ஶ்ரீ மஹாலக்ஷ்ம்யஷ்டகம்

இந்த்³ர உவாச । நமஸ்தே(அ)ஸ்து மஹாமாயே ஶ்ரீபீடே² ஸுரபூஜிதே । ஶங்க²சக்ரக³தா³ஹஸ்தே மஹாலக்ஷ்மி நமோ(அ)ஸ்து தே ॥ 1 ॥ நமஸ்தே க³ருடா³ரூடே⁴ கோலாஸுரப⁴யங்கரி । ஸர்வபாபஹரே தே³வி மஹாலக்ஷ்மி நமோ(அ)ஸ்து தே ॥ 2 ॥ ஸர்வஜ்ஞே ஸர்வவரதே³ ஸர்வது³ஷ்டப⁴யங்கரி । ஸர்வது³꞉க²ஹரே தே³வி மஹாலக்ஷ்மி நமோ(அ)ஸ்து தே ॥ 3 ॥ ஸித்³தி⁴பு³த்³தி⁴ப்ரதே³ தே³வி பு⁴க்திமுக்திப்ரதா³யிநி । மந்த்ரமூர்தே ஸதா³ தே³வி மஹாலக்ஷ்மி நமோ(அ)ஸ்து தே ॥ 4 ॥ ஆத்³யந்தரஹிதே தே³வி ஆத்³யஶக்தி மஹேஶ்வரி । யோக³ஜே யோக³ஸம்பூ⁴தே மஹாலக்ஷ்மி நமோ(அ)ஸ்து தே ॥ 5 ॥ [யோக³ஜ்ஞே] ஸ்தூ²லஸூக்ஷ்மமஹாரௌத்³ரே மஹாஶக்தே மஹோத³ரே । மஹாபாபஹரே தே³வி மஹாலக்ஷ்மி நமோ(அ)ஸ்து தே ॥ 6 ॥ பத்³மாஸநஸ்தி²தே தே³வி பரப்³ரஹ்மஸ்வரூபிணி । பரமேஶி ஜக³ந்மாதர்மஹாலக்ஷ்மி நமோ(அ)ஸ்து தே ॥ 7 ॥ ஶ்வேதாம்ப³ரத⁴ரே தே³வி நாநாலங்காரபூ⁴ஷிதே । ஜக³த்ஸ்தி²தே ஜக³ந்மாதர்மஹாலக்ஷ்மி நமோ(அ)ஸ்து தே ॥ 8 ॥ மஹாலக்ஷ்ம்யஷ்டகம் ஸ்தோத்ரம் ய꞉ படே²த்³ப⁴க்திமாந்நர꞉ । ஸர்வஸித்³தி⁴மவாப்நோதி ராஜ்யம் ப்ராப்நோதி ஸர்வதா³ ॥ 9 ॥ ஏககாலம் படே²ந்நித்யம் மஹாபாபவிநாஶநம் । த்³விகாலம் ய꞉ படே²ந்நித்யம் த⁴நதா⁴ந்யஸமந்வித꞉ ॥ 10 ॥ த்ரிகாலம் ய꞉ படே²ந்நித்யம் மஹாஶத்ருவிநாஶநம் । மஹாலக்ஷ்மீர்ப⁴வேந்நித்யம் ப்ரஸந்நா வரதா³ ஶுபா⁴ ॥ 11 ॥ இதி ஶ்ரீ மஹாலக்ஷ்ம்யஷ்டகம் ॥