⁴மஹிமா மாநஸே வாக³தீ⁴ஶ꞉ ॥ 32 ॥ வாக³ர்த²ஸித்³தி⁴ஹேதோ꞉ பட²த ஹயக்³ரீவஸம்ஸ்துதிம் ப⁴க்த்யா । கவிதார்கிககேஸரிணா வேங்கடநாதே²ந விரசிதாமேதாம் ॥ 33 ॥ கவிதார்கிகஸிம்ஹாய கல்யாணகு³ணஶாலிநே । ஶ்ரீமதே வேங்கடேஶாய வேதா³ந்தகு³ரவே நம꞉ ॥ இதி ஶ்ரீவேதா³ந்ததே³ஶிக க்ருத ஶ்ரீ ஹயக்³ரீவ ஸ்தோத்ரம் ।