ஶ்ரீ ஸூர்யாஷ்டகம்

ஸாம்ப³ உவாச । ஆதி³தே³வ நமஸ்துப்⁴யம் ப்ரஸீத³ மம பா⁴ஸ்கர । தி³வாகர நமஸ்துப்⁴யம் ப்ரபா⁴கர நமோ(அ)ஸ்து தே ॥ 1 ॥ ஸப்தாஶ்வரத²மாரூட⁴ம் ப்ரசண்ட³ம் கஶ்யபாத்மஜம் । ஶ்வேதபத்³மத⁴ரம் தே³வம் தம் ஸூர்யம் ப்ரணமாம்யஹம் ॥ 2 ॥ லோஹிதம் ரத²மாரூட⁴ம் ஸர்வலோகபிதாமஹம் । மஹாபாபஹரம் தே³வம் தம் ஸூர்யம் ப்ரணமாம்யஹம் ॥ 3 ॥ த்ரைகு³ண்யம் ச மஹாஶூரம் ப்³ரஹ்மவிஷ்ணுமஹேஶ்வரம் । மஹாபாபஹரம் தே³வம் தம் ஸூர்யம் ப்ரணமாம்யஹம் ॥ 4 ॥ ப்³ரும்ஹிதம் தேஜஸாம் புஞ்ஜம் வாயுமாகாஶமேவ ச । ப்ரபு⁴ம் ச ஸர்வலோகாநாம் தம் ஸூர்யம் ப்ரணமாம்யஹம் ॥ 5 ॥ ப³ந்தூ⁴கபுஷ்பஸங்காஶம் ஹாரகுண்ட³லபூ⁴ஷிதம் । ஏகசக்ரரத²ம் தே³வம் தம் ஸூர்யம் ப்ரணமாம்யஹம் ॥ 6 ॥ தம் ஸூர்யம் ஜக³த்கர்தாரம் மஹாதேஜ꞉ப்ரதீ³பநம் । மஹாபாபஹரம் தே³வம் தம் ஸூர்யம் ப்ரணமாம்யஹம் ॥ 7 ॥ தம் ஸூர்யம் ஜக³தாம் நாத²ம் ஜ்ஞாநவிஜ்ஞாநமோக்ஷத³ம் । மஹாபாபஹரம் தே³வம் தம் ஸூர்யம் ப்ரணமாம்யஹம் ॥ 8 ॥ ப²லஶ்ருதி ஸூர்யாஷ்டகம் படே²ந்நித்யம் க்³ரஹபீடா³ப்ரணாஶநம் । அபுத்ரோ லப⁴தே புத்ரம் த³ரித்³ரோ த⁴நவாந்ப⁴வேத் ॥ 9 ॥ ஆமிஷம் மது⁴பாநம் ச ய꞉ கரோதி ரவேர்தி³நே । ஸப்தஜந்ம ப⁴வேத்³ரோகீ³ ஜந்மஜந்ம த³ரித்³ரதா ॥ 10 ॥ ஸ்த்ரீதைலமது⁴மாம்ஸாநி யே த்யஜந்தி ரவேர்தி³நே । ந வ்யாதி⁴꞉ ஶோகதா³ரித்³ர்யம் ஸூர்யலோகம் ஸ க³ச்ச²தி ॥ 11 ॥ இதி ஶ்ரீ ஸூர்யாஷ்டகம் முற்றிற்று.