நிர்வாணஷட்கம்

மனோபு³த்³த்⁴யஹங்காரசித்தானி நாஹம் ந கர்ணம் ந ஜிஹ்வா ந ச க்⁴ராணநேத்ரே । ந ச வ்யோம பூ⁴மிர்ன தேஜோ ந வாயு- -ஶ்சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 1 ॥ ந ச ப்ராணஸஞ்ஜ்ஞோ ந வை பஞ்சவாயு- -ர்ன வா ஸப்ததா⁴துர்ன வா பஞ்சகோஶ꞉ । ந வாக்பாணிபாதௌ³ ந சோபஸ்த²பாயூ சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 2 ॥ ந மே த்³வேஷராகௌ³ ந மே லோப⁴மோஹௌ மதோ³ நைவ மே நைவ மாத்ஸர்யபா⁴வ꞉ । ந த⁴ர்மோ ந சார்தோ² ந காமோ ந மோக்ஷ- -ஶ்சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 3 ॥ ந புண்யம் ந பாபம் ந ஸௌக்²யம் ந து³꞉க²ம் ந மந்த்ரோ ந தீர்த²ம் ந வேதா³ ந யஜ்ஞா꞉ । அஹம் போ⁴ஜனம் நைவ போ⁴ஜ்யம் ந போ⁴க்தா சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 4 ॥ ந ம்ருத்யுர்ன ஶங்கா ந மே ஜாதிபே⁴த³꞉ பிதா நைவ மே நைவ மாதா ந ஜன்ம । ந ப³ந்து⁴ர்ன மித்ரம் கு³ருர்னைவ ஶிஷ்ய- -ஶ்சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 5 ॥ அஹம் நிர்விகல்போ நிராகாரரூபோ விபு⁴த்வாச்ச ஸர்வத்ர ஸர்வேந்த்³ரியாணாம் । ந சாஸங்க³தம் நைவ முக்திர்ன ப³ந்த⁴- -ஶ்சிதா³னந்த³ரூப꞉ ஶிவோ(அ)ஹம் ஶிவோ(அ)ஹம் ॥ 6 ॥ இதி ஶ்ரீமச்ச²ங்கராசார்ய க்ருதௌ நிர்வாண ஷட்கம் ॥