సంకటమోచన హనుమదష్టకం

తతోఽహం తులసీదాసః స్మరామి రఘుందనమ్ | హనూమంతం తత్పురస్తాద్రక్షార్థే భక్తరక్షకమ్ || ౧ || హనూమన్నంజనాసూనో వాయుపుత్ర మహాబల | మహాలాంగూలనిక్షేపనిహతాఖిలరాక్షస || ౨ || అక్షవక్షోవినిక్షేపకులిశాగ్రనఖాంచిత | శ్రీరామహృదయానంద విపత్తౌ శరణం భవ || ౩ || ఉల్లంఘ్య సాగరం యేన ఛాయాగ్రాహీ నిపాతితా | సింహనాదహతామిత్ర విపత్తౌ శరణం భవ || ౪ || లక్ష్మణే నిహతే భూమావానీయ హ్యచలం తతః | యయా జీవితవానద్య తాం శక్తిం ప్రకటీ కురు || ౫ || యేన లంకేశ్వరో వీరో నిఃశంకం విజితః స్వయమ్ | దుర్నిరీక్ష్యోఽపి దేవానాం తద్బలం దర్శయాధునా || ౬ || యయా లంకాం ప్రవిశ్య త్వం జ్ఞాతవాన్ జానకీం స్వయమ్ | రావణాంతఃపురేఽత్యుగ్రే తాం బుద్ధిం ప్రకటీ కురు || ౭ || రుద్రావతార భక్తార్తివిమోచన మహాభుజ | కపిరాజ ప్రపన్నస్త్వాం శరణం భవ రక్ష మామ్ || ౮ || ఇత్యష్టకం హనుమతో యః పఠేచ్ఛ్రద్ధయాన్వితః | సర్వకష్టవినిర్ముక్తో లభతే వాంఛితం ఫలమ్ || ౯ || ఇతి శ్రీగోస్వామితులసీదాస కృత సంకటమోచనం నామ శ్రీహనుమదష్టకమ్ ||