ஶ்ரீ ஶிவ மாநஸபூஜா ஸ்தோத்ரம்

ரத்நை꞉ கல்பிதமாஸநம் ஹிமஜலை꞉ ஸ்நாநம் ச தி³வ்யாம்ப³ரம் நாநாரத்நவிபூ⁴ஷிதம் ம்ருக³மதா³மோதா³ங்கிதம் சந்த³நம் । ஜாதீசம்பகபி³ல்வபத்ரரசிதம் புஷ்பம் ச தூ⁴பம் ததா² தீ³பம் தே³வ த³யாநிதே⁴ பஶுபதே ஹ்ருத்கல்பிதம் க்³ருஹ்யதாம் ॥ 1 ॥ ஸௌவர்ணே நவரத்நக²ண்ட³ரசிதே பாத்ரே க்⁴ருதம் பாயஸம் ப⁴க்ஷ்யம் பஞ்சவித⁴ம் பயோத³தி⁴யுதம் ரம்பா⁴ப²லம் பாநகம் । ஶாகாநாமயுதம் ஜலம் ருசிகரம் கர்பூரக²ண்டோ³ஜ்ஜ்வலம் தாம்பூ³லம் மநஸா மயா விரசிதம் ப⁴க்த்யா ப்ரபோ⁴ ஸ்வீகுரு ॥ 2 ॥ ச²த்ரம் சாமரயோர்யுக³ம் வ்யஜநகம் சாத³ர்ஶகம் நிர்மலம் வீணாபே⁴ரிம்ருத³ங்க³காஹலகலா கீ³தம் ச ந்ருத்யம் ததா² । ஸாஷ்டாங்க³ம் ப்ரணதி꞉ ஸ்துதிர்ப³ஹுவிதா⁴ ஹ்யேதத்ஸமஸ்தம் மயா ஸங்கல்பேந ஸமர்பிதம் தவ விபோ⁴ பூஜாம் க்³ருஹாண ப்ரபோ⁴ ॥ 3 ॥ ஆத்மா த்வம் கி³ரிஜா மதி꞉ ஸஹசரா꞉ ப்ராணா꞉ ஶரீரம் க்³ருஹம் பூஜா தே விஷயோபபோ⁴க³ரசநா நித்³ரா ஸமாதி⁴ஸ்தி²தி꞉ । ஸஞ்சார꞉ பத³யோ꞉ ப்ரத³க்ஷிணவிதி⁴꞉ ஸ்தோத்ராணி ஸர்வா கி³ரோ யத்³யத்கர்ம கரோமி தத்தத³கி²லம் ஶம்போ⁴ தவாராத⁴நம் ॥ 4 ॥ கரசரணக்ருதம் வாக்காயஜம் கர்மஜம் வா ஶ்ரவண நயநஜம் வா மாநஸம் வாபராத⁴ம் । விஹிதமவிஹிதம் வா ஸர்வமேதத் க்ஷமஸ்வ ஜய ஜய கருணாப்³தே⁴ ஶ்ரீமஹாதே³வ ஶம்போ⁴ ॥ 5 ॥ இதி ஶ்ரீமச்ச²ங்கராசார்ய க்ருதம் ஶ்ரீ ஶிவ மாநஸபூஜா ஸ்தோத்ரம் ।