ஶரவணப⁴வ மந்த்ராக்ஷர ஷட்கம்

ஶக்திஸ்வரூபாய ஶரோத்³ப⁴வாய ஶக்ரார்சிதாயாத² ஶசீஸ்துதாய । ஶமாய ஶம்பு⁴ப்ரணவார்த²தா³ய ஶகாரரூபாய நமோ கு³ஹாய ॥ 1 ॥ ரணந்மணிப்ரோஜ்ஜ்வலமேக²லாய ரமாஸநாத²ப்ரணவார்த²தா³ய । ரதீஶபூஜ்யாய ரவிப்ரபா⁴ய ரகாரரூபாய நமோ கு³ஹாய ॥ 2 ॥ வராய வர்ணாஶ்ரமரக்ஷகாய வரத்ரிஶூலாப⁴யமண்டி³தாய । வலாரிகந்யாஸுக்ருதாலயாய வகாரரூபாய நமோ கு³ஹாய ॥ 3 ॥ நகே³ந்த்³ரகந்யேஶ்வரதத்த்வதா³ய நகா³தி⁴ரூடா⁴ய நகா³ர்சிதாய । நகா³ஸுரக்⁴நாய நகா³ளயாய நகாரரூபாய நமோ கு³ஹாய ॥ 4 ॥ ப⁴வாய ப⁴ர்கா³ய ப⁴வாத்மஜாய ப⁴ஸ்மாயமாநாத்³பு⁴தவிக்³ரஹாய । ப⁴க்தேஷ்டகாமப்ரத³கல்பகாய ப⁴காரரூபாய நமோ கு³ஹாய ॥ 5 ॥ வல்லீவலாராதிஸுதார்சிதாய வராங்க³ராகா³ஞ்சிதவிக்³ரஹாய । வல்லீகராம்போ⁴ருஹமர்தி³தாய வகாரரூபாய நமோ கு³ஹாய ॥ 6 ॥ இதி ஶ்ரீஶரவணப⁴வமந்த்ராக்ஷரஷட்கம் ।