నిర్వాణ షట్కం

మనోబుద్ధ్యహంకారచిత్తాని నాహం న కర్ణం న జిహ్వా న చ ఘ్రాణనేత్రే | న చ వ్యోమ భూమిర్న తేజో న వాయు- -శ్చిదానందరూపః శివోఽహం శివోఽహమ్ || ౧ || న చ ప్రాణసంజ్ఞో న వై పంచవాయు- -ర్న వా సప్తధాతుర్న వా పంచకోశః | న వాక్పాణిపాదౌ న చోపస్థపాయూ చిదానందరూపః శివోఽహం శివోఽహమ్ || ౨ || న మే ద్వేషరాగౌ న మే లోభమోహౌ మదో నైవ మే నైవ మాత్సర్యభావః | న ధర్మో న చార్థో న కామో న మోక్ష- -శ్చిదానందరూపః శివోఽహం శివోఽహమ్ || ౩ || న పుణ్యం న పాపం న సౌఖ్యం న దుఃఖం న మంత్రో న తీర్థం న వేదా న యజ్ఞాః | అహం భోజనం నైవ భోజ్యం న భోక్తా చిదానందరూపః శివోఽహం శివోఽహమ్ || ౪ || న మృత్యుర్న శంకా న మే జాతిభేదః పితా నైవ మే నైవ మాతా న జన్మ | న బంధుర్న మిత్రం గురుర్నైవ శిష్య- -శ్చిదానందరూపః శివోఽహం శివోఽహమ్ || ౫ || అహం నిర్వికల్పో నిరాకారరూపో విభుత్వాచ్చ సర్వత్ర సర్వేంద్రియాణామ్ | న చాసంగతం నైవ ముక్తిర్న బంధ- -శ్చిదానందరూపః శివోఽహం శివోఽహమ్ || ౬ || ఇతి శ్రీమచ్ఛంకరాచార్య కృతౌ నిర్వాణ షట్కమ్ ||